Dagblaðið Vísir - DV - 12.07.2019, Blaðsíða 21

KYNNINGARBLAÐ
Gæði - vörur og þjónusta
12. júlí 2019 Ábyrgðarmaður: Kolbrún Dröfn Ragnarsdóttir / kolla@dv.is Umsjón: Jóhanna María Einarsdóttir / johanna@dv.is
„Þið eruð geðveikir!“
sagði hann og skrensaði í burtu
Sjóbretti er regnhlífarhugtak sem nær yfir ýmiss konar bretti svo sem brimbretti, stand & paddle-bretti,
wake-bretti og fleira. Þetta tiltekna sport
verður sífellt vinsælla hér á landi og ekki
að ástæðulausu. Fæstir myndu andmæla
því að hér sé öldugangur mikill um strandir
allar. En þeir gera sér grein fyrir, að í rétt-
um aðstæðum eru þessar öldur fullkomnar
fyrir sjóbrettaiðkun. „Fyrir stuttu seldust
upp tvær stórar sendingar til Costco af
brimbrettum fyrir byrjendur. Hver sending
fyrir sig var um 50–60 bretti á hagstæðu
verði. Þetta sýnir svart á hvítu hvað þetta
er orðið vinsælt sport og hvað fólk sækist
mikið eftir þessu,“ segir Guðmundur Vigfús-
son, eigandi Jaðarsports.
Ægilega glaðir í ólgusjó
„Ég er forfallinn brimbrettafíkill. Það jafnast
ekkert á við það að fljóta í sjónum og finna
fyrir þeim mögnuðu náttúruöflum sem
hafið er og vanmátt sinn gagnvart því. Ég
segi stundum að saltið í sjónum jafni mig
út, en ástríðan gagnvart brettaiðkuninni
er sterkari en allt. Ég man eftir því þegar
ég og Knútur, vinur minn, vorum að „sörfa“
í stórsjó í Þorlákshöfn á áramótum. Þegar
við komum upp úr sjónum, skælbrosandi,
sat fyrrverandi skipstjóri sem ég kannaðist
við, inni í bíl og góndi á okkur. Hann æpti á
mig orðrétt: „Þið eruð geðveikir,“ svo setti
hann í bakkgír og skrensaði í burtu. Það er
sannleikskorn í þessu, enda var um -10°C
úti, mikið brim og ískalt í sjóinn. Þetta voru
manndrápsöldur, ef litið er á þær sjó-
mannsaugum. Reyndur brimbrettamaður
í flotgalla á góðu bretti hefur þó mun meiri
stjórn en bátur í svona aðstæðum.“
Jaðarsport varð óvart til
Jaðarsport stofnaði Guðmundur vegna
eftirspurnar. „Fólk var að hafa samband við
mig og spyrjast fyrir um sjóbrettaiðkun. Þá
fór ég að bjóða fólki að koma með mér að
prófa bretti. Í dag tek ég á móti um 10–20
manna hópum í hvert sinn. Í sjóbrettasporti
skipta aðstæðurnar öllu máli. Öryggið
þarf að vera í lagi. Vilji fólk prófa bretti á
ákveðnum tíma eða degi, dreg ég fram það
sem hentar hverju sinni. Í mikilli öldu próf-
um við brimbretti og ef sjórinn er sléttur,
þá er hægt að fara í wake boarding. Bretti
er þá fest aftan í sérhannaðan bát. Fyrir
aftan bátinn myndast öldur sem virka sem
stökkpallur fyrir sjóbrettið. Við erum líka
með jetski fyrir þá sem eru að prófa í fyrsta
skipti, en þá myndast minni öldur og farið
er hægar yfir.“
Einnig er hægt að skrá sig á lista
hjá Guðmundi og fá tilkynningu þegar
það viðrar vel fyrir brimbretti eða wake
boarding eða hvað sem er. „Þá förum við
á þann stað sem hentar best fyrir tiltekna
sjóbrettaiðkun. Þetta getur verið í Þor-
lákshöfn, Reykjavík eða þess vegna Vest-
mannaeyjum. Fólk getur notað eigin búnað
ef það á hann, eða leigt hjá mér.“
Góður andi og engin keppni
„Það hefur myndast flottur hópur af fólki
sem mætir reglulega og erum við svolítið
eins og óformlegt íþróttafélag eða líkams-
rækt. Að sjálfsögðu eru þó allir áhugasamir
velkomnir. Við tökum vel á móti öllum nýjum
félögum. Ég hef leiðbeint fólki á öllum aldri
og öllum getustigum, byrjendum og lengra
komnum. Fegurðin við þetta sport er sú
að þetta er ekki keppni og það geta allir
stundað þetta saman, burtséð frá getustigi
og aldri.
Þetta er svona „good vibes“ íþrótt og
mér finnst mjög nauðsynlegt að halda því
þannig. Ég veit fátt fáránlegra í heiminum
en fólk að metast og keppa. Í sörfinu eru
sumir á longboard og aðrir eru á shortbo-
ard. Í námskeiðum í Þorlákshöfn byrjum
við í höfninni og höldum út á rúmsjó. Loks
tökum far með öldunni inn í fjöru. Menn eru
ýmist á eins manns, tveggja manna, þriggja
og alveg upp í sex manna sit & paddle-
-bretti. Það fer eftir getu hvers og eins og
því hvernig hann er stemmdur hverju sinni.“
Jaðarsport er með töluvert af búnaði til
sölu fyrir brimbrettasportið. „Ég er aðallega
með sérhannaðan búnað sem nýtist í allar
gerðir sjóbrettaiðkunar; þá sérstaklega á
norðlægari slóðum. Á sumrin er íslenski
sjórinn ekki öfgakaldur, en hann getur orðið
mjög kaldur á veturna. Ég sel blautgalla
sem halda líka á fólki hita, sem og hanska,
sokka og annan búnað,“ segir Guðmundur.
Fylgstu með Jaðarsporti á Instagram:
Jadarsport
Óseyrarbraut 65, Þorlákshöfn
Sími: 776-4567
Vefpóstur: mummi@mummi.is
Sit & paddle bretti