Skessuhorn - 29.06.2016, Blaðsíða 10
MIÐVIKUDAGUR 29. JÚNÍ 201610
„Ég hef tekið Vatnasvæði Lýsu á
leigu í sumar, allt svæðið. Nú má
veiða alveg niður í ós,“ segir Sím-
on Sigurmonsson í Görðum, nýr
leigutaki svæðisins. Fram að þessu
hafa hinir og þessir haft svæðið á
leigu undanfarin ár. Má þar nefna
Laxá og Stangaveiðifélag Reykja-
víkur. Einkaaðilar voru auk þess
með neðsta svæðið en það verður
ekki lengur haft aðskilið. „Svæðið er
skemmtilegt og bæði lax og silung-
ur sem veiðist þarna. Sjóbirtingur
hefur líka verið að sýna sig meira á
svæðinu og er að ganga niður þessa
dagana. Hann kemur sterkur aftur í
haust. Ég þekki svæðið vel og hlakka
til að takast á við þetta,“ sagði Sím-
on, sem bjó og rak ferðaþjónustu á
Görðum á Snæfellnesi til fjölda ára
og er því öllum hnútum kunnugur.
gb
Á Jónsmessu var haldið námskeið í
flugdrekasmíði í Búðardal fyrir börn
fædd á árunum 2006-2009. Nám-
skeiðið var haldið með styrk frá Upp-
byggingarsjóði Vesturlands og leið-
beinandi var Arite Fricke iðnhönn-
uður. Mikill áhugi var á námskeið-
inu og var sætapláss fljótt að fyllast.
Til að byrja með gerðu börnin ein-
falda flugdreka úr gömlum síma-
skrám, grillpinnum og trélími og
fengu að spreyta sig við að fljúga
þeim áður en haldið var í matarhlé.
Eftir það tók við flóknari drekagerð
úr kínverskum pappír þar sem unn-
ið var með pappabrot og litun. Af-
raksturinn var fjölbreyttur og flugu
margir litskrúðugir flugdrekar um
loftin þennan daginn undir stjórn
ungra og stoltra hönnuða. sm
Flugdrekasmiðja í Búðardal
Flugdrekafjör á hólnum við skólann.
Símon er nýr leigutaki Vatna-
svæðis Lýsu á Snæfellsnesi
Um miðjan þennan mánuð stóð Sam-
Vest fyrir æfingabúðum í frjálsum
íþróttum í Borgarnesi. „Um er að
ræða nýtt verkefni sem SamVest hef-
ur ekki staðið að áður. Hugmyndin
vaknaði í vor þegar ljóst var að frjáls-
íþróttaskóli UMFÍ yrði ekki haldinn
í Borgarnesi þetta árið, vegna anna
heimamanna við undirbúning Ung-
lingalandsmóts síðar í sumar,“ seg-
ir Björg Ágústsdóttir. Um 30 krakkar
mættu en nokkrir voru hluta úr degi
eða komu þegar þeir höfðu tækifæri
til. Yfirumsjón æfingabúðanna var í
höndum Kristínar H. Haraldsdótt-
ur þjálfara hjá UMFG Grundarfirði.
Sigríður Sjöfn Helgadóttir í Borgar-
byggð sá um að matreiða ofan í hóp-
inn og Herdís Erna Matthíasdótt-
ir aðstoðaði í búðunum en þær voru
í undirbúningsnefnd ásamt fram-
kvæmdaráði SamVest. „Gestaþjálfar-
ar voru Íris Grönfeldt úr Borgarfirði,
en hún tók kastþjálfun. Hlynur Guð-
mundsson yfirþjálfari Aftureldingar
Mosfellsbæ kom báða dagana og fór
yfir spretthlaup, langstökk og boð-
hlaup og síðan fengum við Hermann
Þór Haraldsson þjálfara hjá FH sem
hefur sjálfur æft og keppt í tugþraut,
en hann tók hástökkið sérstaklega
fyrir. Gunnlaugur A. Júlíusson sveit-
arstjóri Borgarbyggðar og ofurhlaup-
ari með meiru kom í heimsókn fyrri
daginn og sagði krökkunum frá ýmsu
sem tengist hlaupum, markmiðasetn-
ingu og hvernig það er að taka þátt í
löngum hlaupum,“ segir Björg.
Lauk æfingabúðunum með
skemmtilegu móti á Skallagrímsvelli
þar sem hátt í 30 krakkar tóku þátt.
Bjarni Þór Traustason hafði umsjón
með mótinu ásamt aðstoðarfólki.
„Svona æfingabúðir er ekki hægt að
halda nema með góðri samvinnu,
skipulagningu og foreldrum sem eru
fúsir til að aðstoða. SamVest og und-
irbúningsnefnd þakka öllum sem
lögðu hönd á plóg í þessu verkefni,“
segir Björg að lokum.
arg/ Ljósm. Kristín H. Haraldsdóttir
SamVest hélt tveggja daga
æfingabúðir í Borgarnesi
Hermann Þór Haraldsson úr FH að leiðbeina í hástökki.
Hlynur Guðmundsson frá Aftureldingu að leiðbeina Vigni og Elvari með boðhlaup.
Háskóli Íslands útskrifaði á laug-
ardaginn 2.108 einstaklinga með
2.127 prófskírteini. Í febrúarmán-
uði síðastliðnum brautskráði skólinn
410 kandídata og er því heildarfjöldi
brautskráðra á árinu kominn 2.518.
Við útskriftarathöfnina, sem fram fór
í Laugardalshöll, sagði Jón Atli Bene-
diktsson rektor Háskóla Íslands með-
al annars: „Í mínum huga ber okkur
brýn samfélagsleg skylda að stuðla að
því að sem flestir fái notið þeirra var-
anlegu auðæfa sem menntastofnanir
landsins búa yfir, óháð efnahag, kyni
eða uppruna. Jón Atli vék að mikil-
vægi menntunar í uppbyggingu sam-
félagsins og sagði að Háskóli Íslands
hefði allt frá upphafi haft þá köllun
að veita nýrri þekkingu inn í samfé-
lagið. Hann sagði að háskólamennt-
un virkjaði þrótt einstaklinganna til
virkrar þátttöku í uppbyggingu þess
þar sem þekking, samstarf og skap-
andi hugsun væri nýtt til hins ýtrasta
í þágu aukinna lífsgæða og velsældar
fyrir alla.
Rektor vék einnig að fjármögn-
un háskólanna og menntakerfis-
ins í heild og sagði okkur Íslendinga
aldrei mega láta stundarhagsmuni og
skammsýni bera okkur af leið eða villa
okkur sýn. „Fjárfesting í menntun er
fjárfesting í framtíðinni,“ sagði rekt-
or og höfðaði þannig til stjórnvalda
að bæta í fjármögnun háskólastigs-
ins og menntakerfisins í heild. Hann
sagði að háskólinn yrði að geta treyst
á að yfirvöld skilji mikilvægi mennt-
unar og að þau yrðu á hverjum tíma
að setja varanlega hagsmuni þjóðar-
innar framar öðrum.
mm
Á þriðja þúsund brautskráðust
frá Háskóla Íslands
Það er ekki hægt að segja annað en
laxveiðin byrji vel þetta sumarið.
Nánast í öllum ám eru komnir lax-
ar og víða mikið. Um miðja síðustu
viku var Blanda á toppnum, en þar
höfðu þá veiðst 535 laxar. Í öðru sæti
var Þverá og Kjarará með 302 laxa
og Norðurá fyldi í kjölfarið með 280.
Veiði er hafin í flestum ánum og alls-
staðar hefur orðið vart við mikið af
laxi. Til dæmis var Krossá á Skarðs-
strönd í Dölum opnuð á laugardags-
morgun klukkan sjö. Fyrir klukkan
níu voru tveir fallegir laxar komnir á
land og sáu veiðimenn marga í ánni.
Bjarni Júlíusson var að koma úr
sinni árlegu fjölskylduferð í Hítará
á Mýrum. Hann segir stöðuna al-
veg einstaka í ánni. Aldrei hafi jafn
mikið af laxi gengið svo snemma í
Hítará, svo hann viti til. Fiskurinn
er auk þess dreifður um alla á og til
marks um það hafa veiðimenn sett í
og landað fiskum fyrir ofan Kattar-
foss. Grettisbæli er að gefa laxa og
svo eru þessir hefðbundnu staðir eins
og Langidráttur, Breiðin og Kverkin
einfaldlega stútfullir af laxi. „Fyrstu
sex dagarnir gáfu 73 laxa, sem er lík-
lega einsdæmi. Þetta er vænn stórlax
og smálax í bland. Smálaxinn skiptist
alveg í tvo hópa, annars vegar rýrir
þriggja punda fiskar, hins vegar flott-
ir fimm pundarar. Merkilegt að sjá
hvað þeir voru ólíkir,“ sagði Bjarni
í samtali við Skessuhorn. „Okk-
ur gekk ágætlega, en toppurinn var
þegar gamall vinur minn úr Grund-
arfirði leit við á föstudagsmorgnin-
um. Hann hefur búið í Bandaríkjun-
um síðastliðin 40 ár. Lenti á Kefla-
víkurflugvelli snemma morguns. Var
kominn upp eftir til okkar 90 mínút-
um síðar og það tók ekki langan tíma
að setja í lax. Svona á að gera þetta,“
sagði Bjarni Júlíusson.
Veiðidagur fjölskyldunn-
ar afstaðinn
Veiðidagur fjölskyldunnar var síð-
astliðinn sunnudag. Þá gafst lands-
mönnum kostur á að veiða án endur-
gjalds í fjölmörgum vötnum víðsveg-
ar um landið. Landssamband stanga-
veiðifélaga hefur staðið fyrir Veiði-
degi fjölskyldunnar í á þriðja áratug
ásamt veiðiréttareigendum. Hug-
myndin á bak við daginn er að kynna
stangveiði sem fjölskylduíþrótt. Í ár
voru 29 vötn í boði á veiðidegin-
um. Á Vesturlandi var frítt að veiða
í Langavatni á Mýrum, Hítarvatni,
Hraunsfjarðarvatni, Hraunsfirði,
Baulárvallavatni og Haukadalsvatni.
gb/mm
Laxveiðin byrjar
víðast hvar vel
Símon í Görðum hefur nú tekið vatnasvæði Lýsu á leigu. Ljósm. úr safni.
Eðvald Benediktsson með fallegan 84
cm lax úr Klapparfljóti í Þverá. „Við
fengum 38 laxa í Þverár hollinu, en
þetta holl hefur verið við veiðar hérna í
nokkur ár,“ sagði Aðalsteinn Pétursson
en veiðihópurinn kallast einfaldlega
„Vinir Alla.“ ,,Það er fiskur víða um ána
en Þverá er komin í á fjórða hundruð
laxa veiði,“ sagði Aðalsteinn enn-
fremur.
Bjarni Júlíusson og félagi hans við Breiðina í Hítará. Ljósm. gb.