Skessuhorn - 31.03.2015, Blaðsíða 4

4 ÞRIÐJUDAGUR 31. MARS 2015
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skilafrestur smáauglýsinga er
til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.573 krónur með vsk. á mánuði. Elli- og örorkulífeyrisþegar greiða
kr. 2.230. Rafræn áskrift kostar 2.023 kr. Rafræn áskrift til elli- og örorkulífeyrisþega er 1.867
kr. Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Eva Hlín Albertsdóttir evahlin@skessuhorn.is
Kristján Gauti Karlsson kgauti@skessuhorn.is
Þórhallur Ásmundsson, blaðamaður th@skessuhorn.is
Magnús Þór Hafsteinsson, blaðamaður mth@skessuhorn.is
Auglýsingar og dreifing:
Emilía Ottesen, markaðsstjóri emilia@skessuhorn.is
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Tinna Ósk Grímarsdóttir (vefauglýsingar) tinna@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Vinstra bandalag
Nú styttist í að kjörtímabil til Alþingis verði hálfnað. Ekki er laust við að
nú þegar sé verulegs skjálfta farið að gæta í herbúðum stjórnmálaflokkanna.
Það rifjast eiginlega upp ástand sem ríkti þegar síðasta ríkisstjórn var hálfn-
uð með kjörtímabil sitt. Þá þegar var ástand þeirrar ríkisstjórnar orðið með
þeim hætti að hún var varla stjórnhæf. Sífellt þurfti að leita málamiðlana til
að meirahlutasamstarfið héldi. Samt þraukaði hún út tímabilið. Ástandið
núna er litlu skárra. Eini munurinn er að aðrir flokkar sitja við völd, hinn
hluti fjórflokksins.
Traust á Alþingi mælist nú 18% sem er náttúrlega stórhættulegt ástand
út af fyrir sig. Svona algjört vantraust á löggjafarsamkomuna býður heim
hættunni að fólk fari ekki að lögum sem þar eru búin til. Nýjustu kannan-
ir segja okkur að almenningur sendir skilaboð þess efnis að það vilji frekar
kjósa Pírata, yrði gengið til kosninga nú. Að nærri þriðjungur þjóðarinnar
kjósi flokk sem hiklaust má kenna við anarkisma, er staða sem í hæsta máta
er umhugsunarverð. Stjórnleysisstefnu aðhyllast þeir sem vilja efnahags-
lags- og félagslegt samfélag sem miðar að frelsi einstaklingsins og allt að
því óreiðu miðað við allt sem við eigum að venjast. Píratar virða til dæmis
ekki höfundarétt sem að mínu viti er óskynsamlegt. Hins vegar er engum
vafa undirorpið að um þennan flokk blása ferskustu vindarnir enda sækir
hann fylgi sitt einkum í raðir yngra fólks. Píratar tala einfaldlega máli ungu
kynslóðarinnar og því er í hæsta máta eðlilegt að þeir nái þar fylgi. Sumir
gömlu flokkanna eru einfaldlega of uppteknir af hagsmunagæslu ákveðinna
afla í þjóðfélaginu sem hafa ekkert með ungt fólk að gera.
Óhætt er að segja að helgina sem landsfundur Samfylkingarinnar fór
fram hafi Birgitta Jónsdóttir kafteinn Pírata átt sviðið. Hún nýtti sér lask-
aða stöðu sósíaldemókratanna og bauð stjórnarandstöðuflokkunum upp í
dans í beinni útsendingu í sjónvarpinu. Viðraði hún skoðun sína um að
mynda kosningabandalag stjórnarandstöðunnar. Setti hún fram skilyrði um
að breyta þurfi stjórnarskrá og boða síðan til kosninga að því loknu, komist
bandalag allra vinstri flokka til valda. Forsvarsmenn hinna flokkanna gátu
ekki annað en tekið vel í hugmynd hennar. Þeir urðu að sýna að með þeim
væri lífsmark. Meðal annars sagðist Katrín Jakobsdóttir formaður VG taka
undir að setja eigi stjórnarskrármálið og aðildarviðræður við ESB í öndvegi
í slíku samstarfi og myndi það ríma við áherslur VG. Hún kvaðst fylgjandi
þeirri stefnu að flokkar gefi upp mögulega samstarfsflokka fyrir kosning-
ar en kosningabandalag gangi einmitt út á það. Árni Páll Árnason formað-
ur Samfylkingarinnar sagði siðferðislega skyldu stjórnarandstöðu að reyna
stjórnarmyndun falli ríkisstjórn í kosningum. Hann kvaðst hlynntur frek-
ara samstarfi, í hvaða formi sem það yrði. Þá kvaðst Guðmundur Stein-
grímsson formaður Bjartrar framtíðar hafa heyrt margt vitlausara. Það væri
ekki mikil hefð fyrir pólitískum blokkum á Íslandi og ef það myndaðist
stemning fyrir því væri það flott og hann væri bjartsýnn á að það gerðist í
tilfelli þessara flokka. Ríkisstjórnin væri líka að hjálpa til.
Það er kjarni málsins. Ríkisstjórnin er fyrst og fremst sjálf að skafa af sér
fylgið. Hún treystir sér t.d. ekki til að setja berum orðum í lög að þjóð-
in eigi óveiddan fisk. Hún gengur undan með fordæmi um að hækka laun
lækna, kennara og stjórnarmanna í opinberum fyrirtækjum jafnvel um tugi
prósenta, en tekur svo undir grátkór samtaka atvinnulífsins um að ekki
sé nokkurt svigrúm til að hækka laun á almennum markaði meira en um
2,5%. Þá fari allt á hliðina. Af þessum sökum velur fólk að senda skilaboð
um að það ætli frekar að kjósa anarkista til valda. Ef stjórnvöld tala ekki
röddu umbjóðenda sinna er það hinn eðlilegasti hlutur. Píratar munu því
áfram eiga sviðið og að óbreyttu leiða bandalag vinstri afla til valda.
Magnús Magnússon.
Samkvæmt fréttum í síðustu viku
varðandi samning um kaup á vél-
búnaði fyrir Silicor, væntanlega sól-
arkísilverksmiðju á Grundartanga,
má telja fullvíst að stór og öflugur
vinnustaður verði brátt til á Grund-
artanga. Verksmiðja sem veiti allt
að 450 bein störf. Það er því ljóst að
sveitarfélögin á sunnanverðu Vest-
urlandi verða að vera í stakk búin
að taka við allmiklum fjölda fólks
inn á svæðið. Í því sambandi má
geta þess að um tveir þriðju þeirra
sem starfa á Grunartanga í dag eru
búsettir á Vesturlandi. Skessuhorn
hafði samband við bæjar- og sveit-
arstjóra á Akranesi, í Hvalfjarðar-
sveit og í Borgarbyggð til að kanna
hvernig sveitarfélögin undirbúa
sig fyrir komu Silicor. Í svörunum
kom fram að hugað er að ýmsu í því
sambandi og forsvarsmenn sveitar-
félaganna telja sig að mörgu leyti
hafa góða stöðu til að taka við veru-
legri fjölgun íbúa.
Unnið að spá um íbúa-
fjölgun fyrir Akranes
Regína Ásvaldsdóttir bæjarstjóri á
Akranesi sagði að um þessar mund-
ir væri Vífill Karlsson sérfræðingur
hjá Samtökum sveitarfélaga á Vest-
urlandi að greina fyrir kaupstað-
inn hugsanlega fjölgun á Akranesi.
„Munum við kynna nýja mann-
fjöldaspá í viðeigandi nefndum á
vegum bæjarins strax eftir páska.
Við erum að óska eftir þessari spá
til að geta betur greint stöðuna,
meðal annars með tilliti til skóla
og leikskóla. Við vitum að við þurf-
um að fjölga leikskólum og skól-
um eða stækka þá en við gerum það
á grundvelli gagna. Við munum
vera í stakk búin til að taka á móti
fleiri nemendum ef fjölgun verður.
Í öðru lagi þá erum við með fjölda
lóða til úthlutunar í Skógarhverfi 2,
bæði fjölbýli, einbýli og raðhús. Við
erum að undirbúa skipulagsvinnu á
Sementsreitnum og erum að hefja
endurskipulagningu á deiliskipu-
lagi á Dalbraut þar sem ÞÞÞ er í
dag. Við höfum líka verið að und-
irbúa stofnun þróunarfélags með
Hvalfjarðarsveit, Reykjavíkurborg,
Faxaflóahöfnum og Borgarbyggð.
Er því félagi meðal annars ætlað að
standa fyrir ýmissi gagnaöflun og
tölfræðigreiningu sem snertir þró-
unar og vaxtamöguleika á Grund-
artangasvæðinu, sem og að skoða
áhrif fjölgunar starfa á búsetu í
þeim sveitarfélögum sem tengjast
svæðinu,“ segir Regína.
Líka brugðist við upp-
sveiflu í ferðaþjónustu
Kolfinna Jóhannesdóttir sveitar-
stjóri í Borgarbyggð segir að í sveit-
arfélaginu sé mikið og gott fram-
boð af íbúðarhúsalóðum sem og
iðnaðar- og athafnalóðum. „Flest-
ar lausar lóðir eru í Borgarnesi og
á Hvanneyri en einnig eru laus-
ar lóðir á Varmalandi, í Reykholti
og Bæjarsveit. Nýhafin er bygging
fjölbýlishúss í Arnarkletti í Borgar-
nesi og nýbúið að úthluta lóð fyr-
ir fjölbýlishús í Bjargslandi sem og
lóðunum í nýja miðbænum númer
57 og 59 við Borgarbraut. Sveitar-
stjórn ákvað í vetur að lækka gjald-
skrá gatnagerðargjalda að meðaltali
um tæp 30% meðal annars í þeim
tilgangi að greiða fyrir bygginga-
framkvæmdum í sveitarfélaginu.
Hvað þetta varðar þá er sveitar-
félagið afar vel undirbúið fyr-
ir það að taka á móti fjölgun íbúa
í tengslum við uppbyggingu Sili-
cor á Grundartanga. Grunnstoðir í
þjónustu sveitarfélagsins eru sterk-
ar og sveitarfélagið veitir mjög fjöl-
breytta og góða þjónustu,“ seg-
ir Kolfinna. Hún segir að marg-
ir sem búi í Borgarbyggð starfi á
Grundartanga og búast megi við
uppbyggingu og fjölgun íbúa vegna
Silicor. „Við gerum að auki ráð fyr-
ir fjölgun íbúa í uppsveitum Borg-
arbyggðar m.a. vegna uppbygging-
ar í tengslum við ferðaþjónustu.
Þarna er ég að tala um ísgöngin í
Langjökli, nýtt hótel í Húsafelli og
náttúrulaugar við Deildartungu og
fleiri verkefni sem styðja hvert ann-
að og hvetja aðra til dáða. Við eig-
um von á mikilli aukningu í umferð
inn á svæðið í tengslum við þessa
þróun. Þá gerum við jafnframt ráð
fyrir fjölgun starfa í byggingaiðnaði
og störfum tengdum landbúnaði,“
segir Kolfinna.
Tekið mið að umtals-
verði fjölgun
„Já, sveitarfélagið er reiðubúið að
taka við umtalsverðri fjölgun íbúa,“
segir Skúli Þórðarson sveitarstjóri
Hvalfjarðarsveitar. Hann segir að
í skipulagsvinnu Hvalfjarðarsveit-
ar á síðustu árum hafi verið tekið
mið af því að íbúum sveitarfélags-
ins geti fjölgað umtalsvert. Þannig
hefur verið ráðist í skipulagningu
íbúðabyggðar í Melahverfi þar sem
deiliskipulag gerir ráð fyrir 66 lóð-
um með 98 íbúðum og í Krosslandi
þar sem deiliskipulag gerir ráð fyrir
24 einbýlishúsum og 102 íbúðum í
fjölbýli. Þess utan hafa fleiri íbúða-
svæði verið skipulögð af einkaaðil-
um sem hafa lóðir til sölu. Á þessu
ári hyggst Hvalfjarðarsveit ráðast í
gatnagerð í Melahverfi þar sem gert
er ráð fyrir byggingu fjölbýlis, par-
húsa og einbýlishúsa. „Þannig að
nægt lóðarframboð er fyrir hendi
í sveitarfélaginu. Nokkuð framboð
er af húsnæði til sölu í Hvalfjarð-
arsveit og telja verður fasteigna-
verð mjög hagstætt. Leiguhúsnæði
er hins vegar af skornum skammti
en sveitarfélagið mun vera væntan-
legum íbúum innan handar um út-
vegun húsnæðis eins og frekast er
k o s t u r , “
segir Skúli
s v e i t a r -
s t j ó r i .
Hann seg-
ir nægt
rými til
staðar í
H e i ð a r -
skóla til
að taka á
móti fjölg-
un nema
á grunn-
skólaaldri.
Húsnæðismál leikskólans Skýja-
borgar séu nú til skoðunar hjá
sveitarfélaginu en þar er rými tak-
markað og grípa þurfi til ráðstaf-
ana ef börnum á leikskólaaldri mun
fjölgi verulega.
Óþrjótandi möguleikar
Aðspurður segir Skúli að Hval-
fjarðarsveit hafi ekki ráðist í gerð
sérstakrar skoðunar á því hve íbú-
um kunni að fjölga mikið vegna
Silicor Materials en Hvalfjarðar-
sveit hafi hins vegar alla burði til að
taka við umtalsverðri fjölgun íbúa
á skömmum tíma. Í dag eru íbúar
Hvalfjarðarsveitar 635. „Náttúru-
fegurð í Hvalfjarðarsveit er víða
mikil og möguleikar óþrjótandi til
að njóta frábærrar útiveru. Hval-
fjarðarsveit er dreifbýlt sveitarfé-
lag með litlum íbúakjörnum, at-
vinnutækifæri eru fjölbreytt m.a.
við iðnað, landbúnað og vaxandi
ferðaþjónustu. Mikil uppbygging
hefur átt sér stað á Grundartanga
síðustu ár þar sem fjölmörg fyrir-
tæki hafa starfsemi sína með fjöl-
breyttum atvinnutækifærum. Þjón-
usta sveitarfélagsins er víðtæk, vel
skipulögð og fjölbreytt. Hvalfjarð-
arsveit er í nálægð við þéttbýli og
gott samstarf er við nágrannasveit-
arfélög um fjölmörg samstarfsverk-
efni. Vegna alls þessa er Hvalfjarð-
arsveit spennandi búsetukostur fyr-
ir þá sem hafa áhuga á að stunda at-
vinnu og njóta um leið fjölbreyttra
lífsgæða og afþreyingar í fögru um-
hverfi vaxandi sveitarfélags sem
hefur upp á flest að bjóða,“ segir
Skúli Þórðarson sveitarstjóri Hval-
fjarðarsveitar. þá
Sveitarfélögin undirbúa að nýr fjölmennur
vinnustaður verði til á Grundartanga
Hér er horft úr einu sveitarfélagi yfir í annað. Frá Akranesi yfir að Krosslandi í
Hvalfjarðarsveit þar sem um árabil hafa verið tilbúnar lóðir til bygginga.
Regína Ásvaldsdóttir bæjarstjóri á
Akranesi.
Kolfinna Jóhannesdóttir sveitarstjóri í
Borgarbyggð.
Skúli Þórðarson sveitar-
stjóri Hvalfjarðar-
sveitar.