Skessuhorn - 21.10.2015, Qupperneq 25
MIÐVIKUDAGUR 21. OKTÓBER 2015 25
Dagskrá:
17.30 Regína Ásvaldsdóttir bæjarstjóri.
Rakel Óskarsdóttir formaður starfshóps um Sementsreit.
Kynning Kanon arkitekta.
Kynning Ask arkitekta.
Kynning Landmótunar.
18.45 Léttur kvöldverður.
19.15 Vinnuhópar.
Finndu viðburðinn á facebook – Opinn kynningarfundur um skipulagsmál á Sementsreitnum
SEMENTSREITURINN OG SKIPULAG
Opinn kynningarfundur um skipulagsmál á Sementsreitnum
Fimmtudaginn 22. okt. kl. 17.30 -20.30 í Tónbergi
Fundarstjóri er Sigríður Indriðadóttir
SK
ES
SU
H
O
R
N
2
01
5
Landsnet óskar eftir tilboðum í jarðvinnu vegna tengivirkis í Grundarfirði.
Verkið felur í sér gerð aðkomuvegar að fyrirhuguðu tengivirki auk jarðvinnu undir
steyptar undirstöður og bílaplan. Tengivirkið verður staðsett á Lambakróarholti við
Grundarfjörð.
Helstu verkliðir eru:
Gröftur fyrir aðkomuvegi, húsgrunni og bílaplani
Losun á föstum jarðlögum í húsgrunni, bílaplani og aðkomuvegi
Vegfylling auk fyllingar undir sökkla og bílaplan
Yfirborðsfrágangur aðkomuvegar
Verkinu skal að fullu lokið 29. mars 2016.
Útboðsgögn verða afhent á geisladiski í móttöku Landsnets, Gylfaflöt 9,
112 Reykjavík, frá og með mánudeginum 19. október 2015.
Tilboðum skal skila til móttöku Landsnets, Gylfaflöt 9, 112 Reykjavík,
fyrir kl. 10:30 föstudaginn 30. október 2015, þar sem þau verða opnuð að
viðstöddum þeim bjóðendum sem þess óska.
Landsnet • Gylfaflöt 9, 112 Reykjavík • S. 563-9300 • www.landsnet.is
Tengivirki Grundarfirði, jarðvinna
ÚTBOÐ GRU-02
SK
ES
SU
H
O
R
N
2
01
5
Okkar ástkæri sambýlismaður, bróðir,
mágur, frændi og vinur,
Karl Birgir Þórðarson,
lést þann 7. október sl. á Landspítalanum í Fossvogi.
Kveðjuathöfn verður frá Grensáskirkju í Reykjavík
föstudaginn 23. október kl. 13. Útför verður síðar
frá Landakirkju í Vestmannaeyjum.
Eygló Anna Sigurðardóttir
Una, Sigurður og Ásmundur Ásmundsbörn
Angantýr Sigurðsson
Snæbjörn, Helga Kristín, Haukur, Örn og Hrafn Þórðarbörn og fjölskyldur.
Blóm og kransar vinsamlegast afþakkað. Þeim sem vilja minnast hans er bent á
minningarkort SÁÁ til uppbyggingar Víkur í síma 530-7660.
Fréttaveita Vesturlands
www.skessuhorn.is
Það eru gamlar fréttir að uppgang-
ur sé í knattspyrnunni í Ólafsvík
þetta árið en það á ekki aðeins við
um meistaraflokka karla og kvenna.
Yngri flokka starf knattspyrnufélags-
ins elur þessa dagana af sér fjölda
efnilegra leikmanna. Á það ekki síst
við um kvennaknattspyrnuna.
Fehima Líf Purisevic, Kristín Ol-
sen, Diljá Sigurjónsdóttir og Regína
Sigurjónsdóttir léku allar með meist-
araflokki Víkings í sumar þrátt fyr-
ir ungan aldur. Þá hafa knattspyrnu-
hæfileikar Birtu Guðlaugsdótt-
ur, Birgittu Sólar Vilbergsdóttur og
Anítu Ólafsdóttur vakið verðskuld-
aða athygli. Þær léku undir merkj-
um Snæfellsness með yngri flokkun-
um í sumar og hafa flestar á undan-
förnum misserum tekið þátt í ýmsum
verkefnum á vegum KSÍ fyrir unga
og efnilega leikmenn.
Athygli vekur að tveir ofangreindra
leikmanna eru markverðir, en það
verður að teljast óvænt að aðeins
900 manna bæjarfélag hafi á að skipa
tveimur svo efnilegum markvörðum.
Aníta Ólafsdóttir er tólf ára og lék
með 4. flokki í sumar. Hún var í byrj-
un mánaðarins valin í markmanna-
skóla KSÍ í fyrsta sinn. „Þarna æfðum
við fótavinnu, staðsetningar og rétta
lendingu. Í rauninni bara alla tækni
sem fylgir því að spila í marki og það
var mjög gaman,“ sagði Aníta í sam-
tali við Skessuhorn.
Aðspurð segir hún að kunni vel
við sig sem markvörður. „Ég byrjaði
átta til níu ára að æfa markið en spil-
aði áður í vörninni. Mér líkar vel að
vera í markinu og finnst skemmtileg-
ast að kasta boltanum. Ég kasta alveg
yfir handboltavöllinn þegar við erum
inni.“
Hún kveðst ætla sér að halda áfram
að spila í markinu og setur stefnuna
á að spila fyrir Víking í framtíðinni.
„Svo ætla ég að reyna við landsliðið,“
segir hún.
Markið er besta staðan
Birta Guðlaugsdóttir æfir með 3.
flokki auk þess að vera varamark-
vörður hjá meistaraflokki Víkings
sem lék í 1. deild Íslandsmótsins í
sumar. Um síðustu helgi var hún
valin til æfinga með U17 ára lands-
liði Íslands, þrátt fyrir að vera aðeins
14 ára gömul. Æfingarnar fara fram
í kjölfar árlegs úrtökumóts KSÍ fyr-
ir tvo árganga og er þeim eldri gef-
inn kostur á að halda áfram og æfa
með U17 ára landsliðinu. „Útileik-
mennirnir æfðu mest færslur og
að nýta svæði. Við markmennirn-
ir æfðum fyrirgjafir, skot úr teign-
um og að hjálpa útileikmönnum að
færa boltann,“ sagði Birta í samtali
við Skessuhorn.
Stefna að því að standa í
marki fyrir landsliðið
Efnilegir ungir markmenn í Ólafsvík teknir tali
Hún byrjaði að æfa fótbolta
kringum sex ára aldurinn og þá sem
markvörður. Hún breytti til og fór
að spila úti þegar hún var átta og níu
ára en tók sér fljótlega aftur stöðu á
milli stanganna. „Mér finnst markið
besta staðan, maður þarf allavega að
hlaupa minnst,“ segir hún og hlær
við. „Eins finnst mér skemmtilegt
að fá að horfa á leikinn fyrir fram-
an mig og fá hálfpartinn að stjórna
liðinu fyrst ég sé yfir allan völlinn.
Mér var kennt að láta í mér heyra
þegar ég var yngri og stjórna leik-
mönnunum fyrir framan mig,“ seg-
ir hún.
Fótbolti er fyrir
stráka og stelpur
Aðspurð hvað hún telji valda því
að margar ungar og efnilega knatt-
spyrnukonur hafi undanfarið kom-
ið upp í gegnum yngri flokka starf-
ið telur hún að ástæðurnar nokkrar.
„Fyrst þegar ég byrjaði að æfa vor-
um við bara þrjár en núna náum við
í heilt lið með fimm varamönnum.
Ég myndi halda að stelpurnar séu
að verða áhugasamari um að hreyfa
sig og spila fótbolta. Margir segja
að fótbolti og aðrar íþróttir séu kar-
laíþróttir en við viljum sýna að við
höfum áhuga. Stelpur eiga alveg
jafn mikið skilið að spila fótbolta
og strákarnir,“ segir Birta. „Fót-
boltinn er líka betur auglýstur bæði
fyrir stráka og stelpur núna en var
fyrir nokkrum árum og þá fá stelp-
ur meiri áhuga.“
Einnig nefnir hún í þessu sam-
hengi þá ákvörðun knattspyrnu-
deildar Víkings að senda meistara-
flokk kvenna til þátttöku í Íslands-
mótinu fyrir þremur árum. Það sé
mjög hvetjandi. „Núna hugsa stelpur
sem byrja að æfa að einn daginn geti
þær komist í meistaraflokk. Þær hafa
að einhverju að stefna og hafa ákveð-
ið markmið frá upphafi,“ segir Birta
Guðlaugsdóttir.
Stefnir á landsliðið
Birta er þegar farin að banka á
dyr meistaraflokks og vonast til að
verða áfram varamarkvörður þar
næsta sumar. „Ég spila örugglega
sem aðalmarkvörður í vetur ef eng-
inn annar kemur, eins og ég gerði á
seinasta ári. Það gekk ekkert rosa-
lega vel þá en mér finnst sjálfri að
ég hafi bætt mig mjög mikið síðan,“
segir Birta um sína nánustu framtíð
sem knattspyrnumaður. Til lengri
tíma litið horfir hún, rétt eins
og Aníta, á að leika fyrir íslenska
landsliðsins. „Ég stefni alltaf lengra
en staða mín er hverju sinni. Ef
ég kemst í meistaraflokk þá stefni
ég á landsliðið. Ef ég kemst þang-
að þá vil ég fara lengra og vonandi
til útlanda í atvinnumennskuna. Ég
reyni að hugsa þannig að ég geti æft
nógu mikið til að komast út og spila
með bestu liðum í heimi.“
Draumur Birtu um að komast í
meistaraflokk og landsliðið gæti ver-
ið í startholunum. Samkvæmt heim-
ildum Skessuhorns vakti hún mikla
athygli á æfingunum með U17 ára
landsliðinu um liðna helgi og nú þeg-
ar hafa nokkur lið sýnt því mikinn
áhuga að fá Birtu til liðs við sig.
kgk/ Ljósm. þa.
Aníta Ólafsdóttir á milli stanganna í íþróttahúsinu í Ólafsvík.
Birta Guðlaugsdóttir sendir boltann í leik
með Snæfellsnesi.