Dagblaðið Vísir - DV - 12.07.2019, Síða 8

8 12. júlí 2019FRÉTTIR
GODDI.IS
Auðbrekku 19 - kópAvogi - S. 544 5550
Sauna- og
gistitunnur ásamt
viðarkyntum pottum
Sjáðu úrvalið
á goddi.is
Margar gerðir
Eigum fjórar stærðir af lokum á
lager í gráum og brúnum litum
Verð aðeins 58.500 kr.
Eigum fjórar stærðir af lokum á
lager í gráum og brúnum litum
Verð frá 58.500 kr.
Húsfélög varist gylliboð
„Það eru hákarlar í þessu hafi“
n Ólöglega boðaður húsfundur í þvottaherbergi n Tálbeita til að ná í
viðhaldsverkefni n Hallarbylting í hússtjórn
E
kkert stendur í vegi fyrir því
að hver sem er stofni hús­
félagaþjónustu, engin laga­
ákvæði, engin sérstakur eftir­
litsaðili og engar reglur. Því er ekki
hægt að ganga að því vísu að öll slík
fyrirtæki búi yfir sérfræðiþekkingu
á fjöleignarhúsalögum, rekstri
húsfélaga og slíku. Fyrirtækin eiga
það þó flest sameiginlegt að vera
rekin í hagnaðarskyni.
Blaðamaður fékk ábendingu
um deilur tiltekins húsfélags og
húsaleiguþjónustuaðila. Er starfs­
maður þjónustunnar meðal
annars sakaður um að hafa staðið
fyrir hallarbyltingu í hússtjórn til að
koma í veg fyrir að þjónustusamn­
ingi yrði sagt upp. Húsaleiguþjón­
ustan hefur hafnað ásökununum í
samtali við blaðamann og segir að
um deilur milli íbúða hússins sé
að ræða. Ekki er því ástæða til að
nafngreina fyrirtækið að sinni en
neðangreind brot úr tilkynningum,
sem fráfarandi hússtjórn hengdi
upp í sameign fjölbýlishússins, eru
engu að síður fróðleg og geta gef­
ið lesendum hugmynd um það
vandamál sem geta komið upp
þegar húsfélag útvistar þjónustu til
utanaðkomandi aðila.
Ítrekaðar vanefndir
Í tilkynningum greinir að húsfélaga­
þjónustan hafi gerst sek um ítrekað­
ar vanefndir. Til að mynda hafi árs­
reikningur ekki verið afhentur þrátt
fyrir ítrekaðar áskoranir. Sömuleið­
is hafi þjónustan farið ú furir um­
boð sitt með því að greiða fram­
kvæmdarreikning, án samþykkis.
„Meirihluti stjórnar húsfélagsins
samþykkti ekki greiðslu reiknings­
ins. Þrátt fyrir það og í óþökk stjórn­
ar þá greiddi [framkvæmdastjóri]
í heimildarleysi í desember 2018
rúmlega 1,5 milljónir króna út af
rekstrarreikningi stóra félagsins og
upplýsti stjórn húsfélagsins ekki
um gjörninginn.“
Einnig hafi misfarist hjá þjón­
ustunni að óska eftir endurgreidd­
um virðisaukaskatti sem hafi leitt
til mikils tjóns fyrir stöðu hússjóðs.
Innistæða reikninga of lítil
Samkvæmt reglum húsfélagsins
hafi tilteknar lágmarksinnistæður
ávallt átt að vera fyrir hendi á
reikningum húsfélagsins. „Um síð­
ustu áramót voru einungis 198.578
inni á rekstrarreikningi félagsins
og framkvæmdasjóður var 95.216
krónur eða samtals 1.200.000 krón­
um lægri upphæð en á að liggja
inni á þessum tveimur reikningum
húsfélagsins,“ segir meðal annars í
áðurnefndri tilkynningu.
„Framkoma [húsfélagaþjón­
ustunnar] er þeim til mikillar
skammar og það að starfsmenn
húsfélagaþjónustunnar skuli reyna
að þráast við og fara á bak við stjórn
húsfélagsins til að reyna að kom­
ast hjá því að gera grein fyrir störf­
um sínum og skila fjárreiðum með
fullnægjandi hætti er óforsvaran­
legt,“ segir enn fremur.
„Erindum var illa, seint eða alls
ekki svarað, innheimt var hjá röng­
um aðilum í allt að eitt og hálft ár
sem og þeim sem fyrir löngu síð­
an voru búnir að selja íbúðir sín­
ar og [húsfélagaþjónustan] leið­
réttu ekki mistökin þrátt fyrir að
búið væri að láta margsinnis vita.
Einnig var skilvísum greiðendum
húsgjalda margsinnis hótað lög­
fræðilegri innheimtu en síðan
kenndi bókari [húsfélagsþjónustu]
tölvukerfi um endurtekin mistök
í marga mánuði. Þá var stór hluti
útistandandi skulda húsfélagsins
ekki innheimtur og ársreikningum
ekki skilað þrátt fyrir ótal beiðnir
þar um í tæpa 4 mánuði.“
337 villur og athugasemdir í
reikningum
„Samtals fundust 337 villur og
athugasemdir í reikningum félags­
ins á tímabilinu, 21 mánuð eftir að
þjónustusamningur var gerður,“
segir í tilkynningu hússtjórnar.
„Vegna langvarandi, ítrekaðra
og alvarlegra vanefnda […] á þjón­
ustusamningi við húsfélagið og
deildir þess þá var í ljósi hags­
muna allra íbúðareigenda óhjá­
kvæmilegt að segja upp húsfélaga­
þjónustu [fyrirtækis].“ Í kjölfarið
segir að starfsmaður fyrirtækisins
hafi upp á sitt einsdæmi farið á
bak við hússtjórn og staðið fyrir
hallarbyltingu og stuðlað að kosn­
ingu nýrrar hússtjórnar á ólöglega
boðuðum húsfundi sem haldinn
var í þvottaherbergi. Ný hússtjórn
mun samanstanda af íbúðar­
eigendum sem hafa átt í deilum
við húsfélagið, eða standa í skuld
við það.
Vaxandi vandamál
Sigurður Helgi Guðjónsson, for­
maður Húseigendafélagsins, sagði
í samtali við blaðamann að um
vaxandi vandamál væri að ræða
og vissi hann um nokkur tilvik þar
sem húsfélög hafi orðið fyrir skaða
eftir að hafa nýtt sér slíka þjónustu.
Hann kvaðst þekkja til þessarar til­
teknu þjónustu sem greinir frá að
framan og þetta væri ekki eina hús­
félagið sem hefði harma að hefna
vegna þjónustu hennar. Hins vegar
væri erfitt að berjast gegn þessu
þar sem félagafrelsisákvæði stjórn­
arskrárinnar tryggi einstaklingum
réttinn til að stofna félög, og eng­
um öðrum lagaákvæðum er fyrir
að fara sem takmarki heimildir eða
setji skilyrði þegar kemur að húsfé­
lagaþjónustum. Fjöleignarhúsalög
leggi ákveðnar skyldur á hússtjórn
og takmarki að hvaða leyti ákvarð­
anatöku megi útvista til utanað­
komandi aðila. Þó virðist færast
í aukana að framsal ákvörðunar­
valds til húsfélagaþjónustufyrir­
tækja gangi lengra en lögin heimili.
Eins og áður segir hafði blaða­
maður samband við umrætt fyrir­
tæki sem kvaðst enn vera að veita
þessu tiltekna fjöleignarhúsi þjón­
ustu og gæti því takmarkað tjáð sig
um málið. n
Úr grein eftir Sigurð sem birt var á vef Húseigendafélagsins:
Þjónustufyrirtæki á þessu sviði eru rekin með hagnað að leiðarljósi en
ekki af einskærri góðsemi. Það er gott og blessað. Þau þurfa skiljan­
lega að fá fyrir sinn snúð en þjónusta þeirra er oft dýrari en í upphafi
virtist. Oft eru samningar ekki eins hagstæðir og menn töldu í upp­
hafshrifningu. Þegar allt kemur til alls og menn margfalda það sem
margfalda þarf er kostnaðurinn oft meiri en menn óraði fyrir. Þjónust­
an er svo ofan í kaupið ekki alveg eins góð og mikil og menn töldu og
hagurinn minni. Er stjórnum húsfélaga rétt að vera á varðbergi gagn­
vart gylliboðum á þessu sviði sem öðrum. Það eru hákarlar í þessu
hafi og stundum virðast gylliboð um inngöngu nánast vera lokkunar­
beita til að ná í framhaldinu í viðhaldsverkefni fyrir tengd eða útvalin
verktakafyrirtæki þar sem einatt eru stórar fjárhæðir í húfi. Nokkur
fyrirtæki hafa haslað sér völl á þessu sviði og virðast sum betri en önn­
ur eins og gengur. Stundum virðist skorta á lagaþekkingu og vönduð
og ábyrg vinnubrögð hjá þessum fyrirtækju sem hefur dregið dilk á
eftir sér. Um það vitna dómar og kærunefndarálit.
Erla Dóra
erladora@dv.is
„Samtals fund-
ust 337 villur og
athugasemdir í reikn-
ingum félagsins