Skessuhorn - 24.05.2017, Blaðsíða 6

MIÐVIKUDAGUR 24. MAÍ 20176
Bílvelta við
Akrafjallsveg
HVALFJ.SV: Betur fór en á
horfðist þegar bílvelta varð
við Akrafjallsveg laust fyrir
klukkan 17 síðdegis á sunnu-
dag. Tveir voru í bílnum,
ökumaður og farþegi. Öku-
maður missti stjórn á bílnum
með þeim afleiðingum að
hann fór út af, yfir troðning
sem liggur þar meðfram veg-
inum og hafnaði á hvolfi úti í
skurði. Vegfarandi sem varð
vitni að slysinu braut hliðar-
rúðu bílsins að aftan og að-
stoðaði ökumann og farþega
við að komast út. Að sögn
Lögreglunnar á Vesturlandi
sluppu ökumaður og farþegi
með minniháttar meiðsli en
voru fluttir til læknisskoðun-
ar á HVE á Akranesi. -kgk
Samþykktu
ljósleiðara sam-
hliða rafstreng
REYKHOLTSD: Á fundi í
byggðarráði Borgarbyggðar
síðastliðinn fimmtudag var
lagt fram minnisblað og kort
frá Guðmundi Daníelssyni
verkefnisstjóra um lagningu
ljósleiðararöra í Reykholts-
dal í samvinnu við RARIK
sem nú vinnur að þriggja
fasa rafvæðingu á svæðinu.
Um er að ræða 15 km. langa
leið. Kostnaður við verkið er
áætlaður 5,2 milljónir króna.
Byggðarráð samþykkti að
ráðast í þessa framkvæmd og
lýsti jafnframt ánægju sinni
með að hægt væri að sam-
nýta framkvæmdir sem RA-
RIK vinnur að og ná þannig
niður kostnaði við lagningu
ljósleiðara á þessu svæði og
hraða þannig framkvæmd
verksins. Í umsögn Guð-
mundar segir m.a.: „Fyrir-
huguð lagnaleið RARIK er í
meginatriðum í samræmi við
fyrirliggjandi hönnun á ljós-
leiðarakerfi og hagkvæmt að
laga hönnun ljósleiðarakerf-
isins að framkvæmdum RA-
RIK.“ -mm
Sauðfé tekið úr
vörslu eiganda
SUÐURLAND: Nýverið
svipti Matvælastofnun um-
ráðamann sauðfjár á Suður-
landi öllum kindum sínum.
„Ástæða vörslusviptingar er
sinnuleysi án þess að kröfur
stofnunarinnar væru virtar. Í
lögum um velferð dýra segir
að umráðamönnum dýra beri
að tryggja dýrum góða um-
önnun, þ.m.t. að sjá til þess
að þörfum dýranna sé sinnt
að jafnaði einu sinni á dag,“
segir í tilkynningu frá Mat-
vælastofnun. Fram kemur að
búið sé að fá aðila til að ann-
ast dýrin fram yfir sauðburð.
„Matvælastofnun er heim-
ilt að krefja umráðamann/
eiganda dýra um kostnað af
þvingunaraðgerðum. Um er
að ræða á annan tug áa og
verða þær áfram á staðnum
í umönnun umsjónarmanns.
Ástand dýranna er viðun-
andi í dag og gefur ekki til-
efni til frekari aðgerða að svo
stöddu.“
-mm
Leigja Lyng-
brekku áfram
BORGARBYGGÐ: Leik-
deild Umf. Skallagríms hef-
ur farið þess á leit við Borgar-
byggð að samningur um leigu
á félagsheimilinu Lyngbrekku
verði framlengdur. Jafnframt
verði veitt leyfi til að fara í
ákveðna tiltekt og hreins-
un til að nýta húspláss betur.
Einnig var bent á að nauðsyn-
legar viðhaldsframkvæmdir
þyrftu að fara fram á húsinu.
Á fundi byggðarráðs í síðustu
viku var lýst vilja til að fram-
lengja samning við leikdeild-
ina um áframhaldandi notkun
á húsinu. Sveitarstjóra var fal-
ið að ganga frá framlengingu
leigusamnings og umsjónar-
manni eignasjóðs falið að fara
yfir viðhaldsmál hússins með
hliðsjón af undirbúningi fyrir
fjárhagsáætlun sveitarfélagsins
fyrir næsta ár.
-mm
Þrír sóttu um
starf skólastjóra
REYKHÓLAHR: Þrjár um-
sóknir bárust um starf skóla-
stjóra Reykhólaskóla sem aug-
lýst var laust til umsóknar
fyrr í vor. Umsækjendur eru
Valgeir Jens Guðmundsson
kennari og Jón Einar Hauks-
son kennari. Einn umsækjandi
vill ekki láta nafns síns getið
að svo stöddu, að því er fram
kemur á Reykhólavefnum.
Skólastjóri verður ráðinn af
sveitarstjórn að fenginni um-
sögn mennta- og menningar-
málanefndar Reykhólahrepps.
-kgk
22. maí árið 1987 var merkisdagur
í Stykkishólmi. Þá tók Sverrir Her-
mannsson, þáverandi menntamála-
ráðherra, fyrstu skóflustunguna
að nýrri íþróttamiðstöð í bænum.
Sama dag staðfesti svo Alexander
Stefánsson þáverandi félagsmála-
ráðherra tilskipun um bæjarréttindi
Stykkishólmshrepps sem varð upp
frá þeim degi Stykkishólmsbær. Í
raun var tilviljun sem réði því að
þessir atburðir gerðust sama dag-
inn. Bæjarstjórn Stykkishólms hélt
svo fyrsta bæjarstjórnarfundinn
tæpum mánuði síðar. Í fyrstu bæj-
arstjórn Stykkishólms sátu Kristín
Björnsdóttir, Magndís Alexanders-
dóttir, Gunnar Svanlaugsson, Guð-
mundur Lárusson, Einar Karls-
son, Pétur Ágústsson og loks Ein-
ar Kristinsson sem jafnframt var
forseti bæjarstjórnar. Fyrsti bæjar-
stjóri Stykkishólms var sá sami og
er í dag; Sturla Böðvarsson en hann
sat til ársins 1991 þegar hann tók
sæti á Alþingi. Sturla tók svo aftur
við sem bæjarstjóri árið 2014.
„Þetta er ánægjulegur dagur í
dag ekki síður en fyrir 30 árum síð-
an. Íþróttamiðstöðin sem tekin var
skóflustungu að fyrir þrjátíu árum
hefur sannarlega sett svip sinn á
bæinn. Stykkishólmur hóf svo sam-
starf við önnur sveitarfélög á öðr-
um forsendum með bæjarréttind-
unum. Bæjarfélagið er nú farið að
vaxa og dafna aftur eftir lægð þeg-
ar hörpudiskurinn hætti að veiðast.
Nú eru bjartir tímar framundan í
Stykkishólmi. Hér fjölgar fólki og
bæjarfélagið er að eflast. Við lítum
á þennan dag fyrir þrjátíu árum sem
hvatningu til þess að halda áfram
að efla og bæta samfélagið,“ sagði
Sturla Böðvarsson þegar Skessu-
horn sló á þráðinn til hans á afmæl-
isdaginn síðasta mánudag.
Bæjarstjórn Stykkishólms ákvað í
vetur að efna til ljósmyndasýningar
í nýja Amtsbókasafninu í Stykkis-
hólmi í haust. „Á sýningunni getur
fólk séð myndir úr leik og starfi í
Stykkishólmi í gegnum árin. Ljós-
myndasafnið býr yfir töluverðum
fjölda mynda sem verða til sýnis en
einnig hafa margir bæjarbúar tekið
myndir af lífinu hér í gegnum árin
og þar með skráð sögu bæjarins,“
segir Sturla.
bþb
Stykkishólmur fagnar
þrjátíu ára bæjarafmæli
Sturla Böðvarsson bæjarstjóri með gamla bæinn í baksýn. Ljósm. þþ.
Seðlabanki Íslands tilkynnti í síð-
ustu viku um lækkun stýrivaxta
um 0,25 prósentustig. Megin-
vextir bankans, það er vextir á sjö
daga bundnum innlánum, verða
nú 4,75% í stað 5% áður. Athygli
vekur hversu lítil lækkun verður
á stýrivöxtum nú enda standa ís-
lenskir lántakendur undir hærri
vöxtum en gerist og gengur í öll-
um helstu viðskiptalöndum okk-
ar. Í rökstuðningi peningastefnu-
nefndar SÍ segir að horfur séu
„á hröðum hagvexti í ár eins og
í fyrra og bæði árin umfram það
sem spáð var í febrúar. Frávik-
ið skýrist einkum af meiri vexti
ferðaþjónustu en áður var búist við
en að auki er útlit fyrir meiri slök-
un í aðhaldi opinberra fjármála í
ár.“ Þá segir að spenna á vinnu-
markaði og í þjóðarbúskapnum í
heild hafi aukist þrátt fyrir aukinn
innflutning vinnuafls og kröftug-
an framleiðnivöxt. „Á móti auk-
inni spennu vegur hækkun gengis
krónunnar. Hún hefur gegnt lyk-
ilhlutverki í aðlögun þjóðarbús-
ins að búhnykkjum sem rekja má
til betri viðskiptakjara og vaxtar
ferðaþjónustu.“
Loks segir orðrétt: „Traustari
kjölfesta verðbólguvæntinga við
verðbólgumarkmiðið og hækkun
gengis krónunnar hafa gert pen-
ingastefnunefnd mögulegt að ná
lögboðnu markmiði um verðstöð-
ugleika við lægra vaxtastig en ella.
Aðhaldsstig peningastefnunnar á
komandi misserum mun ráðast af
framvindu efnahagsmála og ann-
arri hagstjórn.“
mm
Seðlabankinn lækkaði stýrivexti lítilsháttar