Morgunblaðið - 10.08.2019, Page 20

20 FRÉTTIRInnlent
MORGUNBLAÐIÐ LAUGARDAGUR 10. ÁGÚST 2019
Hólshraun 3 · 220Hafnarfjörður · Símar: 555-1810, 565-1810 · Netfang: veislulist@veislulist.is · www.veislulist.is
Skútan
Sjá verð og verðdæmi
á heimasíðu okkar
www.veislulist.is
Fagnaðir
Næst þegar þið þurfið pinnamat, smurt brauð eða tertur
fyrir útskriftina eða annan mannfagnað, hafðu þá
samband og fáðu tilboð í sal okkar og veitingarnar þínar.
PINNAMATUR
Veislur eru
okkar list!
Bjóðum uppá fjölda tegundapinnamats og tapasrétta
Pinna- og tapasréttir
eru afgreiddir á
einnota fötum,
klárt fyrir veisluborðið.
STANGVEIÐI
Einar Falur Ingólfsson
efi@mbl.is
Myndin af þessu eymdarlaxveiðisumri verður sí-
fellt skýrari. Lítill hrygningarstofn í ánum niður-
sveiflusumarið 2014 skilaði fáum seiðum, segja
sérfræðingar Hafrannsóknastofnunar, seiðum
sem áttu síðan að auki erfitt þegar kom að nið-
urgöngunni til hafs í kuldunum í fyrrasumar.
Niðurstaðan er afar lélegar heimtur í flestum
laxveiðiám landsins – undantekningin eru árnar
á norðausturhorninu þar sem veiðin virðist vera í
ágætu meðaltali og í Selá ekki síst. Þar veiddust
70 laxar í síðasta holli og létu veiðimenn afar vel
af sér.
Á vef Landssambands veiðifélaga er annars
talað um þetta veiðitímabil sem „fordæmalaust“
og „ástand sumstaðar með þeim hætti að líklega
væri best að sleppa öllum laxi eða hreinlega
hlífa fyrir veiði“.
Í samtölum við leigutaka laxveiðiáa gætir
óneitanlega skjálfta, enda óttast margir að eftir
þetta lélega veiðisumar verði erfitt að selja veiði-
leyfi fyrir það næsta, að minnsta kosti ef verð
helst óbreytt. Fyrsta fréttin af breytingum á
leigumarkaði ánna barst í gær en þá var greint
frá því í Sporðaköstum á mbl.is að Lax-á hafi sagt
upp samningum um veiði í Blöndu og Svartá.
Árni Baldursson, framkvæmdastjóri Lax-ár,
segir uppsögnina hafa tekið gildi 1. ágúst síðast-
liðinn. Eitt ár sé eftir af samningnum sem gildir
til loka veiðitíma á næsta ári.
„Ég tók þá ákvörðun að segja upp samn-
ingnum í kjölfarið á þessu hræðilega veiðiári,“
segir Árni. „Ég er alls ekkert að hlaupa í burtu
frá þessu og vil endilega halda áfram en með
breyttu sniði. Ég myndi vilja nota tækifærið í
þessu erfiða árferði og stíga skrefið til fulls í
verndun laxastofna á vatnasvæði Blöndu. Gera
ána að fluguveiðiá og banna annað agn allt frá sjó
og inn á heiðar. Ég myndi vilja taka upp algera
sleppiskyldu á stórlaxi og stórminnka kvóta á
smálaxinum.“ Afar léleg veiði hefur verið í
Blöndu og Svartá í sumar, eins og svo víða.
„Ég kynnti þessar hugmyndir fyrir veiðifélag-
inu um leið og ég sagði upp samningnum. Ég
held að þeir séu bara að melta þetta og vonandi
verður niðurstaðan jákvæð því mig langar að
halda áfram með ána, og sem sölumaður á veiði-
leyfum, en ég er ekki til í að taka einn alla
áhættuna,“ segir Árni.
Þrýstingur um verðlækkanir
Blaðamaður Sporðakasta kveðst hafa heimildir
fyrir því að vaxandi þrýstingur sé á veiðirétt-
areigendur um verulegar verðlækkanir vegna
leigu á laxveiðiám. Nokkrir leigutakar muni þeg-
ar hafa fundað með leigutökum og óskað eftir
umtalsverðum lækkunum. Í einhverjum tilvikum
séu viðræður í gangi en einnig sé vitað að svarið
við einni slíkri beiðni var þvert nei.
Spáir metveiði næsta sumar
Önnur lögmál gilda að mörgu leyti um haf-
beitarárnar en þær með náttúrulegu stofn-
unum; í ám eins og Rangánum byggir veiðin á
endurkomu laxa sem eru aldir í stöðvum og
settir að vori í tjarnir við árnar, þar sem seiðin
„smolta“ sig og ganga til hafs. Þá eru þau komin
í sams konar aðstæður og náttúrulegu seiðin og
spurning hveru góðar heimtur verða úr hafi.
Eins og sjá má er veiðin mun minni í Ytri-
Rangá en undanfarin ár en í Eystri-Rangá, sem
trónir á toppnum yfir bestu veiðina, er hún hins
vegar á pari við veiðina á síðustu árum. Hvað
veldur?
„Við slepptum fjögur hundruð þúsund seið-
um í fyrra og hitteðfyrra og erum að fá álíka
mikið af smálaxi og í fyrra en meira er að koma
af stórlaxi,“ segir Einar Lúðvíksson, umsjón-
armaður Eystri-Rangár. Hann segist lengi hafa
reynt að rækta stórlax og er hlutfall hans allt að
fjórðungur veiðinnar.
„Ég bjóst við fjögur þúsund smálöxum og
þúsund stórlöxum í sumar svo veiðin er í raun
undir væntingum hjá okkur, en það stefnir bara
í svipaða veiði og í fyrra,“ segir hann.
Einar bendir á að á köldu sumrinu í fyrra hafi
seiðin í náttúrulegu ánum átt erfitt, gengið illa
að smolta, og því hafi lélegar göngur í þær ekki
hafa átt að koma á óvart. „Það lá algjörlega fyr-
ir að þetta yrði lélegt smálaxaár,“ segir hann, en
segist handviss um að umsnúningur verði næsta
sumar. „Það verður rosalega mikill smálax á
næsta ári. Ég spái metveiði á smálaxi á næsta
ári eftir þetta hlýja sumar.“ Hann bætir við að
menn verði að hætta að liggja í þessu þung-
lyndi.
Afl ahæstu árnar
Heimild: www.angling.is
0 300 600 900 1.200 1.500 1.800
Staðan 7. ágúst 2019
Veiðistaður
Stanga-
fjöldi Veiði
8. ágúst
2018
8. ágúst
2017
Eystri-Rangá 18 1.823 2.002 1.091
Selá í Vopnafi rði 6 794 863 618
Ytri-Rangá & Hólsá, vesturbakki 18 777 1.892 2.881
Miðfjarðará 10 767 1.682 2.173
Urriðafoss í Þjórsá 4 705 1.095 673
Blanda 14 541 832 1.219
Þverá – Kjarrá 14 470 2.111 1.466
Hofsá og Sunnudalsá 7 392 444 340
Elliðaárnar 6 390 756 705
Laxá á Ásum 4 358 467 637
Haffjarðará 6 348 1.204 912
Jökla (Jökulsá á Dal) 8 320 352 225
Grímsá og Tunguá 8 314 703 788
Laxá í Aðaldal 17 295 464 501
Norðurá 15 241 1.408 1.228
Uppsögn „á þessu hræðilega veiðiári“
 Samningi um Blöndu og Svartá sagt upp  Þrýst á um lækkanir  Eystri-Rangá eins og í fyrra
Morgunblaðið/Einar Falur
Í borginni Ingibjörg Jóhannsdóttir togast á við sprækan lax í Símastreng í Elliðaánum. Sama dag veiddist 90 sm
hængur þar í hylnum, annar tveggja stærstu laxa sumarsins í borgaránni. 40 laxar veiddust í ánum í vikunni.
Sigurður Laufdal, yfirmatreiðslu-
maður á Grillinu, Hótel Sögu, verður
fulltrúi Íslands í Evrópuforkeppni
Bocuse d’Or, heimsmeistarakeppni
einstaklinga í matreiðslu, sem haldin
verður í Tallinn í Eistlandi í júní á
næsta ári.
Bocuse d’Or er ein virtasta mat-
reiðslukeppi heims. Í forkeppninni í
Tallinn keppa fulltrúar 20 Evrópu-
þjóða um 12. sæti í aðalkeppninni,
sem verður í Lyon í Frakklandi í
janúar 2021. Tuttugu og fjórar þjóð-
ir koma til með að eiga fulltrúa í
Lyon eftir að hafa unnið sér þátt-
tökurétt hver í sinni heimsálfu.
Mikil reynsla og
margar viðurkenningar
Sigurður hefur fengið margar við-
urkenningar í matreiðslu. Hann var
meðal annars kokkur ársins 2011, í
fjórða sæti í Bocuse d’Or Europe
2012, þar sem hann fékk verðlaun
fyrir besta fiskréttinn, og í 8. sæti í
lokakeppninni í Lyon 2013.
Hann hefur starfað á mörgum
þekktum veitingastöðum á Norð-
urlöndum, m.a. á Geranium í Kaup-
mannahöfn, sem skartar þremur
Michelin-stjörnum.
Þjálfari Sigurðar er Viktor Örn
Andrésson, bronshafi og Bocuse
d’Or-keppandi 2017. Aðstoðarmenn
eru Gabríel Bjarnason og Sigþór
Kristinsson.
Bocuse d’Or hefur verið haldin
síðan 1987 og Ísland tók fyrst þátt í
keppninni 1999, en þá varð Sturla
Birgisson í fimmta sæti. Síðan hafa
Íslendingar ávallt verið í níu efstu
sætunum og tvisvar fengið brons-
verðlaun, Hákon Már Örvarsson
2001 og Viktor Örn Andrésson 2017.
steinthor@mbl.is
Sigurður fulltrúi Ís-
lands í Bocuse d’Or
 Forkeppni Evrópu
verður í Tallinn í
Eistlandi í júní 2020
Bocuse d’Or Sigurður Laufdal.