Skessuhorn - 21.10.2015, Blaðsíða 27

MIÐVIKUDAGUR 21. OKTÓBER 2015 27
Haldið í samstarfi við Vinnueftirlitið og Búnaðarsamtök Vesturlands
Námskeiðið er ætlað bændum og þeim sem vinna við búskap en er einnig opið öðrum
áhugasömum.
Tveggja daga bóklegt námskeið sem veitir réttindi til að taka verklegt vinnuvélapróf á dráttar-
vélar, liðléttinga og ýmsar minni gerðir vinnuvéla í réttindaflokki „I“ og lyftaraflokki „J“, þar með
talið skotbómulyftara. Námskeiðið er hefðbundið vinnuvélanámskeið en er aðlagað að bændum.
Einnig verður fjallað um gerð áætlunar um öryggi og heilbrigði (áhættumat starfa) á vinnustað.
Námskeiðin verða á Hvanneyri 10. og 11. nóvember og í Búðardal 12. og 13. nóvember.
Áhugasamir skrái sig á netfangið bv@bondi.is eða í síma 437-1215. Frekari upplýsingar
er að finna á buvest.is
Búnaðarsamtök Vesturlands

Vinnuverndar- og réttinda-
námskeið fyrir bændur
SK
ES
SU
H
O
R
N
2
01
5
Veit á vandaða lausn
Verið velkomin í verslun okkar að Síðumúla 16
Opið mán - fös 8.30 - 17.00
Síðumúli 16 • 108 Reykjavík • Sími 580 3900 • www.fastus.is
DÚNMJÚKT
LÍN FYRIR
HÓTEL OG
FERÐA-
ÞJÓNUSTUR
Haukur Valtýsson frá Akureyri var
kjörinn formaður Ungmennafélags
Íslands á þingi þess sem fram fór í
Vík í Mýrdal um helgina. Tveir gáfu
kost á sér til formennsku en auk
Hauks bauð Kristinn Óskar Grétu-
son sig fram. 107 þingfulltrúar tóku
þátt í kjörinu og fékk Haukur 99 at-
kvæði. Haukur tekur við af Helgu
Guðrúnu Guðjónsdóttur sem gegnt
hefur formennsku í UMFÍ síðastlið-
in átta ár.
„Á þessar stundu er mér efst í huga
þakklæti fyrir það traust sem mér
var sýnt að stýra þessum stóru sam-
tökum næstu tvö árin. Mér er falið
ábyrðarfullt verkefni og mikilvægt
að því sé sinnt vel. Ég reikna með
að fá góða stjórn sem mun standa
vel að baki formanni sem og allri
hreyfingunni. Ég hlakka til starfsins
og vinna með því góða fólki sem er
í hreyfingunni,“ sagði Haukur Val-
týsson eftir kjörið en hann hefur
verið varaformaður UMFÍ síðastlið-
in fjögur ár. mm
Haukur Valtýsson kjörinn
formaður UMFÍ
Haukur og Helga Guðrún eftir að úrslitin lágu fyrir í formannskjörinu.
„Fyrir tíu árum síðan, haustið 2005,
var haldin lítil og saklaus hrútasýn-
ing en síðan þá hefur heldur bet-
ur undið upp á sig. Árið 2008 var í
fyrsta skipti haldin sviðaveisla, fyrst
sprengdi hún Árblik utan af sér og
því næst Dalabúð. Nú er hún komin
inn að Laugum. Þar eru 380 miðar
í boði og þetta verður ekki stærra,“
sagði Eyjólfur Ingvi Bjarnason, for-
maður Félags sauðfjárbænda í Dala-
sýslu, þegar blaðamaður þáði hjá
honum kaffi og með því að heim-
ili hans í Ásgarði í Dölum og frædd-
ist nánar um hátíðina sem framund-
an er.
Nálægt fyrsta vetrardegi ár hvert
blæs FSD til haustfagnaðar, helg-
arlangrar skemmtunar með fjöl-
breyttum viðburðum sem tengj-
ast sauðfjárbúskap. „Haustfagnað-
urinn í ár hefst með hrútasýningu
norðan girðingar, á Kjarlaksvöllum
í Saurbæ. Morguninn eftir verður
hrútasýning á Svalbarða í Miðdöl-
um, sunnan girðingar,“ segir Eyj-
ólfur og fræðir blaðamann um að
Dalabyggð skiptist í tvö varnarhólf.
Það vissi blaðamaður að sjálfsögðu,
það hafði aðeins horfið úr minni
hans eitt augnablik.
Banna sílikon og fitusog
Bryddað verður upp á einni nýj-
ung á haustfagnaði í ár að sögn Eyj-
ólfs, en það eru gimbrakeppnir sem
haldnar verða samhliða hrútasýn-
ingunum. „Þetta verða bara feg-
urðarsamkeppnir gimbra. Áhorf-
endur velja fallegustu gimbrina eft-
ir sjónrænu mati. Keppendur mega
skreyta gripina, skrúbba og þvo.
Það eina sem er bannað er fitu-
sog og sílikon,“ segir hann léttur í
bragði.
Að öðrum kosti verður dagskrá-
in með hefðbundnu sniði. Íslands-
meistaramótið í rúningi verður á
sínum stað þar sem færustu rúnings-
menn landsins mætast og hin árlega
sviðaveisla verður haldin á Laugum
í Sælingsdal að kvöldi föstudagsins.
„Sviðaveislan og hagyrðingakvöldið
er líklega hápunktur haustfagnað-
arins í hugum þeirra sem eldri eru.
Hjá þeim yngri er það frekar ball-
ið á laugardeginum,“ segir Eyjólf-
ur. Sjálfur kveðst hann ekki ætla
að láta sig vanta á það fyrrnefnda
og hann hefur í gegnum árin far-
ið með gripi á hrútasýningar. „Ég
veit ekki hvort ég geri það núna,
það verður bara að koma í ljós. Það
verður nóg annað að gera hjá mér
í kringum haustfagnaðinn,“ segir
hann og brosir.
Skilja áhyggjurnar
eftir heima
Frá því hrútasýningin saklausa var
haldin fyrir tíu árum hefur haust-
fagnaðurinn vaxið jafnt og þétt og
hróður hátíðarinnar borist út fyrir
sveitina, ekki síst fyrir sakir sviða-
veislunnar. „Fyrstu árin voru auð-
vitað flestir úr Dölunum en nú eru
það ekki síður utansveitarmenn
sem sækja sviðaveisluna. Bændur
eru farnir að líta á þetta sem nokk-
urs konar uppskeruhátíð heima í
héraði,“ segir Eyjólfur og bætir því
við að undanfarið hafi verið nokk-
uð þungt hljóðið í sauðfjárbænd-
um. „Ég hef fundið það af störfum
mínum sem sauðfjárræktarráðu-
nautur að mörgum bændum þykir
þetta mikið basl um þessar mund-
ir. Þeim þykir lítið upp úr þessu að
hafa og margir hverjir eru að bíða
eftir nýjum búvörusamningum. Ég
á alveg eins von á því að margir
íhugi stöðu sína alvarlega ef afurð-
arverð hækkar ekki í takt við ann-
að,“ segir Eyjólfur.
Eins bætir hann því við að
bændur viti ekki hvort búast megi
við breyttu neyslumynstri innan-
lands í kjölfar nýrra tollasamn-
inga og upplifi því nokkra óvissu-
tíma. „Svo spilar auðvitað inn í að
síðastliðið vor var mjög erfitt fyrir
sauðfjárbændur sökum tíðarfars og
margir voru bæði andlega og lík-
amlega þreyttir eftir vorið ,“ seg-
ir hann. „En það verður allt skilið
eftir heima á meðan haustfagnaði
stendur. Þangað koma menn til að
gleðjast, skemmta sér og hafa gam-
an,“ bætir Eyjólfur við að lokum.
kgk
Hrútasýning varð að helgardagskrá

Haustfagnaður Félags sauðfjárbænda í Dölum um næstu helgi
Eyjólfur Ingvi Bjarnason.