Dagblaðið Vísir - DV - 12.07.2019, Síða 22

Gæði - vörur og þjónusta 12. júlí 2019KYNNINGARBLAÐ
Segðu bless við sleipar
og illa farnar tröppur
MÚR OG TRÖPPUVIÐGERÐIR:
Illa farnar útitröppur geta verið mikið lýti á fallegu húsi. Að sama skapi geta illa veðraðar tröpp­
ur með brotnum og daufum könt­
um verið stórhættulegar. Múr
og tröppuviðgerðir er fyrirtæki á
höfuðborgarsvæðinu sem sérhæfir
sig í tröppuviðgerðum, bæði úti og
inni. „Við erum mest í að endurmúra
tröppur en tökum líka að okkur ýmsar
sprunguviðgerðir, múrun á svalar­
gólfum og önnur smærri múrverk,“
segir Páll Helgi Kristinsson.
Mapei gæðamúr
Múr og tröppuviðgerðir notar
eingöngu steypu frá Mapei, sem er
norskt steypufyrirtæki sem framleiðir
hágæða steypu sem hentar sérlega
vel fyrir íslenskar aðstæður. „Múrinn
er trefjabundinn, hefur einstaklega
gott slitþol og þolir vel alla þá veðrun
sem á sér stað hérlendis, meðal
annars sífelldar frosthörkur og þíðu
á veturna sem og löng rigningar­
sumur eins og var hér í borginni í
fyrra. Múrinn hefur afar góða við­
loðun og endist lygilega vel. Það sér
vart á tröppum sem við steyptum
fyrir sjö árum þegar við byrjuðum að
nota múrinn frá Mapei. Ég gæti líka
hæglega trúað að steyptar tröppur
með Mapei múrnum séu að fara að
endast í hátt í 20 ár eða meira. Það
miðast við að undirvinnan og múr­
vinnan sé framkvæmd á réttan hátt.“
Það jafnast ekkert á við Mapei
„Við vinnum verkefni á höfuðborgar­
svæðinu, en höfum líka farið eitthvað
út á land. Það er alltaf nóg að gera
og við erum að fá hátt í 120 verkefni á
hverju sumri.“ Það sem fer verst með
útitröppur á Íslandi er að sjálfsögðu
veðrið, og þá sérstaklega frost og
þíða. „Einnig er algengt að fólk sé að
salta of mikið eða er að lemja ísinn
af tröppunum, en þá getur farið
að kvarnast upp úr þeim. Einnig er
algengt að fólk sé að nota kolröng
efni í útitröppur. Flísar eru til dæmis
sjaldan nægilega endingargóðar
og við höfum verið að fletta afar illa
förnum nýlegum flísum af tröppum
til þess að endursteypa þær með
Mapei múrnum. Einnig hefur flotun
gefið lélegan árangur. Mapei hefur
verið í stöðugri þróun gegnum tíðina
og alltaf eru að koma ný og betri efni.
T.d. er komið inn nýtt efni frá Mapei
sem er sérhannað fyrir svalagólf, þar
sem það er alveg vatnshelt og er litur
í múrnum, sem fólk getur valið um.
Þar með heyrir flagnandi málning á
svölum sögunni til. Það jafnast ekkert
á við Mapei múrinn.“
Þegar tröppur eru illa farnar þarf
að byrja á að taka burt allt það
efni sem er illa farið og bindingin er
farin úr. Trefjastyrktur múr er síðan
tvídreginn yfir tröppurnar þannig að
hann myndar sterkt slitlag ofan á.
„Múrinn þornar svo þannig að það
myndast hrjúft yfirborð, eins og á
sandpappír, sem verður til þess að
það þarf mun sjaldnar að salta. Auk
þess er minni hætta á að þær verði
sleipar í bleytu eða smá ísingu,“ segir
Páll.
Sendu póst á murogtroppur@
murogtroppur.is og fáðu tilboð í
þínar tröppur, þér að kostnaðar-
lausu.
Fylgstu með á Facebook: Múrvið-
gerðir
Sími: 825-0643