Skessuhorn - 09.09.2015, Side 22

MIÐVIKUDAGUR 9. SEPTEMBER 201522
Það var mikil eftirvænting í loftinu
þegar blaðamaður gekk inn á völlinn
í Grindavík þriðjudaginn 1. sept-
ember síðastliðinn. Innan skamms
átti að hefjast leikur Grindavíkur
og Víkings Ólafsvíkur, en með sigri
gátu Víkingar tryggt sér efsta sæti
deildarinnar og sæti í úrvalsdeild
að ári, þrátt fyrir að þrjár umferð-
ir væru eftir af mótinu. Blaðamað-
ur spjallaði stuttlega við ljósmynd-
ara áður en hann rann á ilmandi
kaffilyktina sem lagði úr fjölmiðla-
herberginu í stúkunni.
Leikurinn hófst og strax á sjö-
undu mínútu voru Grindvíking-
ar komnir yfir. Leikmenn Víkings
voru greinilega nokkuð stressað-
ir í upphafi leiks enda spennustigið
hátt. Stuðningsmennirnir hófu hins
vegar söng og hvöttu sína menn til
dáða. Á 14. mínútu voru þeir búnir
að jafna. Kenan Turudija lyfti bolt-
anum á kollinn á Hrvoje Tokic sem
skallaði hann í markið. Markið virt-
ist hrista mestu spennuna úr leik-
mönnum og Ólsarar í stúkunni önd-
uðu léttar. Á 32. mínútu barst bolt-
inn út fyrir teig Grindvíkinga eftir
hornspyrnu. Egill Jónsson gerði sér
lítið fyrir og tók viðstöðulaust neðst
í fjærhornið.
Grindvíkingar gerðu sig líklega til
að svara fyrir sig og jafna metin hið
snarasta. „Liggur í loftinu, liggur í
loftinu,“ sungu heimamenn á pöll-
unum þegar Grindvíkingar fengu
hornspyrnu. Og spádómar þeirra
rættust, líkt og spádómar Nostrada-
musar forðum daga, því þeir höfðu
vart sleppt orðinu þegar gestirnir frá
Ólafsvík fengu skyndisókn sem end-
aði með því að Alfreð Már Hjaltalín
skoraði eftir góða fyrirgjöf. Markið
lá svo sannarlega í loftinu.
Þá tóku stuðningsmenn Víkings
við sér, nýttu tækifærið til að hnýta
í Grindvíkinga og sungu: „Þið verð-
ið áfram góðir í körfubolta Grinda-
vík! Við höldum með ykkur í körf-
unni Grindavík.“
Tveimur mínútum fyrir leiks-
lok vann Kenan Turudija boltann á
miðjunni og gaf hann á Tokic sem
var að sleppa í gegn. Boltinn kom
skoppandi til hans en Tokic gerði sér
lítið fyrir og lyfti honum yfir mark-
vörðinn af um 25 metra færi. Stór-
glæsilegt mark og Víkingar fögn-
uðu eins og þeir væru þegar búnir
að vinna leikinn. Þeir höfðu kannski
eitthvað til síns máls í þeim fagnað-
arlátum því Víkingar fóru inn í hálf-
leikinn með þriggja marka forystu í
farteskinu.
Gleðin eykst og úrvals-
deildarsætið nálgast
Nokkuð var um gestagang í fjöl-
miðlastúkunni í hálfleik en heima-
menn höfðu ráð undir rifi hverju
og brúkuðu tvær kaffivélar sem
þeir helltu á til skiptis. Það var
heldur napurt á vellinum og því
var sírennsli á lífsvökvanum ljúfa
í hálfleik.
Ólsararnir komu kátir úr hálf-
leiknum, sneru syngjandi til sæta
sinna. Ekki var laust við að Grind-
víkingum hefði fækkað á pöllun-
um, einhverjir farnir heim til sín,
búnir að gefa upp alla von.
Síðari hálfleikur fór ákaflega ró-
lega af stað. Víkingar lágu til baka
og biðu átekta enda höfðu þeir efni
á að verja þriggja marka forystu
sína. Með hverri mínútunni sem
leið urðu syngjandi stuðnings-
menn Víkings vissari í trú sinni
að leikurinn væri unninn og deild-
in þar með. Á þessum rólega kafla
leiksins var haft orð á því í fjöl-
miðlastúkunni að kaffið væri al-
veg prýðilegt. Þegar klukkustund
var liðin af leiknum var bakkelsið
búið og hafði þá fátt annað mark-
vert gerst í síðari hálfleik.
Í þann mund sem blaðamaður
tuggði síðustu vínarbrauðsræm-
una áttu Grindvíkingar glóru-
lausa þversendingu í vörninni hjá
sér. Leikmenn Víkings þökkuðu
pent, Alfreð Már komst inn í send-
inguna og Tokic fylgdi skoti hans
eftir og skoraði og kom gestunum
í 1-5.
Tíu mínútum síðar bætti To-
kic við sjötta marki Víkings með
skalla eftir aukaspyrnu William
Dominguez da Silva. Var þetta
fjórða mark Tokic í leiknum og
hans tólfta í aðeins sjö leikjum fyr-
ir liðið.
Það var gaman á pöllunum næstu
mínútur á eftir, mikið sungið og
Liberato markvörður leit upp frá
leiknum og klappaði fyrir stuðn-
ingsmönnunum.
William skoraði sjöunda mark
Víkinga með þrumufleyg lengst
utan vítateigs og enn jókst gleðin
á pöllunum Víkingsmegin. „Átta!
Átta!“ kyrjuðu þeir og kölluðu eft-
ir áttunda markinu.
Grindvíkingar klóruðu aðeins
í bakkann fimm mínútum fyrir
leikslok en það voru engu að síð-
ur stuðningsmenn Víkings sem
sungu. „Nú jöfnum við þetta,“
heyrðist vallarþulurinn kalla í létt-
um dúr í hátalarakerfinu. Ólsarar
hlógu og héldu áfram að syngja.
Miklar tilfinningar
og ákaft fagnað
Þegar dómarinn loksins flautaði
til leiksloka í þessum ótrúlega og
hálf óraunverulega leik féllust leik-
menn Víkings í faðma og fögnuðu
innilega. Þeir höfðu tryggt sér efsta
sæti 1. deildar og sæti í úrvalsdeild
að ári liðnu. Stuðningsmennirnir
sungu, Víkingsliðið tolleraði Ejub
áður en það hópaðist saman og
brast í söng með stuðningsmönn-
um á pöllunum.
Fögnuðurinn var innilegur og
Ólafsvíkingar fóru ekki að tín-
ast heim á leið fyrr en löngu eft-
ir að leiknum var lokið. Leikmenn
þökkuðu áhorfendum stuðning-
inn, hálf klökkir en ánægðir. „Þetta
er bara geggjuð tilfinning,“ sagði
Guðmundur Reynir Gunnarsson
fyrirliði eftir leikinn, alsæll með
árangurinn.
Þegar blaðamaður gekk framhjá
vallarhúsinu og hugðist halda heim
á leið mátti heyra söng berast úr
búningsklefa Víkingsliðsins.
kgk/ Ljósm. af.
Fylgst með ótrúlegum sigri Víkings í Grindavík
Admir Kubat, Emir Dokara, Suad Begic aðstoðarþjálfari og Kenan Turudija voru ánægðir eftir leik.
Guðmundur Reynir Gunnarsson fyrirliði og Björn Pálsson fallast í faðma í leikslok.
Hrvoje Tokic var í banastuði í framlínu Víkings og skoraði hvorki
meira né minna en fjögur mörk í leiknum. Hér fylgir hann eftir skoti
Alfreðs Más Hjaltalín og skorar sitt þriðja mark.
Stuðningsmenn Víkings fanga ákaft einu af sjö mörkum liðsins.
Egill Jónsson sigurreifur með Alfreð Má í fanginu. Alfreð Már Hjaltalín fagnar marki.