Morgunblaðið - 10.08.2019, Síða 50

50 MENNING
MORGUNBLAÐIÐ LAUGARDAGUR 10. ÁGÚST 2019
Einar Falur Ingólfsson
efi@mbl.is
Pósterar - Testament kallar Daníel
Þ. Magnússon, myndlistarmaður,
húsgagnahönnuður og meistara-
smiður, sýninguna sem hann opnar
hjá Ófeigi að Skólavörðustíg 5 í dag,
laugardag, klukkan 16. Í mörg und-
anfarin ár hefur Daníel einkum sýnt
ljósmyndaverk en nú kveður við
annan tón því hann sýnir röð form-
rænna og hálfabstrakt prentverka
sem hann gerir í upplagi, og kallar
„póstera“, fimm af hverjum, og eru
gerðir á síðustu 20 árum.
Myndirnar segir Daníel glaðbeitt-
ur vera einfaldar grunnteikningar
sem allar lúti lögmálum „dverg-
ríkisins“. Og í yfirlýsingu segir hann
þetta „stillimyndir og forsimplanir á
stórum verkum og lögmálum. Ég
gef slembi og ágiskuninni form og lit
og alhæfingin verður heimsmynd
dvergríkisins. Þeir sem ferðast á út-
höfum hins örsmáa munu glata
trúnni á höfuðáttir og fagurfræði.
Þeir sem setja traust sitt á stofnanir
og vegvísa raunveruleikans munu
týna vitinu undir rokgjarnri villusýn
þessa heims. Þeir sem af hetjudáð
og fórnfýsi kanna flæðarmál öng-
ríkisins mæta þar fánýtum spegl-
unum og útúrsnúningum. Ég er í
hagsmunagæslu fyrir þennan heim
og ambassador.“
Eins konar ofureinfaldanir
„Með reglulegu millibili hef ég
gert eitt og eitt svona verk, þegar ég
er í stuði,“ segir Daníel. „Og ég
reyni að taka sjálfan mig út úr þeim.
Sumum finnst of mikið handverk og
mikið af mér í mörgum verkum sem
ég geri, þess vegna hef ég mest sýnt
ljósmyndaverk í seinni tíð. Ég er
lærður skúlptúristi en það hefur
runnið inn í húsgögnin sem ég
smíða. Því geri ég mest tvívíðar
myndir.“
Daníel segir elsta verkið frá 2000,
það er mynd af sjónvarpstæki og sú
eina sem áður hefur verið sýnd; það
var í Nýlistasafninu sama ár. „Þessi
verk má kalla ofureinfaldanir, án
þess að það sé einhver léttúð í því,“
segir hann um myndgerðina en tala
má um agaðan formalisma í því sam-
hengi, og svo eru vísanir í ýmsar átt-
ir í verkunum og líka í titlunum, í
strangflatalist sem trúartákn.
„Ég hef áður gert verk sem vitna í
dvergríkið; það er mitt ríki, ég er
einn þar og því einræðisherra. Þetta
er abstraktúr í strangasta skilningi
þess orðs, og verkin tala hvert við
annað, en tala ekki mikið út á við.
Þeim er ekki ætlað að vera gáfuleg,
þetta eru bara litir og form, en telja
sig þó fullgilda einstaklinga í þessum
heimi.
Mig langaði til að mynda að gera
verk um Ódysseifskviðu og hafa
hana mjög einfalda. Það er þetta
þarna,“ segir Daníel og bendir á
verk frá 2012 sem heitir upp á ensku
„A capital U in a sea af S doing a
double smokering“. „Þarna er bara
stafurinn U – fyrir Ulysses – í hafi af
S og svo reykhringir. Þetta er útúr-
snúningur og geðþóttaákvörðun um
eitt af þeim bókmenntaverkum sem
hvað oftast er lagt út af.
Annað verk heitir „Bethlehem
four“, það síterar aðeins í listamann-
inn Mark Rothko en nafnið er jarð-
nesk einföldun á heilagri þrenningu,
ég bætti Jósef við.
Þessi dvergheimur er ekki til að
mennta neinn, hann er ekki stjórn-
málaleg yfirlýsing, eða listræn yf-
irlýsing; hann er á mörkum þess að
vera léttúð. Við erum í stanslausum
hafvillum og myndlistin er það líka,
og ég nota mér það.“
Þegar Daníel er að lokum spurður
hvernig gangi að tengja heim hús-
gagnanna sem hann smíðar og hefur
lifibrauðið af, ljósmyndaverkanna og
þessara póstera, segir hann þetta
fína þrennu. „Ég lifi á því að kenna
stærðfræði og smíða húsgögn. Þess
vegna þarf ég ekki að sækja um
starfslaun til að framfleyta mér,
hætti því fyrir um tuttugu árum. Ef
hægt er að segja að þessar myndir
hér séu skyldar einhverju, þá er það
frekar húsgögnunum mínum en ljós-
myndunum.“
Er í hagsmunagæslu
fyrir heim dvergríkisins
 Daníel Þ. Magnússon sýnir „póstera“, prentverk frá tveimur áratugum
Morgunblaðið/Einar Falur
Listamaðurinn „Með reglulegu millibili hef ég gert eitt og eitt svona verk, þegar ég er í stuði,“ segir Daníel.
Tónlistarhátíðinni Englar og menn,
sem haldin hefur verið í Stranda-
kirkju í Selvogi undanfarnar helg-
ar, lýkur á morgun, sunnudag,
klukkan 14 með árlegri Maríu-
messu og jafnframt lokatónleikum
hátíðarinnar. Sr. Kristján Björns-
son vígslubiskup þjónar í messunni.
Tónlistarflutning annast Björg Þór-
hallsdóttir sópran, Oddur Arnþór
Jónsson baritón, Elísabet Waage á
hörpu, Gunnar Kvaran á selló og
Hilmar Örn Agnarsson organisti
sem leikur á harmóníum. Þau flytja
blandaða dagskrá af sálmum, ís-
lenskum sönglögum, Maríubænum
og þekktum perlum tónbók-
menntanna, eftir Sigvalda Kalda-
lóns, Hreiðar Inga Þorsteinsson,
Arvo Pärt, Schubert, Brahms, Vi-
valdi, Mascagni og fleiri.
Flytjendurnir Hópur þekkts tónlistar-
fólks kemur fram í Strandakirkju.
Lokatónleikar
Engla og manna
Susannah Carls-
son, organisti við
Dómkirkjuna í
Lundi í Svíþjóð,
kemur fram á
tvennum tón-
leikum um
helgina á hátíð-
inni Alþjóðlegt
orgelsumar í
Hallgrímskirkju.
Á fyrri tónleik-
unum í dag, laugardag, kl. 12 leikur
hún verk eftir J.S. Bach, Eli Tausen
á Lava, Charles Marie Widor, Johan
Alain og Maurice Duruflé. Á seinni
tónleikunum, á morgun, sunnudag,
kl. 17 leikur hún verk eftir sömu
höfunda og að auki verk eftir Louis
Vierne og Sur le Rhin.
Tvennir orgeltón-
leikar Carlsson
Susannah
Carlsson
Sýning með verkum bandaríska
myndlistarmannsins Brians Scotts
Campbell verður opnuð í dag,
laugardag, klukkan 16 í sýningar-
rýminu Harbinger að Freyjugötu
1.
Sýninguna kallar Campbell Like
a Ship og á henni eru tíu ný mál-
verk sem voru unnin hér á landi í
sumar. Verkin eru að mestu í
gráskala og sýna, samkvæmt til-
kynningu, afbyggt landslag, trjá-
lendi, fjöll, vötn og ávalar hæðir
akra og engja.
Campbell er sagður beita fyrir
sig kunnuglegum mótífum listmál-
arans, sem í meðförum hans öðlist
þó aðra merkingu. Hér eru akur-
lendið og vötnin ekki sælureitir
baðaðir sólskini. Í tempruðum lita-
skala sínum leggja þessir staðir til
hugmyndir um hliðarheim, hið
innra líf, einhvers konar sál-
fræðilegt rými, á meðan teikn-
ingin, sem er veigamikil í verk-
unum, flæðir lauflétt og næsta
kæruleysislega áfram og veitir
þeim léttleika sem vegur á móti
pallettunni.
Hefur sýnt verk sín víða
Brian Scott Campbell, sem
fæddur er árið 1983 í Bandaríkj-
unum, hefur lokið MFA-gráðu í
myndlist við Rutgers-háskóla í
New Jersey. Verk hans hafa verið
sýnd víða, meðal annars í gall-
eríum í New York, Los Angeles,
Houston og Kaupmannahöfn.
Campbell hefur verið sýningar-
stjóri margra sýninga, meðal ann-
ars hjá Tiger Strikes Asteroids í
Los Angeles og í No Place Gallery
í Columbus í Ohio. Þá hefur verið
fjallað um verk hans í virtum dag-
blöðum og listtímaritum.
Sýnir ný gráskalamál-
verk máluð hér á landi
 Brian Scott Campbell í Harbinger
Gráskali Eitt verkanna á sýningu
Brians Scotts Campbell í Harbinger.
Ármúla 24 • S. 585 2800
www.rafkaup.is
MANOLA
ljósakróna