Skessuhorn - 30.03.2016, Blaðsíða 22

MIÐVIKUDAGUR 30. MARS 201622
„Hvernig páskaegg
fékkstu?“
Spurning
vikunnar
(Spurt á Akranesi)
Þyrí Stefánsdóttir:
„Ég fékk eins kílós páskaegg frá
Bónus.“
Bergmann Þorleifsson:
„Við fengum okkur ekkert
páskaegg, keyptum bara handa
barnabörnunum.“
Hrafnhildur Ólafsdóttir:
„Ég fékk Nóa konfekt egg.“
Freydís Rós Bjarnadóttir:
„Bónus páskaegg.“
Sverrir Þórðarson:
„Ég fékk bara ekkert páskaegg.“
Arnar Ásbjörnsson á sæti í fram-
kvæmdanefnd Vesturlandsdeild-
arinnar í hestaíþróttum. Hann er
kveðst ánægður með hvernig til
tókst á fyrsta vetri keppninnar, þar
sem bestu knapar svæðisins áttust
við á fjórum mótum. „Þetta gekk
framar vonum, ekki spurning,“ seg-
ir Arnar í samtali við Skessuhorn
„og ég held það hafi bara sannast
í þessari keppni að Vestlendingar
eru hestaðir í þetta. Standardinn á
hestamennskunni hér á svæðinu er
slíkur að það er vel hægt að halda
svona keppnir,“ bætir hann við.
Keppt er í sambærilegum deild-
um annars staðar á landinu en
keppni þeirra bestu hefur ekki ver-
ið reynd hér á Vesturlandi áður.
„Þetta var ákveðinn prófsteinn á
það hvort við stæðum nógu fram-
arlega til að geta staðið í þessu og
ég held að við höfum sýnt að við
gerum það,“ segir hann og tel-
ur Vesturlandsdeildina hafa verið
mikla lyftistöng fyrir hestaíþrótt-
ina á svæðinu. „Í mjög breiðum
skilningi þess orðs. Deildin skapar
vettvang fyrir bestu knapana okk-
ar til að keppa sín á milli á mjög
háu plani en einnig er þetta mik-
il lyftistöng fyrir félagslega þátt
hestamennskunnar. Þarna kemur
fjöldi áhugamanna saman á hverju
keppniskvöldi og miklar umræður
skapast um allt sem tengist hesta-
mennsku. Við megum ekki van-
meta félagslegt gildi keppninnar,“
segir Arnar en um 180 hestaáhuga-
menn mættu á fyrsta keppniskvöld-
ið og alls seldust að sögn hans um
620 miðar á keppnirnar fjórar.
Áhugi fyrir næsta ári
Hestamenn hafa því verið áhuga-
samir um Vesturlandsdeildina frá
upphafi og segir Arnar að menn
séu þegar farnir að bíða næsta árs
með eftirvæntingu. „Það er strax
mikill áhugi fyrir næsta ári, bæði
meðal hestaáhugamanna og gesta
en ekki síður meðal knapa sem
gátu ekki verið með núna. Þeir
hafa mikinn áhuga á að fá að taka
þátt á næsta ári,“ segir hann.
Vert er að geta þess að sigurveg-
arar hverrar greinar í Vesturlands-
deildinni munu um miðjan apríl-
mánuð etja kappi við sigurveg-
ara úr öðrum landshlutadeildum í
keppninni Meistarar meistaranna.
„Það verður gaman að sjá hvar
okkar bestu knapar standa saman-
borið við þá og ég held satt best að
segja að við þurfum ekki að kvíða
útkomunni,“ segir Arnar.
Í næsta mánuði verður boðað til
opins fundar þar sem farið verður
yfir keppni vetrarins, hvað gekk vel
og hvað hefði mátt betur fara og
lögð drög að næstu keppni. „Þetta
er stórefnilegt verkefni hjá okkur
og verður klárlega áfram,“ segir
Arnar Ásbjörnsson að lokum.
kgk
Vesturlandsdeildin í hestaíþróttum gekk framar vonum
Lokakvöld Vesturlandsdeildarinnar
í hestaíþróttum fór fram síðastliðinn
fimmtudag þegar keppt var í Gæð-
ingafimi og flugskeiði. Óhætt er að
segja að Jakob Svavar Sigurðsson hafi
farið heim hlaðinn verðlaunum. Auk
sigurs í gæðingafimi, annarri keppn-
isgrein kvöldsins, fór hann með sigur
af hólmi í einstaklingskeppni deild-
arinnar og lið hans Snókur/Cintam-
ani sigraði liðakeppnina.
Meðfylgjandi eru allar niðurstöð-
ur kvöldsins auk endanlegrar stöðu í
einstaklings- og liðakeppninni.
kgk/ Ljósm. iss.
Gæðingafimi - Úrslit
1. Jakob Svavar Sigurðsson – Gloría
frá Skúfslæk – Snókur/Cintamani –
7.67
2. Berglind Ragnarsdóttir – Frakkur
frá Laugavöllum – Leiknir – 7.00
3. Randi Holaker – Þytur frá Skáney
– Leiknir – 6.69
4. Pernille Lyager Möller – Álfsteinn
frá Hvollsvelli – Eques - 6.65
5. Hanne Smidesang – Roði frá
Syðri-Hofdölum – Snókur/Cintam-
ani – 6.57
Flugskeið
1. Konráð Valur Sveinsson – Kjark-
ur frá Árbæjarhjáleigu – Leiknir –
4.99 sek.
2. Þorgeir Ólafsson – Ögrunn frá
Leirulæk – Hjálmhestar – 5.24 sek.
3. Styrmir Sæmundsson – Skjóni frá
Stapa – Trefjar – 5.37 sek.
4. Jón Bjarni Þorvarðarson – Haki
frá Bergi – Berg/Hrísdalur – 5.38
sek.
5. Guðmundur M. Skúlason – Fann-
ar frá Hallkelsstaðahlíð – Eques –
5.66 sek.
Einstaklingskeppni Vesturlands-
deildar 2016:
1. Jakob Svavar Sigurðsson – 28.5
stig
2. Berglind Ragnarsdóttir – 22 stig
3. Siguroddur Pétursson – 19 stig
4. Pernille Lyager Möller – 16.5 stig
5.-6. Randi Holaker – 14 stig
5.-6. Benedikt Þór Kristjánsson – 14
stig
Liðakeppni Vesturlandsdeildar
2016:
1. Snókur/Cintamani – 187 stig
2. Leiknir – 167 stig
3. Eques – 141 stig
4. Hjálmhestar – 130 stig
5. Trefjar – 117 stig
6. Berg/Hrísdalur – 115 stig
Úrslit frá lokakvöldi Vesturlandsdeildarinnar
Konráð Valur Sveinsson sigraði í flugskeiði á lokakvöldinu á tímanum 4,99 sek.
Liðið Snókur/Cintamani, sigurvegarar í liðakeppni Vesturlandsdeildar.
Þrír efstu í einstaklingskeppni Vesturlandsdeildarinnar í hestaíþróttum 2016.
F.v. Siguroddur Pétursson, Berglind Ragnarsdóttir og Jakob Svavar Sigurðsson.
Fimm efstu í gæðingafimi á lokakvöldinu. F.v. Hanne Smidesang, Pernille Lyager
Möller, Randi Holaker, Berglind Ragnarsdóttir og Jakob Svavar Sigurðsson.