Skessuhorn - 29.06.2016, Blaðsíða 9

MIÐVIKUDAGUR 29. JÚNÍ 2016 9
Borgfirðingabók 2016 er komin úr
prentun og á leið til áskrifenda. Bókin
er ársrit Sögufélags Borgarfjarðar og
er ritið að þessu sinni 17. árgangur.
Bókin er meginverkefni sögufélags-
ins og mikið hefur verið lagt í útgáf-
una sem er tæpar 300 blaðsíður og
ríkulega myndskreytt. Mjög víða er
komið við í efnistökum og þau fjöl-
breytt að þessu sinni. Leitað var eft-
ir efni frá höfundum víðsvegar um
héraðið, af báðum kynjum, á ólík-
um aldri og er efnið bæði í bundnu
og óbundnu máli. Í formála minn-
ist stjórn Sögufélags Borgarfjarð-
ar Bjarna Valtýs Guðjónssonar frá
Svarfhóli, en hann féll frá á síðasta
ári. Bjarni Valtýr var einn af stofn-
endum sögufélagsins 1963 og rit-
ari þess til dauðadags.
Í Borgfirðingabók eru að þessu
sinni yfir 30 greinar eftir lítt fleiri
höfunda. Meðal efnis má nefna
frásögn Helga Bjarnasonar blaða-
manns frá Laugalandi sem hann
nefnir „Hér rís skóli og jarðrækt
verður stunduð,“ og segir frá upp-
byggingu á Varmalandi. Sagt er frá
starfi tveggja grunnskóla, fimmtán
ára sögu Raftanna, æskuminning-
um frá Álftártungu og Lundi í Þver-
árhlíð og þættir Jóns Gíslasonar úr
sögu Umf. Dagrenningar í Lundar-
reykjadal. Listakonan Josefine Mor-
rell á Giljum er sótt heim og Jón Sig-
urðsson fyrrverandi rektor fjallar um
menntasetur fyrri tíma. Guðmund-
ur Þorsteinsson frá Efri-Hrepp fjallar
um Reykholt á Sturlungaöld og fjöl-
margt annað er að finna í fróðlegri og
fjölbreyttri Borgfiðingabók 2016.
Áhugasömum er bent á að hægt
er að gerast áskrifandi að Borgfirð-
ingabók og hægt að gera vart við sig á
heimasíðu félagsins eða hringja í Ingi-
björgu Daníelsdóttur stjórnarmann í
síma 894-8108. Með henni í ritnefnd
eru þeir Guðmundur Þór Brynjúlfs-
son og Sævar Ingi Jónsson. Borgfirð-
ingabók kostar 4.500 krónur.
mm
Borgfirðingabók
2016 komin út
Forsíðu Borgfirðingabókar 2016 prýðir
ljósmyndin „Bráðum kemur betri tíð,“ eftir
Jósefínu Morrell.
Snjófell ehf. sem á og rekur Arnarbæ
á Arnarstapa er um þessar mundir
að koma fyrir smáhýsum á lóð fyr-
irtækisins. Nú eru komin upp fjögur
smáhýsi sem verða tilbúin um næstu
mánaðamót. Sverrir Hermannson er
eigandi og framkvæmdastjóri Snjó-
fells. Hann sagði í samtali við Skessu-
horn að alls verði ellefu smáhýsi reist.
„Þetta eru heilsárshús og verða öll
komin í gagnið í haust.“ Hann bæt-
ir við að hann hafi teiknað og látið
smíða þessi hús sjálfur eftir eigin hug-
myndum en hvert hús er 28 fermetr-
ar að stærð. Í framhaldi af þessu verð-
ur bætt við 300 fermetra þjónustu-
miðstöð með veitingasölu. Auk þess
verða sett upp tuttugu salerni. Stefnt
er á að þjónustumiðstöðin verði tekin
í notkun í apríl 2017.
„Öll mín orka fer nú í að gera
Snjófell að öflugu fyrirtæki og mun
ég leggja áherslu á uppbyggingu fyr-
irtæksins.“ Sverrir hefur selt Hót-
el Ólafsvík og hótelið sem hann rak
á Hellnum. Hótelið í Stykkishólmi
er einnig í söluferli, en þessi hót-
el hafa öll verið rekin í hafni Hring-
hótels. Að lokum getur Sverrir þess
að ferðamannastraumur á Arnarstapa
hafi stóraukist og horfi hann björtum
augum til framtíðar. af
Smáhýsi reist á Arnarstapa og
þjónustumiðstöð á teikniborðinu
Fjögur smáhýsi af ellefu eru þegar risin.
Unnið við vatnslagnir í smáhýsahverfinu. Vélaleiga TS var að störfum síðastliðinn
föstudag þegar fréttaritari átti leið um.
Upplýsingar um störfin veita þær Lind,
lind@talent.is og Bryndís bryndis@talent.is hjá
Talent í síma 552-1600. Ekki hika við að hafa
samband til að spjalla og bóka kynningarviðtal.
Allar nánari upplýsingar um störfin má finna á
www.talent.is/PCC, þar er einnig hægt að skrá
sig. Laus störf munu koma jafnt og þétt inn á
heimasíðuna eftir því sem líður á framkvæmda-
tímann.
Viltu búa og starfa í návígi við ægifagra náttúru?
PCC BakkiSilicon tekur til starfa á Bakka við Húsavík
síðla árs 2017. Þegar er farið að huga að fyrstu
ráðningum fyrir þetta spennandi verkefni. Kísilverið
verður búið nýjustu tækni til framleiðslu og verður eitt
tækni væddasta kísilver í heiminum í dag. Umhverfis-
og öryggismál verða sett á oddinn og skipa mjög
mikilvægan sess.
Fyrstu ráðningar eru að fara af stað og leitum við
sérstaklega að aðilum sem búa í Þingeyjarsýslu og á
Eyjafjarðarsvæðinu. Einnig áhugasömum aðilum sem
vilja flytja búferlum norður.
Lind og Bryndís hjá Talent ráðningar&ráðgjöf hafa
umsjón með ráðningunum og veita fúslega allar
nánari upplýsingar. Við hvetjum áhugasama til að slá á
þráðinn til þeirra fyrir nánari upplýsingar. Farið verður
með allar umsóknir sem trúnaðarmál.
Hjá PCC BakkiSilicon verður unnið eftir jafnréttis-
áætlun og hvetjum við konur jafnt sem karla til að
sækja um.
Við leitum meðal annars að:
• Vélvirkjum
• Rafvirkjum
• Skrifstofufólki
• Iðnverkafólki
• Verkfræðingum
• Efnafræðingum
• Málmfræðingum
• Umhverfissérfræðingum
• Tæknifólki á rannsóknarstofu
Húsavík er fallegur bær í klukkustundar akstursfjarlægð frá
Akureyri. Húsavík er einn þriggja byggðakjarna í sveitar-
félaginu Norðurþingi. Í sveitarfélaginu eru þrír leikskólar,
þrír grunnskólar og framhaldsskóli. Einnig er tónlistarskóli
og öflugt íþróttastarf fyrir börn og unglinga. Mikil og falleg
náttúra er allt um kring og er svæðið paradís fyrir útivistar-
fólk. Vegalengdir stuttar og fjölskylduvænt umhverfi.
Er kominn tími á breytingar?
Spennandi störf á Norðurlandi
lind@talent.is bryndis@talent.is
www.talent.is | Sími: 552-1600