Skessuhorn - 29.06.2016, Blaðsíða 12
MIÐVIKUDAGUR 29. JÚNÍ 201612
Opið alla helgina
Smiðjuvellir 32 - 300 Akranes - Sími 431 5090 - Fax 431 5091 - www.apvest.is
Góða skemmtun á Írskum dögum!
Mikið magn rauðra háralita fáanlegt
Ekki örvænta
þótt þú sért ekki
rauðhærðasti
Íslendingur í heimi
Afgreiðs
lutímar:
Virka dag
a 9–18
Laugarda
ga 10–14
Sunnudag
a 12–14
Bæjarhátíðin Írskir dagar á Akranesi
hefur ávallt verið vinsæl, bæði meðal
heimamanna sem og utanaðkomandi
gesta. Regína Ásvaldsdóttir bæjar-
stjóri á Akranesi segir íbúa taka góð-
an og virkan þátt en í ár verða Írskir
dagar haldnir í sautjánda skipti. „Við
fögnum írskum uppruna okkar með
írsku fánalitunum, veljum rauðhærð-
asta Íslendinginn og best skreytta,
eða írskasta húsið. Tónninn er sleg-
inn á fimmtudagskvöldinu með tón-
leikum á Akratorgi fyrir yngstu kyn-
slóðina, Litlu lopapeysunni,“ seg-
ir Regína. Dagskrá Írskra daga
heldur svo áfram með hefðbundnu
sniði og má þar finna fjölskyldutón-
leika á föstudagskvöldinu, götugrill,
brekkusöng, listsýningu í Vitanum
og margt fleira. „Þeim fjölgar jafnt
og þétt sem taka þátt í götugrill-
unum á föstudeginum og þeim fer
einnig fjölgandi sem sækja viðburði
eins og brekkusönginn á laugardeg-
inum. Þetta fer auðvitað svolítið eft-
ir veðrinu, ef veðrið er gott þá fáum
við fleiri gesti. En óháð því er líka
góð þátttaka,“ segir Regína. ,,Há-
tíðinni lýkur svo á sunnudagskvöld-
inu í Garðalundi en þar ætlum við
að bjóða bæjarbúum og öðrum gest-
um á leik Íslands og Frakklands sem
hefst klukkan sjö og vonumst við
eftir því að sjá sem flesta“.
Endurfundir íbúa
„Bæjarhátíðum hefur farið fjölgandi
á Íslandi undanfarin ár og má segja
að nánast hvert einasta sveitarfélag
haldi hátíð að sumri til þó hátíðirn-
ar séu ólíkar. Þær eiga það hinsvegar
sameiginlegt að hafa það að mark-
miði að íbúar á öllum aldri koma
saman og skemmta sér,“ útskýrir
Regína. Hún segir Írska daga snúast
að miklu leyti um samheldni. „Fólk
tekur sig saman og gleðst sam-
an. Margir brottfluttir Skagamenn
koma heim og svo er þetta orðinn
fastur liður í dagskrá fyrir krakka
sem eru að alast upp. Það eru margir
samverkandi þættir sem hafa jákvæð
áhrif.“ Regína segir gaman að fá sem
flesta gesti í bæinn á Írskum dögum
og að bæjarbúar taki þátt og bjóði til
sín vinum og ættingjum. „En svona
bæjarhátíðir eru oft hálfgerðir end-
urfundir núverandi íbúa og brott-
fluttra. Mikilvægast er að allir finni
eitthvað við sitt hæfi og leyfi já-
kvæðninni og gleðinni að ríkja þessa
daga.“
Að ýmsu að huga
Akraneskaupstaður er aðal fram-
kvæmdaaðili Írsku daganna sem
heyra undir menningar- og safn-
amál hjá bænum. Ýmsu þarf að huga
að við skipulagningu bæjarhátíðar
af þessari stærðargráðu. „Það þarf
að fá skemmtikrafta og útbúa dag-
skrá, koma upp sviði í miðbænum,
huga að skreytingum og kynningar-
efni og gæslu á tjaldsvæði svo eitt-
hvað sé nefnt.“ Allt eru þetta þætt-
ir sem bærinn kemur að og þarf að
skipuleggja. Þá þarf að vera í góðu
samstarfi við lögreglu, huga að lok-
unum á götum og gefa út leyfi fyr-
ir sérstökum viðburðum, eins og til
dæmis Lopapeysunni. „Við erum
með fjárveitingu til að ráða sérstak-
an verkefnastjóra Írskra daga og var
Hallgrímur Ólafsson leikari ráðinn í
ár, eins og í fyrra. Hann er að störf-
um í nokkrar vikur fyrir hátíðina
en það er byrjað að leggja grunn-
inn miklu fyrr.“ Regína segir Akra-
neskaupstað langstærsta styrktarað-
ila hátíðarinnar. ,,Sem betur fer þá
eru líka nokkur fyrirtæki sem munu
styrkja einstaka viðburði í ár og það
munar heilmikið um það. Við höf-
um verið markvisst að vinna að því
að fjölga styrktaraðilum og mun-
um halda áfram á þeirri braut,“ segir
Regína. „Það er að mörgu að huga
við undirbúning svona hátíðar og
vil ég nota tækifærið og þakka öll-
um sem hafa lagt hönd á plóg. Fyrir-
tækjum sem styrkja hátíðina, menn-
ingar- og safnanefnd og þeim starfs-
mönnum sem hafa haft veg og vanda
af daglegum undirbúningi. Skemmt-
um okkur saman um helgina með
jákvæðni og bjartsýni að leiðarljósi,“
segir Regína að endingu. grþ
„Mikilvægast að það ríki jákvæðni og gleði“
-segir Regína Ásvaldsdóttir bæjarstjóri á Akranesi