Skessuhorn - 30.05.2007, Blaðsíða 23

»ttU9unu>.)
MIÐVIKUDAGUR 30. MAI 2007
23
«
á þurfa að halda og það kerfi er í
endurskipulagningu nú um mund-
ir. Þetta er snúið mál. Annars vegar
þurfum við að hagræða í kerfinu og
laða að okkur bæði fólk og fjár-
magn og hins vegar þurfum við að
standa vörð um litlu byggðarlögin.
Stærsta verkefhið er að finna þetta
jafnvægi sem við finnum auðvitað
aldrei alveg, en við verðum að hafa
stöðugt auga á. Það væri hins vegar
skelfilegt ef við værum með svo ó-
hagvæman sjávarútveg að menn
vildu ekki fjárfesta í honum. Þá
mundi enginn vilja koma nálægt
greininni, hvorki starfsfólk né fjár-
magnseigendur. Það gleymist oft í
umræðunni svo stórfúrðulegt sem
það nú er, að sjávarútvegurinn er
alvöru atvinnugrein og verður að
lúta sams konar lögmálum.“
Grundvallar-
atvinnuvegimir
Miklar breytingar hafa orðið í
landbúnaði og sjávarútvegi undan-
farin ár og Einar segir það sameig-
inlegt einkenni atvinnugreinanna.
„Báðar greinarnar hafa tæknivæðst
gríðarlega mikið. Sauðfjárbóndinn
getur nú stundað gegningar í fjár-
húsum að vetri til á mun skemmri
tíma en fyrir fáum áratugum.
Mjólkurbóndinn getur bætt við sig
fjölda kúa án þess að bæta við sig
fólki og hið sama má segja um úr-
vinnslugreinarnar. I sjávarútvegi
hefur orðið gríðarleg aukning á af-
köstum og tæknivæðing hefur leyst
af hólmi ótöluleg störf í greininni.
Fyrirtæki eins og Marel, Skaginn
og 3X Stál, sem vel að merkja vinna
öll bæði fyrir landbúnað og sjávar-
útveg, eru alla daga að leita leiða til
að fækka starfsfólki. Þessi tækni-
breyting á eingöngu eftir að aukast
og við eigum eftdr að horfa upp á
aukin afköst í báðum greinum.
Starfsfólki mun ekki fjölga, því
mun frekar fækka, en störf munu
breytast og verða áhugaverðari fyr-
ir ungt fólk. Okkar bíður það verk-
efhi að sýna ungu fólki fram á það
að tækifærin liggi í þessum grein-
um.“
Þegar ég varð sjávarútvegsráð-
herra hringdi ég í minn gamla vin
Sigurgeir Þorgeirsson fram-
kvæmdastjóra Bændasamtakanna
og spurði hvort við ættum ekki að
snúa bökum saman og innleiða hið
gamla hugtak „grundvallaratvinnu-
vegir" að nýju! Það var í hálfkær-
ingi sagt þá, en nú þegar ætlunin er
að sameina þessi ráðuneyti vil ég
stíga skrefið til fulls og segja: „Þetta
eru grundvallaratvinnuvegimir!",,
Við höfum gert mistök
Miklar hræringar hafa orðið í
sjávarútvegi að undanfömu og ekki
síst í heimabyggð ráðherra, Vest-
fjörðum. Einar segir að það sé eng-
um blöðum um það að fletta að
mistök hafi verið gerð. „Okkur hef-
ur mistekist að skapa ný atvinnu-
tækifæri fyrir þau störf sem hverfa.
Þá á ég ekki endilega við afleiðing-
ar kvótatilfærslunnar, heldur ekki
síst þau störf sem hverfa við tækni-
væðingu sjávarútvegsins.
Tækninýjungar leiða af sér fækkun
starfa og okkur hefur ekki tekist að
bregðast við þvf. Við eigum að geta
komist að þeirri niðurstöðu að
samfélagið hafi skyldum að gegna
gagnvart sjávarútvegi og einnig
landbúnaði. Við höfum hagnast í
formi bættra lífskjara og lægra mat-
arverðs vegna hagræðingar. Fólk í
þessum greinum á því heimtingu á
að samfélagið komi á einhvern hátt
til móts við það. Við gemm það nú
með ýmsum hætti, tilfærslu verk-
efna og fleiru í þeim dúr. Það er
stórt pólitískt verkefhi að herða
okkur ennþá meira í byggðamálum.
Það er hins vegar mín skoðun að
byggðavandinn sé minni í heild
sinni nú en oftast áður. Samfélagið
hefur breyst og atvinnusvæði
stækkað. Áhrifa höfuðborgarsvæð-
isins gætir mun víðar sem og upp-
byggingar á iðnaðar- og skólasviði
á nokkram byggðakjörnum víða
um land. Svo ekki sé nú talað um
áhrif stóriðju á byggðamynstrið.
Minni hluti landsins býr nú við
byggðavanda en áður. Hann er
engu að síður jafherfiður og sár -
og kannski enn sárari - fyrir þá sem
við hann búa, en það segir okkur að
þjóðfélagið er betur í stakk búið að
takast á við hann en áður.
Kjördæmið margskipt
Breytingar á ríkisstjórn á síðasta
kjörtímabili olli því að ráðhermm
Norðvesturkjördæmis fjölgaði úr
einum við þarsíðustu kosningar í
þrjá. Þeir Magnús Stefánsson, fyrr-
verandi félagsmálaráðherra, og
Einar tóku báðir við ráðherradómi
á miðju kjörtímabili, en Sturla
Böðvarsson hafði gengt samgöngu-
ráðherradómi frá því árið 1999 en
verður nú forseti Alþingis. I nýrri
ríkisstjórn er Einar eini ráðherra
kjördæmisins. „Þetta em náttúru-
lega miklar breytingar frá síðari
hluta síðasta kjörtímabils. Sturla
hafði gegnt því með mjög mikilli
prýði að vera ráðherra og þess sást
víða stað innan kjördæmisins og
síðan bættumst við Magnús í þann
hóp og hann reyndist góður félags-
málaráðherra. Það blasir hins vegar
við að kjördæmið er margskipt. Við
höfum svæði þar sem ríkjandi er
mikill hagvöxtur og kraftur og
sumsstaðar sem betur fer þensla,
aðallega í suðurhluta kjördæmisins.
Síðan höfum við flóruna af svæðum
sem hafa verið í mikilli vörn. Verk-
efnið er því tvíþætt, að halda áfram
þeirri ffamfarasókn sem er til stað-
ar annars vegar og að bregðast við
vandamálum sem eru fyrir hendi
hins vegar. Þó að við séum upptek-
in af vandamálum má ekki gleyma
því að hlúa að þeim hluta sem þarf
að vera í samkeppni við höfuðborg-
arsvæðið.
„Eg er sammála því sem Sturla
Böðvarsson sagði fyrir skemmstu í
viðtali, að þeir sem eru í forystu
fyrir kjördæmið, hann sem fyrsti
þingmaður, aðrir þingmenn og ég
sem ráðherra, þurfum ekki að kvíða
verkefnaleysi. Hér eru mörg ólík
úrlausnarefni og þeim þarf öllum
að sinna.“
Landsbyggðarráðuneyti
Einar segir nýja ráðuneytið
henta Norðvesturkjördæminu vel,
enda séu bæði landbúnaður og sjáv-
arútvegur stórar atvinnugreinar í
kjördæminu, sem eigi reyndar við
um flest landsbyggðarkjördæmin.
„Þetta verður mikið landsbyggðar-
ráðuneyti. Eðli málsins samkvæmt
er landbúnaðurinn stundaður á
landsbyggðinni en ekki graseyjum
á Miklubraut. Aflaheimildir eru
næstum allar á landsbyggðinni og
tilflumingur á þeim hefur einkum
verið innan hennar nú síðustu árin,
en ekki til höfuðborgarsvæðisins.
Eg er því í óvenju landsbyggða-
tengdu ráðuneyti. Það finnst mér
mjög gott því þar eru rætur mínar
og þar kann ég best við mig og það
kann ég einnig best. Mér lætur satt
að segja betur að tala um lands-
byggðamál en þau mál sem eru efst
á baugi á höfuðborgarsvæðinu,
með fullri virðingu fyrir þeim,“
sagði Einar K Guðfinnsson að lok-
um.
kóp
r

w
Akraneskaupstað ur
Starf fulltrúa á bæjarskrifstofu
1
Laust er til umsóknar starf fulltrúa á bæjarskrifstofunni á Akranesi. Um er að ræða
100% starf við almenna ritvinnslu, upplýsingagjöf, aðstoð við skjalavörslu o.fl.
Laun eru greidd samkvæmt kjarasamningum Launanefndar sveitarfélaga við viðkomandi
stéttarfélag.
Stúdentspróf, góð tölvukunnátta og reynsla af skrifstofustörfum nauðsynleg.
Æskilegt er að viðkomandi geti hafið störf sem fyrst eða eftir nánara samkomulagi.
Umsóknarfrestur er til og með 20. júní n.k. og skulu umsóknir berast á bæjarskrifstofuna,
Stillholti 16-18, Akranesi. Einnig er hægt að sækja um með rafrænum hætti á vefsíðu
Akraneskaupstaðar www.akranes.is
Nánari upplýsingar veita Ragnheiður Þórðardóttir, deildarstjóri skrifstofuþjónustu, í
síma 433 1000, netfang akranes@akranes.is og Jón Pálmi Pálsson, bæjarritari, í síma
433 1000, netfang jpp@akranes.is
Bæjarritari
Opinn kynningarfundur
um umhverfismál Sementsverksmiðjunnar hf verður haldinn
miðvikudaginn 6. júní 2007
kl. 15:00 í matsal í stjórnbyggingu að
Mánabraut 20 (dyr á vesturenda).
Boðað er til fundarins í samræmi við
grein 1.19 í starfsleyfi.
Nágrannar verksmiðjunnar og aðrir er láta sig málið varða
eru boðnir velkomnir.
K
• • •
SEMENTSVERKSMIÐJAN
/--------------------------------------------------N
Fyrirlestrar í héraði
Fluttur verður fyrirlesturinn
Guðsorð og gegningar.
Af búskaparháttum og annarri umsýslu
staðarhaldara í Reykholti á fyrri tíð
í bókhlöðusal Snorrastofu þriðjudaginn 5. júní 2007 kl. 20.30.
Fyrirlesari verður Benedikt Eyþórsson, sagnfræðingur.
Aðgangseyrir er 500 kr. og er boðið upp á veitingar.
Fyrirlesturinn er styrktur af Menningarsjóði Borgarbyggðar
B0RQARBYGGÐ
jþtwmiðtofa
__________________________________________2
4

«
¥