Skessuhorn - 04.02.2015, Blaðsíða 4

4 MIÐVIKUDAGUR 4. FEBRÚAR 2015
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudög-
um. Auglýsendum er bent á að panta auglýsingapláss tímanlega. Skilafrestur smáaug-
lýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.573 krónur með vsk. á mánuði. Elli- og örorkulífeyrisþegar greiða
kr. 2.230. Rafræn áskrift kostar 2.023 kr. Rafræn áskrift til elli- og örorkulífeyrisþega er
1.867 kr. Áskrifendur blaðs fá 50% afslátt af verði rafrænnar áskriftar. Verð í lausasölu
er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Guðný Ruth Þorfinnsdóttir, blaðamaður gudny@skessuhorn.is
Magnús Þór Hafsteinsson, blaðamaður mth@skessuhorn.is
Auglýsingar og dreifing:
Emilía Ottesen, markaðsstjóri emilia@skessuhorn.is
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Tinna Ósk Grímarsdóttir (vefauglýsingar) tinna@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Óttinn við breytingar
Tíðarandinn er stöðugt að breytast og mennirnir með, í það minnsta sum-
ir. Vissulega er fólk misjafnlega móttækilegt fyrir breytingum hverju nafni
sem þær nefnast. Oft þarf ekki mikið til að raska rónni þegar útlit er fyrir
að stíga þurfi einungis spönn út fyrir þægindarammann. Fólki getur kvið-
ið fyrir smæstu breytingum, svo ekki sé nú talað um að skipta um vinnu,
að flytja í aðra íbúð eða jafnvel í annað sveitarfélag. Börn kvíða fyrir að
skipta um skóla, sumt eldra fólk kvíðir fyrir að verða enn eldra og áfram
mætti telja. Samt vilja allir verða gamlir, en vilja svo ekki vera það þegar á
hólminn er kominn. Ákveðinn stöðugleiki er því góður, í það minnsta fyrir
kvíðagjarna. En hræðsla við breytingar getur verið varasöm.
Nýlega las ég einhversstaðar að hún Elísabet Georgsdóttir Englands-
drottning kvíði því að þurfa að stíga af valdastóli. Ekki vegna þess að hún
sjálf væri orðin gömul, heldur kvíðir hún því fyrst og fremst að Kalli litli
taki við krúnunni og færist of mikið í fang við breytingar. Kalli þessi er
reyndar kominn vel á sjötugsaldur og ætti því að hafa sjóast undir verndar-
væng hennar hátignar í næstum heilan mannsaldur, hafi hann eitthvað get-
að lært. En Beta gamla kvíðir engu að síður því að þjóðinni hennar muni
bregða þegar hún kynnist þeim stjórnarháttum sem Karl hyggst tileinka
sér. Þetta er meðal þess sem kemur fram í nýrri bók um prinsinn. Beta kerl-
ingarskarið óttast að draga muni úr almennum afskiptum bresku krúnunn-
ar og að strákurinn muni opna konungshallirnar fyrir almenningi. Þann-
ig muni hann í raun endurskilgreina embætti þjóðhöfðingjans á skjön við
hennar stefnu alla tíð. Mér þótti þessi ótti drottningar alveg kostulegur. Nú
hefur hún haft á að giska sjö áratugi til að færa krúnuna og hefðir henn-
ar nær nútímanum. Hún hefði kannski þurft að skoða það fyrr að draga
úr prjáli og bruðli, en það hefur henni ekki verið ofarlega í huga, enda er
rekstur veldisins óheyrilega dýr, sennilega hlutfallega enn dýrari en þegar
hún sjálf tók við. Kannski þegar grannt er skoðað óttast Elísabet mest að
hennar verði minnst sem síðasta þjóðhöfðingjans sem hélt í prjálið og fá-
ránlegar hefðir.
En hvað getum við hinir kvíðagjörnu gert til að draga úr þeim viðbrigð-
um sem breytingar vissulega valda? Þannig að við lendum ekki í öngstræti
líkt og Bretadrottning. Getur ekki verið að til að draga úr líkum á stöðnun
þurfum við að gerast móttækilegri fyrir nýjungum og viðurkenna að fram-
farir og breytingar, jafnvel þótt í þeim felist áhætta, geti verið til bóta?
Við, þessi litla þjóð norður á hjara veraldar, þurfum að passa okkur að
einangrast ekki í okkar þrönga heimi eins og virðist vera að hún Beta gamla
hafi gert. Ekki er laust við að íhaldssemi okkar sé stundum svo mikil að
jaðri við ofstæki. Reyndar kýs ég að skrifa slíkt á þann kvíða sem ég gat um
hér í upphafi, óttann við breytingar. Nefna má að þjóðernishyggja er ein
birtingarmyndin sem sumir bera fyrir sig til að spyrna við breytingum. Það
er til dæmis bannorð í hugum ótrúlega margra að svo mikið sem vilja ræða
nánara samstarf við aðrar þjóðir jafnvel þótt það gæti einmitt hentað al-
menningi í landinu. Þeir vilja ekki heyra á það minnst að veikur gjaldmið-
ill og slök efnahagsstjórn gæti verið rót þess skulda- og greiðsluvanda sem
alltof mörg heimili í landinu glíma sannanlega við. En auðvitað eru þetta
talsmenn peningaafla sem leynt og ljóst hafa talað máli þess að við eigum
áfram að stýra okkar peninga- og gjaldmiðilsmálum, helst óbreytt í jafn-
lengd þess tíma sem Elísabet Georgsdóttir hefur ríkt á Bretlandseyjum.
Að áfram verði hægt að fella gengið ef það hentar útflutningsgreinum svo
dæmi sé tekið. Nei takk. Reyndar er ég sannfærður um að sú kynslóð sem
nú er að vaxa úr grasi muni aldrei sætta sig við slíkt. Hún mun opna fleiri
dyr rétt eins og Elísabet óttast að Karl sonur hennar muni að gera.
Magnús Magnússon.
Leiklistarklúbbur Nemenda-
félags Fjölbrautaskóla Vesturlands
á Akranesi æfir stíft þessa dagana
fyrir uppsetningu á söngleiknum
Grease. Hallgrímur Ólafsson, eða
Halli Melló eins og hann er jafnan
kallaður, leikstýrir verkinu. Emilía
Ottesen er danshöfundur og Birgir
Þórisson er tónlistarstjóri. Að sögn
Heiðmars Eyjólfssonar, formanns
leiklistarklúbbsins, eru margir sem
koma að uppsetningu sýningar-
innar. „Það eru í kringum 20 hlut-
verk í sýningunni sjálfri en alls er
um 60 manna hópur sem kemur
að þessu og flestir þeirra eru nem-
endur í skólanum,“ segir Heiðmar
sem jafnframt fer með eitt af aðal-
hlutverkum í sýningunni. Hann fer
með hlutverk Dannys og Hjördís
Tinna Pálmadóttir leikur Sandy.
Þetta er í fyrsta sinn sem Grease
er sett upp á Akranesi. Í fyrra setti
leiklistarklúbburinn upp gaman-
leikinn Gauragang við góðar við-
tökur. Heiðmar tók einnig þátt
í þeirri sýningu og segir að við-
tökurnar hafi verið vonum fram-
ar. „Við ætluðum að vera með sjö
sýningar en tveimur aukasýningum
var bætt við. Næstum fullt var á all-
ar sýningar og þetta gekk mjög vel.
Það verður lagt enn meira í sýn-
inguna í ár, það er alltaf verið að
toppa sig,“ segir Heiðmar. Búast
má við skemmtilegri og fjölskyldu-
vænni sýningu hjá NFFA þetta árið,
enda hentar söngleikurinn vel fyr-
ir alla aldurshópa. Söngleikurinn
verður frumsýndur í Bíóhöllinni í
byrjun apríl.
grþ
Afli báta sem róa frá Snæfellsnesi
hefur aukist síðustu daga og ver-
tíð að komast vel á skrið. Þrálát-
ar brælur hafa þó sett stórt strik í
reikninginn undanfarið og aðeins
stærri bátar sem komist hafa á sjó.
En núna síðustu daga hafa smærri
bátar einnig getað róið og aflinn
verið með ágætum í flest veiðarfæri.
Á meðfylgjandi mynd er Guðlaug-
ur Rafnsson á netabátnum Katrínu
SH að landa afla dagsins eða sex
tonnum sem fengust í 50 net eftir
stutta lögn að sögn Guðlaugs.
af
Á fundi byggðarráðs Borgarbyggð-
ar í síðustu viku var lagður fram
listi yfir umsækjendur um tvær nýj-
ar stöður sviðsstjóra hjá sveitarfé-
laginu. Mikill áhugi er fyrir störf-
unum en alls sóttu 22 um starf
sviðsstjóra á umhverfis- og skipu-
lagssviði og 16 um starf sviðsstjóra
á fjölskyldu- og fjámálasviði. Sam-
ið hefur verið við Hagvang um úr-
vinnslu umsókna og samþykkti
byggðarráð á sama fundi 720.000
króna útgjöld vegna vinnu Hag-
vangs.
Um starf sviðsstjóra umhverf-
is- og skipulagssviðs sóttu: Axel
Överby, Davíð Viðarsson, Egill
Skúlason, Friðrik Ólafsson, Garð-
ar Lárusson, Guðmundur Elíasson,
Guðrún S. Hilmisdóttir, Gunn-
ólfur Lárusson, Halldór K Her-
mannsson, Hartmann Rúnarsson,
Heimir Gunnarsson, Hjörtur Örn
Eysteinsson, Ívar Örn Lárusson,
Karl Ómar Jónsson, Kristján Guð-
laugsson, Marta María Jónsdótt-
ir, Mæva Marlene Urbschat, Ólaf-
ur Gísli Reynisson, Stefán Haralds-
son, Tómas Björn Ólafsson, Ursula
Zuehlke, Viðar Jökull Björnsson og
Þorsteinn Birgisson.
Um stöðu sviðsstjóra fjölskyldu-
og fjármálasviðs sóttu: Aldís Arna
Tryggvadóttir, Arna Pálsdótt-
ir, Drífa Sigfúsdóttir, Dýri Guð-
mundsson, Einar G. Pálsson, Eirný
Vals, Hjalti Sölvason, Ívar Ragnars-
son, Ívar Örn Lárusson, Jón Hrói
Finnsson, María Lóa Friðjónsdótt-
ir, Ragnar Þorgeirsson, Rannveig
Margrét Stefánsdóttir, Sigurbjörg
Kristmundsdóttir, Sigurður Valur
Ásbjarnarson og Stefanía Nindel.
mm
Undanfarið hefur staðið yfir dýpk-
un í Rifshöfn og er það Björgun
ehf. sem vinnur verkið. Pétur Mikli
og dýpkunarpramminn Reynir eru
nú að fjarlægja á ákveðnum stöð-
um efni sem Perlan náði ekki að
dæla niður á sjö metra dýpi þegar
hún var hér í haust. Um er að ræða
18.000 rúmmetra af efni. Þeg-
ar verkinu lýkur verður búið að
fjarlægja úr innsiglingunni í Rifi
40.000 rúmmetra og innsiglingin
því orðin um sjö metra djúp.
þa
NFFA frumsýnir Grease í apríl
Tæplega fjórir tugir sækja
um stöðu sviðsstjóra
Unnið við dýpkun innsiglingarinnar í Rifi
Smærri bátarnir loks að komast á veiðar