Skessuhorn - 29.06.2016, Blaðsíða 26

MIÐVIKUDAGUR 29. JÚNÍ 201626
Borgnesingar, Borgfirðingar og
gestir þeirra gerðu sér glaðan dag
um síðustu helgi og héldu Brák-
arhátíð. Veðrið hélst þokkalegt allan
tímann meðan formleg dagskrá stóð
yfir. Lagt var upp með að höfða til
allra aldurshópa og tóku til dæmis
börn virkan þátt í skreytingum allra
hverfa. Á föstudagskvöldinu voru
götu- og hverfagrill en hátíðin hófst
formlega á laugardagsmorgni með
Brákarhlaupi þegar hlaupið var frá
Granastöðum að Landnámssetrinu.
Þar bauð kvenfélagið upp á dögurð
en eftir það tók við dagskrá. Fyrir
hádegi var boðið upp á bátasigling-
ar og víkingaskart fyrir börnin en
eftir hádegið var skrúðganga sem
Michelle Bird stjórnaði frá Brák-
arey og upp í Skallagrímsgarð. Þar
voru skátar með kaffisölu og boðið
upp á fjölskyldudagskrá, ræðuhöld,
tískusýningar, söng og víkinga-
markað svo eitthvað sé nefnt. Um
kvöldið var sungið við dvalarheim-
ilið Brákarey undir harmonikku-
leik Sigurgeirs Gíslasonar og far-
in þaðan kvöldganga að Englend-
ingavík. Þar sungu Jógvan Hansen
og Danni tjokkó. Hljómsveitin Buff
kom svo fólki í stuð á kosninganótt-
ina með balli í Hjálmakletti sem
knattspyrnudeildin stóð fyrir.
Eiríkur Jónsson, einn af skipu-
leggjendum hátíðarinnar kveðst
afar ánægður með hvernig hátíð-
in tókst. Hann vill koma á fram-
færi þakklæti til fyrirtækja í Borgar-
nesi sem lögðu sitt af mörkum til að
styðja við framkvæmdina með ýms-
um framlögum. „Það er mikið leit-
að til fyrirtækja þessar vikurnar og
kom það okkur skemmtilega á óvart
hversu vel þau studdu við hátíðina,“
sagði Eiríkur. Þá tóku íbúar í hverf-
um bæjarins virkan þátt í skreyting-
um en hefð er fyrir því að ríkjandi
hverfameistarar skipi dómnefnd.
Rauða hverfið var sigurvegari síð-
asta árs og valdi Bláa hverfið glæsi-
legast að þessu sinni og Garðavík
best skreyttu götuna. Eiríkur sagði
að það hefði einnig staðið uppúr lít-
ið en fallegt augnablik í Englend-
ingavík þegar Erlendur Samúelsson
meindýraeyðir færði ADHD sam-
tökunum hundrað þúsund krónur
að gjöf. Þorsteinn Eyþórsson, sem
nýverið hjólaði hringveginn um
landið til stuðnings samtökunum,
veitti gjöfinni viðtöku. „Það mátti
sjá einstaka tár á hvarmi yfir þess-
ari fallegu og einlægu gjöf frá Ella,“
sagði Eiríkur Jónsson í samtali við
Skessuhorn.
mm/ Ljósm. mm/gj/arg
Brákarhátíð tókst með ágætum í Borgarnesi
Hér liggur einn víkingurinn í valnum, en aðrir hlæjandi. Í skrúðgöngu Michelle frá Brákarey í Skallagrímsgarð. Ljósm. gj.
Fylgst með dagskránni í Skallagrímsgarðinum.
Eiríkur Theódórsson ræðir við fulltrúa ungu kynslóðarinnar. Þau áttu stóran þátt í skipulagningu og undirbúningi Brákarhátíð-
ar. Myndin var tekin á fyrsta skipulagningarfundi. Eiríkur Jónsson,
Kristín Amelía Þuríðardóttir, Rúnar Gíslason og Hlédís Sveinsdóttir.
Í biðröðinni að taka þátt í tískusýningu sem RKÍ búðin stóð fyrir.
Sigursteinn Þorsteinsson og nokkur börn á sviðinu í garðinum.
Ljósm. gj.
Víkingaþema einkenndi marga dagskrárliði. Mæðgur sýna það nýjasta í tískunni frá RKÍ búðinni í Borgarnesi.
Milt og þægilegt veður var í Skallagrímsgarði á laugardaginn, þrátt fyrir að sólin léti ekki sjá sig. Ævintýrin sögð í ævintýralegu umhverfi.