Skessuhorn - 09.09.2015, Blaðsíða 28

MIÐVIKUDAGUR 9. SEPTEMBER 201528
„Þessi samkoma gekk alveg hreint
vonum framar og við fengum frá-
bærar viðtökur. Hingað komu um
eða yfir 300 gestir og setið í öllum
skúmaskotum. Þarna kom sam-
stöðumátturinn fram í gleðinni,“
sagði Margrét Sigurþórsdóttir
starfsstúlka í Brákarhlíð í Borgar-
nesi eftir að fjáröflunarsamkomu í
Hjálmakletti lauk á sunnudaginn.
Tilefnið var, eins og fram kom í
síðasta Skessuhorni, að safna fyr-
ir hundrað stólum í nýjan hátíð-
arsal í Brákarhlíð. Samkoman og
söfnunin gekk það vel að nú hef-
ur verið ákveðið að kaupa stólana
og fylla salinn. Margrét átti hug-
myndina að samkomunni en fékk
til liðs við sig vinnufélaga núver-
andi og fyrrverandi, íbúa í Brákar-
hlíð, fjölskyldu sína og fjölmarga
aðra. „Það voru allir boðnir og
búnir að leggja verkefninu lið. Fyr-
ir það er ég óendanlega þakklát,“
sagði Margrét. „Stólarnir verða
keyptir,“ bætti hún við.
Margrét segir að margir hafi
komið að verkefninu eða sýnt því
stuðning. „Gísli Einarsson var
veislustjóri og fór á kostum. Brák-
arhlíðarkórinn var þarna að koma
fram í fyrsta sinn og söng lag við
texta eftir Theodóru Þorsteins-
dóttir sem nefnist „Við búum öll
í Brákarhlíð.“ Íris Guðbjartsdótt-
ir kom alla leið af Ströndum og
söng fyrir okkur. Þá var kaffisala,
lukkupakkar, leikfimin var á sín-
um stað, andlitsmálun fyrir börn-
in, ein mætti uppábúin sem trúður
og Vignir bróðir stjórnaði fjölda-
söng í restina. Imba frá Rauðsgili
var líka alveg frábær. Hún prjón-
aði litrík pils og peysur sem voru
boðnar upp í lokin. Gamla fólk-
ið okkar skemmti sér og sínum og
ég er þakklát öllum ættingjunum
sem komu og áttu með okkur góð-
an dag. Reyndar voru atriðin svo
mörg sem við höfðum planað að
við urðum að skera dagskrána ör-
lítið niður í lokin. Fólk var orðið
þreytt og aðrir sem vildu koma sér
heim í tæka tíða fyrir landsleikinn.
„Ég vil koma á framfæri þakklæti
til allra sem stóðu að þessari dag-
skrá og studdu okkur með ýmsum
hætti. Þá er ég bæði að tala um fyr-
irtæki, stofnanir og einstaklinga,“
sagði Margrét Sigurþórsdóttir að
endingu.
Þegar safnast fyrir
50 stólum
Að sögn Björns Bjarka Þorsteins-
sonar forstöðumanns Brákarhlíð-
ar hafði á mánudaginn safnast 1,7
milljón króna, bæði á samkom-
unni á sunnudaginn og með styrkj-
um sem borist hafi þar að auki, svo
sem með vilyrðum fyrirtækja um
stuðning. Segir hann að söfnunin
hafi gengið það vel að nú sé orð-
inn grundvöllur til að fara í inn-
kaupaferð. Bjarki segir nokkuð
um að fólk hafi samband og spyrji
hvernig leggja megi söfnuninni lið.
Safnað er inn á reikning í nafni
Hollvinasamtaka Brákarhlíðar og
minningarsjóðs. Þar er bankanúm-
er 0326-13-301750 og kennital-
an: 621209-1750. Bjarki vildi jafn-
framt koma á framfæri þökkum til
allra sem lagt hafa söfnuninni lið
með einum og öðrum hætti.
mm/ Ljósm. Þorleifur Geirsson.
Samstöðumátturinn endur-
speglaðist í gleðinni
Vignir, Ómar og Björn Bjarki í peysum sem Ingibjörg Jónsdóttir, Imba frá Rauðsgili prjónaði. Peysurnar voru svo boðnar upp í
lokin.
Margrét Sigurþórsdóttir að vonum ánægð með þátttökuna.
Barnabarn Guðmundar Reynis Guðmundssonar velur sér lukkupakka hjá
Jóhönnu Möller.
Gísli Einarsson veislustjóri og hluti kórs eldri borgara.
Gjaldkerinn Jóna Ester Kristjánsdóttir
ánægð með innkomuna. Samkomugestir voru látnir gera leikfimiæfingar.
Hér er lítill hluti samkomugesta. Brákarhlíðarkórinn að syngja.