Morgunblaðið - 24.08.2019, Side 60

Samsýningin Valheimur verður
opnuð í Hverfisgalleríi í dag kl. 16.
Á henni sýna saman tveir ungir
myndlistarmenn, Matthías Rúnar
Sigurðsson og Sigurður Ámunda-
son. Báðir sækja innblástur í epísk-
ar frásagnarhefðir, furðuheima og
goðsagnir og verk þeirra segja sög-
ur og tendra ímyndunaraflið.
Matthías og Sigurður eiga að
baki myndlistarnám við Lista-
háskóla Íslands en vinna með ólíka
miðla.
Opnun Valheims Matt-
híasar og Sigurðar
LAUGARDAGUR 24. ÁGÚST 236. DAGUR ÁRSINS 2019
5 6 9 0 9 0 0 0 0 0 9 0 0
Í lausasölu 1.150 kr.
Áskrift 7.240 kr. Helgaráskrift 4.520 kr.
PDF á mbl.is 6.420 kr. iPad-áskrift 6.420 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Nú þegar nákvæmlega 11 mánuðir
eru þar til eldurinn verður tendr-
aður á ólympíuleikvanginum í Tókýó
í Japan er vert að velta vöngum yfir
því hvaða Íslendingar koma til með
að njóta þar sviðsljóssins á því sem
kalla má stærsta svið íþróttanna.
Ítarlega fréttaskýringu um málið er
að finna á íþróttasíðum blaðs-
ins í dag. »48-49
Hverjir gætu komist
inn á Ólympíuleikana?
Sinfóníuhljómsveit Íslands býður
landsmönnum á tvenna tónleika í
dag á Menningarnótt undir stjórn
Bjarna Frímanns Bjarnasonar.
Klukkan 15 heimsækir Maxímús
Músíkús hljómsveitina og kl. 17
verða maraþontónleikar þar sem
flutt verður hressileg tónlist til
heiðurs hlaupagörpum dagsins.
Árni Heimir Ingólfsson, listrænn
ráðgjafi SÍ, ræðir komandi starfsár
hljómsveitarinnar í ít-
arlegu viðtali á menn-
ingarsíðum blaðsins
í dag. »52
Opið hús hjá Sinfóníu-
hljómsveitinni í dag
ÍÞRÓTTIR FÓLK Í FRÉTTUM
Steinþór Guðbjartsson
steinthor@mbl.is
Hinrik Haraldsson, rakari á Akra-
nesi, hefur starfað við iðnina í nær
60 ár en er farinn að draga saman
seglin. „Kúnnarnir segja að ég megi
ekki hætta á undan Jóni Hjart-
arsyni, læriföður mínum, og þegar
hann hættir á ég að minnsta kosti
tíu ár eftir til að ná honum,“ segir
Hinni rakari, eins og hann er gjarn-
an kallaður.
Sagt er að elsta rakarastofa
landsins, sem alltaf hefur verið á
sama stað, sé á Vesturgötu 57 á
Akranesi. Húsið var byggt um 1924
og þar var símstöðin 1925 til 1934.
Árni B. Sigurðsson opnaði rakara-
stofu í húsinu 1937, Geirlaugur, son-
ur hans, tók síðar við starfseminni
og Hinni keypti aðstöðuna og hóf
rekstur 1. október 1965.
Draumur varð að veruleika
„Þegar ég var smápolli var ég
alltaf ákveðinn í því að verða rakari
og skömmu fyrir fermingu sagði Ari
Guðjónsson, rakari hérna í bænum,
mér að ég ætti að vera lærlingur
hjá sér,“ segir Hinni. „Skömmu síð-
ar flutti hann suður og þá keypti
Jón stofuna af honum, en þegar ég
var 18 ára komst ég að hjá Jóni.“
Hann bætir við að áður hafi Jón út-
skrifað lærling, sem hafi síðan flutt
í Borgarnes, og það hafi auðveldað
sér að láta drauminn rætast á
heimaslóðum.
Hinni segir að vinnan hafi fylli-
lega staðið undir væntingum. „Þetta
er lifandi starf, maður hittir marga
og það er alltaf líf og fjör í kringum
mann.“ Hann segir að helsta um-
ræðuefnið sé knattspyrnan á sumr-
in og pólitíkin sé aldrei fjarri. „Á
hverjum morgni koma nokkrir
menn til mín í kaffisopa á stofuna
og eru hjá mér að spjalla um daginn
og veginn í klukkutíma eða meira.
Það er því ekki ofsögum sagt að
segja að rakarastofur geta verið
nokkurs konar félagsmiðstöðvar.“
Hann segir ekkert mál hafa verið
að fara í samkeppni við læriföð-
urinn. „Jón var mjög almennilegur
við mig og leyfði mér meira að
segja að fara áður en ég var alveg
búinn að læra. Svo var hann próf-
dómari minn, þegar ég tók sveins-
prófið.“
Nokkrar hárgreiðslustofur eru á
Akranesi en aðeins þrjár rakara-
stofur. Auk Jóns og Hinna rekur
Gísli Jón Guðmundsson Hársnyrti-
og rakarastofu Gísla. Hinni segir að
Skaginn beri vel þrjár stofur og
bendir á að engin rakarastofa sé í
Borgarnesi og reyndar ekki fyrr en
komið sé til Villa Valla á Ísafirði og
svo á Akureyri. „Ég held að þetta
sé rétt hjá mér enda fáum við rak-
ararnir á Skaganum kúnna víða að,“
segir hann. „Til mín koma til dæmis
kúnnar úr Borgarfirði, vestan af
Nesi, frá Hólmavík og víðar og ég
held að sama eigi við um hina.“
Haraldur Hinriksson, sonur
Hinna, er líka rakari, og leysir föð-
ur sinn af, þegar á þarf að halda en
er einnig í hlutastarfi í Reykjavík.
„Ég veit ekki hvenær ég hætti og
gef engin loforð, en ég verð eitthvað
áfram,“ segir Hinni.
Lærlingur og læri-
faðir á sama báti
Morgunblaðið/Kristinn Magnússon
Hársnyrting Hinriks Hinrik Haraldsson, Hinni rakari, fyrir utan stofuna.
 Hinni rakari hefur starfað við iðnina á Akranesi í nær 60 ár
Félagsmiðstöð Hallgrímur Þór Hallgrímsson og Guðmundur Skarphéð-
insson ræða við Hinna um helstu málefni dagsins.