Fréttablaðið - 28.08.2019, Blaðsíða 8

Halldór
ÚTGÁFUFÉLAG: Torg ehf. STJÓRNARFORMAÐUR: Ingibjörg Stefanía Pálmadóttir FRAMKVÆMDASTJÓRI: Jóhanna Helga Viðarsdóttir ÚTGEFANDI: Kristín Þorsteinsdóttir kristin@frettabladid.is
RITSTJÓRAR: Davíð Stefánsson david@frettabladid.is, Ólöf Skaftadóttir olof@frettabladid.is, MARKAÐURINN: Hörður Ægisson hordur@frettabladid.is FRÉTTABLAÐIÐ.IS: Sunna Karen Sigurþórsdóttir sunnak@frettabladid.is.
Fréttablaðið kemur út í 85.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum
án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Kristjana Björg Guðbrandsdóttir kristjanabjorg@frettabladid.is
MENNING: Kolbrún Bergþórsdóttir kolbrunb@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Frá degi til dags
Kolbrún
Bergþórsdóttir
kolbrunb@frettabladid.is

Það var ekki
pláss fyrir
Evrópusinna
í Sjálfstæðis­
flokknum en
þar er nægt
rými fyrir
fólk sem
aðhyllist
hugmynda­
fræði Don­
alds Trump
og félaga.

Það er
virkilega
auðvelt að
fara aftur á
bak í stað
þess að fara
áfram veg­
inn.
Aðalfundur Íþróttafélagsins
Gerplu verður haldinn í dag
miðvikudaginn 28.ágúst
Fundurinn fer fram í félagsaðstöðu Gerplu á annarri hæð
í Versölum 3 og hefst 18:00.
Hefðbundin aðalfundarstörf
Stjórn Gerplu
Ath.
Fundurinn er pappírslaus, fundargögn má nálgast á netinu.
Andstæðingar Sjálfstæðisflokksins hafa alveg sérstaklega ástæðu til að fagna. Þeir þurfa ekki lengur að beita sér af hörku gegn þessum stærsta flokki landsins. Sjálfstæðismenn hafa sjálfir tekið það verk að sér.
Það er ekki sérlega algengt að Sjálfstæðismenn urri
og bíti hverjir aðra. Nú er það hins vegar nær daglegt
brauð. Gamlir og þrautreyndir flokkshestar, sem hafa
óbeit á Evrópusambandinu og tortryggja flokksfor-
ystuna, hafa farið hamförum vegna þriðja orkupakk-
ans, máls sem engin ástæða er til að æsa sig út af. Ekki
þýðir þó að segja þeim það, þeir eru í svo miklum ham
að þeir taka ekki rökum. Þessi hópur samanstendur
aðallega af eldri karlmönnum, með mikla valdaþörf.
Svo sannarlega leiðist þeim ekki að vera í sviðsljósinu.
Þeir hafa hátt og finnst greinilega gaman að hlusta
á sjálfa sig. Hvað eftir annað þylja þeir rangfærslur
sínar um þriðja orkupakkann og banda óþolinmóðir
frá sér staðreyndum sem velviljað fólk reynir að ota
að þeim.
Það er stórmerkilegt fyrir utanaðkomandi að
fylgjast með mönnum, sem greinilega telja það sálu-
hjálparatriði fyrir þjóðina að Sjálfstæðisflokkurinn
sé við völd, leggja jafn mikið á sig og raun ber vitni
til að skaða eigin flokk. Pólitískir andstæðingar
Sjálfstæðisflokksins, sem eru fjölmargir hér á landi,
fylgjast spenntir með. Það er notaleg tilbreyting fyrir
þá að leyfa Sjálfstæðismönnum sjálfum að djöflast í
eigin flokksforystu. Þarna er sannarlega verið að taka
af þeim ómakið.
Merkilegt er svo til þess að vita að harðlínuöflin
í Sjálfstæðisflokknum skuli hvað eftir annað sjá
ástæðu til að gera lítið úr konum sem gegna ábyrgðar-
stöðum innan flokksins, ráðherranum Þórdísi
Kolbrúnu Reykfjörð Gylfadóttur og ritara flokksins
Áslaugu Örnu Sigurbjörnsdóttur. Þetta eru vitanlega
sömu öflin sem hröktu Evrópusinna úr flokknum á
sínum tíma. Sjálfstæðisflokkurinn hafði ekki pláss
fyrir þannig þenkjandi fólk – sem er einkennilegt
þegar í hlut á flokkur sem sækist eftir því að vera
stærsti flokkur landsins.
Enginn ætti að efast um að Þórdís Kolbrún og
Áslaug Arna eiga hugmyndafræðilega meira sam-
eiginlegt með forystu Viðreisnar en forystu Mið-
flokksins sem afturhaldsöflin í Sjálfstæðisflokknum
eru stöðugt að viðra sig upp við. Það var ekki pláss
fyrir Evrópusinna í Sjálfstæðisflokknum en þar er
nægt rými fyrir fólk sem aðhyllist hugmyndafræði
Donalds Trump og félaga. Það getur ekki verið auðvelt
fyrir frjálslynda fólkið í Sjálfstæðisflokknum að horfa
upp á þessi öfl reyna að yfirtaka flokkinn.
Mun flokksforysta Sjálfstæðisflokksins þola álagið
og halda áherslum sínum eða fara á taugum? Baráttan
heldur áfram og áhugafólk um pólitík fylgist spennt
með, en um leið nokkuð furðu lostið. Enda stórmerki-
legt að sjá Sjálfstæðismenn úr harðlínudeild flokksins
í ofsafullum leiðangri gegn sínum eigin flokki.
Óneitanlega koma upp í hugann hin fleygu orð snill-
ingsins Oscars Wilde: „Allir deyða yndi sitt.“
Harðlínudeild
Bjarnheiður Gore
Bjarnheiður Hallsdóttir hjá SAF
steig fram í gær og lýsti van­
þóknun sinni á atriði rapparans
Auðar á Menningarnótt. Það er,
að hann skyldi rappa um að vera
freðinn og í vímu þar sem börn
heyrðu til. Kom það Bjarnheiði
bersýnilega í opna skjöldu að
rapptexti gæti fjallað um gras.
Má segja að Íslendingar hafi
eignast sína Tipper Gore. Vara­
forsetafrúin var áberandi undir
lok síðustu aldar og vildi hún
loka eyrum barna fyrir textum
rappara og þungarokkara.
Meðal annars kom hún því í gegn
að sérstakir límmiðar voru settir
á plötur: „PARENTAL ADVIS­
ORY EXPLICIT LYRICS.“ En það
hafði þveröfug áhrif. Enginn
rappari með sjálfsvirðingu hefði
gefið út plötu án miðans.
Kjötmann
Stríð hefur blossað upp á milli
grænkera og kjötæta um máltíðir
skólabarna. Grænkerar gerðu
harkalega árás á grunnskólana
og kjötæturnar börðust í bökk­
um. En út úr myrkrinu steig hetja
í blóðrauðum búningi, Kjöt­
mann. Ekki hafa áhyggjur, Eyþór
Arnalds er mættur á svæðið.
Loksins hafa kjötætur eignast
alvöru ofurhetju, beinmyljandi
og mergsjúgandi, því ekki var
Ævar Austfjörð að trekkja mikið
að. En hvað geta grænkerar gert
til að stöðva slíka hetju? Mun
Kálmann stíga fram eða verða
grænkerar að safna í lið eins og
Avengers? Við fylgjumst spennt
með. kristinnhaukur@frettabladid.is
Ágúst Ólafur
Ágústsson
alþingismaður
Samfylkingar-
innar
Hver hefði trúað fyrir nokkrum árum að stærstu efnisveitur heimsins myndu ekki búa til neitt efni sjálfar? Eða að eitt stærsta gistifyrirtæki
í heimi ætti ekki eitt einasta herbergi og eitt stærsta
leigubílafyrirtæki heims myndi ekki eiga einn einasta
leigubíl? Og hver hefði trúað því að sumir stærstu fjár-
festingarsjóðir heimsins ættu ekki krónu sjálfir?
En þetta á allt við í tilviki Facebook, Snapchat,
Instagram, YouTube, Airbnb, Uber og Kickstarter.
Þessi dæmi sýna vel hversu hratt hlutirnir geta breyst
og hvað framtíðin er óútreiknanleg. Þessu til viðbótar.
Hver hefði trúað fyrir nokkrum misserum að Trump
yrði forseti Bandaríkjanna og Boris Johnson forsætis-
ráðherra Bretlands?
Það er virkilega auðvelt að fara aftur á bak í stað
þess að fara áfram veginn. Holl lesning þessa dagana
er bók Stefan Zweig, Veröld sem var. Sérstaklega
á tímum Trumps, Borisar og Pútíns ásamt þeim
Bolsonaro í Brasilíu, Erdogan í Tyrklandi, Orban í
Ungverjalandi, Conte og Salvini á Ítalíu og Duterte á
Filippseyjum.
Á þessum tímum þarf Ísland að standa vörð um
umburðarlyndi og frjálslyndi. Hvort tveggja er frelsi
til athafna en einnig frelsi frá fátækt og fáfræði. Ef
Íslendingar eru þekktir úti í hinum stóra heimi þá er
það fyrir einstaka náttúrufegurð og menningarafrek.
Menningarafrekin voru fyrst á sviði bókmennta, fyrir
um þúsund árum, en núna eru þau helst á sviði tón-
listar og sjónvarpsefnis (reyndar þarf hið opinbera að
styrkja menninguna mun betur, til dæmis með marg-
földun sjónvarpssjóðs og tónlistarsjóðs).
En fyrir utan öfluga menningu getur Ísland líka
orðið boðberi frjálslyndis og umburðarlyndis úti í
heimi. Hins vegar geta slík gildi brostið og æ fleiri
ríkisstjórnir eru farnar að ala á ótta, þjóðrembu og
þrengja að réttindum fólks. Það er nefnilega hægt að
fara í hina áttina, í átt til nýsköpunar, fjölmenningar og
umburðarlyndis sem eru lykilorð í veröld sem verður,
vonandi. Það er sú framtíð sem við eigum að skapa.
Veröld sem
(vonandi) verður
2 8 . Á G Ú S T 2 0 1 9 M I Ð V I K U D A G U R8 S K O Ð U N ∙ F R É T T A B L A Ð I Ð
SKOÐUN
2
8
-0
8
-2
0
1
9

0
5
:1
1
F
B
0
4
0
s
_
P
0
3
6
K
.p
1
.p
d
f
F
B
0
4
0
s
_
P
0
3
3
K
.p
1
.p
d
f
F
B
0
4
0
s
_
P
0
0
5
K
.p
1
.p
d
f
F
B
0
4
0
s
_
P
0
0
8
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
3
A
5
-A
A
B
8
2
3
A
5
-A
9
7
C
2
3
A
5
-A
8
4
0
2
3
A
5
-A
7
0
4
2
7
5
X
4
0
0
.0
0
1
5
A

F
B
0
4
0
s
_
2
7
_
8
_
2
0
1
9
C
M
Y
K