Morgunblaðið - 20.08.2019, Blaðsíða 4

4 FRÉTTIRInnlent
MORGUNBLAÐIÐ ÞRIÐJUDAGUR 20. ÁGÚST 2019
laugavegi 47 www.kokka.is kokka@kokka.is
Pappelina gólfmotta, 70 x 100 cm
Verð 13.500 kr.
Þorgerður Anna Gunnarsdóttir
Helgi Bjarnason
Forsætisráðherrar Svíþjóðar og
Finnlands komu til landsins í gær
til að sitja sumarfund forsætisráð-
herra Norðurlandaríkjanna sem
hér er haldinn og hefst í dag.
Einnig Angela Merkel, kanslari
Þýskalands, sem er sérstakur gest-
ur á fundinum. Katrín Jakobsdóttir
tók á móti ráðherrunum og átti við
þá viðræður.
Tekið var á móti Stefan Löfven,
forsætisráðherra Svíþjóðar, við
Hellisheiðarvirkjun. Þar kynnti
Bjarni Bjarnason, forstjóri Orku-
veitu Reykjavíkur, starfsemi virkj-
unarinnar og þau tækifæri sem fel-
ast í nýtingu jarðvarma til hús-
hitunar og rafmagnsframleiðslu.
Létt var yfir mannskapnum. Katrín
heilsaði starfsbróður sínum á
sænsku og Bjarni ávarpaði gestina
sömuleiðis á þeirra tungumáli.
Að heimsókn lokinni var farið til
Hveragerðis þar sem ráðherrarnir
áttu fund. Þar ræddu þau sam-
norrænar aðgerðir Norðurlanda-
ríkjanna á sviði loftslagsmála, for-
mennskuáætlun Íslands í Norður-
skautsráðinu, stjórnmálaástandið í
löndunum, þróun efnahagsmála,
Evrópusamvinnu og kjarnorku-
afvopnun.
Líta til Finnlands í nýsköpun
Forsætisráðherra tók á móti
Antti Rinne, forsætisráðherra
Finnlands, í Ráðherrabústaðnum
við Tjarnargötu síðdegis. Ráðherr-
arnir ræddu um stöðu og þróun
stjórnmála og efnahagsmála í lönd-
unum og aðgerðir í loftslagsmálum.
Þá ræddu þau sérstaklega um for-
mennskuáætlun Íslands í Norður-
skautsráðinu og málefni Norður-
slóða og þróun mála í Evrópu-
sambandinu, þar sem Finnar fara
með formennsku í leiðtogaráði
ESB seinni hluta þessa árs. Að
lokum ræddu þau vísinda- og ný-
sköpunarstarf, en Ísland hefur um
margt litið til Finnlands hvað varð-
ar þróun þess málaflokks, að því er
fram kemur í tilkynningu frá for-
sætisráðuneytinu.
Þurfa að spýta í lófana
Vel fór á með Angelu Merkel,
kanslara Þýskalands, og Katrínu
Jakobsdóttur forsætisráðherra við
móttökuathöfn við Hakið á Þing-
völlum í gærkvöldi. Forsætisráð-
herra og Einar Á. E. Sæmundsen
þjóðgarðsvörður lýstu staðháttum
fyrir þýska gestinum og fylgdarliði
þegar gengið var niður Almannagjá
og áleiðis að sumarbústað forsætis-
ráðherra í Þingvallabænum, þar
sem haldinn var sameiginlegur
blaðamannafundur. Á leiðinni stigu
þær inn í Þingvallakirkju.
Fulltrúar fjölda fjölmiðla mættu
til fundarins. Merkel sagði það sér-
staklega skemmtilegt að fá að
heimsækja stað eins og Þingvelli
þar sem lýðræði var við völd fyrir
þúsund árum.
Merkel og Katrín lögðu í ávörp-
um sínum sérstaka áherslu á
umhverfismál og jafnrétti kynj-
anna. Merkel sagði Þýskaland jafn-
vel geta litið til Íslands í þessum
málefnum, þar sem Ísland stefndi
að því að verða kolefnishlutlaust tíu
árum á undan Þýskalandi. Þá
þyrfti Þýskaland að spýta sér-
staklega í lófana varðandi kynja-
jafnrétti, enda væri Ísland þar efst
á lista en Þýskaland aðeins í 14.
sæti.
Merkel og Katrín áttu óform-
legan fund að fundi með blaða-
mönnum loknum og forsætisráð-
herra bauð síðan Merkel til kvöld-
verðar í gærkvöldi.
Ræða umhverfismál
Á sumarfundi forsætisráðherr-
anna verður meðal annars fjallað
um samnorrænar aðgerðir Norð-
urlandaríkjanna á sviði loftslags-
mála og umhverfismála almennt,
nýja framtíðarsýn Norrænu
ráðherranefndarinnar til næstu 10
ára, málefni norðurslóða, stöðu
mannréttindamála, þ.m.t. jafn-
réttismála, stöðu alþjóðamála og
öryggismál. Sérstaklega verður
horft til tækifæra til þess að auka
samstarf Norðurlandaríkjanna og
Þýskalands til að takast á við
áskoranir á alþjóðavettvangi, ekki
hvað síst afleiðingar loftslagsbreyt-
inga og stuðning við sjálfbæra
þróun.
Loftslagsmál ofarlega á baugi
 Leiðtogar Norðurlandanna og Þýskalands hittast á sumarfundi forsætisráðherra Norðurlanda
 Katrín Jakobsdóttir forsætisráðherra ræddi við Stefan Löfven, Antti Rinne og Angelu Merkel
Morgunblaðið/Kristinn Magnússon
Samskipti Katrín Jakobsdóttir forsætisráðherra og Angela Merkel, kanslari Þýskalands, ávörpuðu blaðamenn í sumarbústað forsætisráðherra á Þingvöllum.
Morgunblaðið/Eggert
Gaman Stefan Löfven gekk um Hellisheiðarvirkjun í fylgd Katrínar Jakobs-
dóttur og fékk fræðslu um starfsemi virkjunarinnar.
Morgunblaðið/Kristinn Magnússon
Handaband Katrínar Jakobsdóttur tók á móti Antti Rinne, forsætisráð-
herra Finnlands, í ráðherrabústaðnum við Tjarnargötu.
Helgi Bjarnason
helgi@mbl.is
Stjórn Félags eldri borgara í
Reykjavík hefur tilkynnt kaupend-
um tveggja íbúða í fjölbýlishúsum
sem félagið reisir við Árskóga í
Mjódd að það hyggist að óbreyttu
nýta kauprétt sem félagið telur sig
hafa og leysa til sín íbúðirnar.
Félagið er að ræða við kaupendur
um greiðslu viðbótarfjárhæðar við
kaupverð íbúðanna samkvæmt sér-
stöku tilboði. Kaupendur íbúðanna
tveggja hafa höfðað innsetningarmál
gegn félaginu til að fá íbúðirnar af-
hentar og verður þinghald í því máli
á morgun. Félagið leggur áherslu á
að nýta forkaupsréttinn fyrir þann
tíma og mun þá óska eftir því að inn-
setningaraðgerðum verði vísað frá,
þar sem viðkomandi eigi ekki lengur
lögvarða hagsmuni af þeim.
Sigurður Kári Kristjánsson, lög-
maður annars kaupendanna sem eru
í innsetningarmálinu, segir að kraf-
an, sem hann segist raunar ekki hafa
fengið en heyrt af í fjölmiðlum, komi
sér verulega á óvart og ekki síst
tímasetningin. Tilgangurinn sé aug-
ljóslega að reyna að hafa áhrif á
dómsmálið. „Ég sé ekki að þetta út-
spil Félags eldri borgara í Reykjavík
hafi neina þýðingu í því dómsmáli,“
segir Sigurður Kári.
Sigrún Ingibjörg Gísladóttir, lög-
maður hins kaupandans, segir að
verið sé að skoða málið með viðkom-
andi kaupanda og meta hver verði
viðbrögð þeirra við erindi félagsins.
FEB segir að nýting kaupréttar-
ins sé lokaúrræði til að ljúka málinu
og sé ætlað að tryggja áframhald-
andi rekstur félagsins og hámarka
verðmæti allra hlutaðeigandi.
Hyggjast nýta kauprétt
 Lögmaður kaupanda telur að útspil FEB hafi ekki þýðingu
í dómsmálum tveggja kaupenda íbúða við Árskóga
Morgunblaðið/Árni Sæberg
Árskógar Margir kaupendur hafa
fallist á viðbótargreiðslu.