Skessuhorn - 24.05.2017, Blaðsíða 18

MIÐVIKUDAGUR 24. MAÍ 201718
Þverholti 2 • 270 Mosfellsbær
Sími 525 6700 • mos@mos.is • www.mos.is
VIRÐING • JÁKVÆÐNI • FRAMSÆKNI • UMHYGGJA
Laus störf næsta
skólaár 2017-2018

Deildarstjóri sérkennslu á unglingastigi í 50% stjórnun
og 50% kennslu
Kennarar óskast á unglingstig, miðstig og yngsta stig

Stuðningsfulltrúar og frístundaleiðbeindendur
Aðstoðarmatráður í mötuneytiseldhús
Skrifstofustjóri

Umsóknarfrestur um öll störfin er til 4. júní 2017.

SK
ES
SU
H
O
R
N
2
01
7
„Ég er búinn að ganga með þenn-
an draum í maganum í mörg ár og
í vetur ákvað ég að nú væri kom-
inn tími til að láta verða af þessu,“
segir Bjarni Rúnar Jónsson í samtali
við Skessuhorn. Hann hyggst opna
Bílaverkstæði Badda á Akranesi í
byrjun júní. Á Bílaverkstæði Badda
mun hann sinna viðgerðum á bílum,
vörubílum, vinnuvélum og landbún-
aðartækjum hvers konar. Auk þess
tekur hann að sér viðgerðir á ferða-
tækjum, svo sem húsbílum, hjólhýs-
um og fellihýsum.
Að rekstri verkstæðisins stendur
Baddi sjálfur ásamt fjölskyldunni.
„Ég og mín fjölskylda stöndum að
þessu fyrirtæki. Ég mun sinna við-
gerðum og daglegum rekstri. Sigrún
Mjöll Stefánsdóttir konan mín ætlar
að sjá um bókhaldið og sonur minn
Stefán Ýmir verður í afgreiðslunni í
sumar,“ segir hann.
Víðtæk reynsla
af viðgerðum
Baddi er bifvélavirki og vélsmiður að
mennt og lýkur meistaranámi núna í
vor. Áður hafði hann lokið grunn-
deild rafiðna. Baddi hefur lengi
starfað við viðgerðir. „Ég var síðast
á farartækjaverkstæðinu hjá Norð-
uráli en þar á undan var ég hjá báta-
smiðjunni Rafnar í Kópavogi. Áður
starfaði ég bæði á Bílaverkstæði
Hjalta og á verkstæðinu hjá ÞÞÞ,“
segir hann. „Á þessum stöðum öðl-
aðist ég góða reynslu af alls konar
viðgerðum og horfi til þess að nýta
þá reynslu í mínum rekstri,“ bæt-
ir hann við. Þá er ótalinn búskapur-
inn, en þegar Baddi og blaðamaður
ræddu saman var sauðburði nýlok-
ið. „Ég er frístundabóndi, bý með
hvorki fleiri né færri en 30 kindur.
Sauðburði lauk í fyrradag og ég fékk
vel af lömbum,“ segir Baddi ánægð-
ur. „En ég þekki vel til landbúnað-
arins og hef reynslu af viðgerðum
hvers kyns landbúnaðartækja, hvort
sem það eru traktorar eða sláttuvél-
ar,“ segir hann.
Nóg að gera á næstunni
Bílaverkstæði Badda verður til húsa
að Dalbraut 2C á Akranesi. Baddi
fékk húsið afhent um mánaðamót-
in og hefur staðið í ströngu síðan.
„Ég fékk lyklana 1. maí og hef verið
að taka húsnæðið í gegn, skipta um
raflagnir, smíða móttöku og kaffi-
stofu og fleira slíkt,“ segir hann.
„Ég er búinn að verða mér úti um
hluta af tækjunum en er lítið byrj-
aður að vinna í salnum. Ég hef ekki
getað verið eins mikið við og ég ætl-
aði mér. Ég var búinn að lofa nokkr-
um viðgerðum sem þurfti að klára.
En þeim er lokið og ég get því tekið
góðan skurk næstu daga. Það verð-
ur nóg að gera en ég reikna með að
geta opnað nálægt mánaðamótum,“
segir Baddi.
Bíður opnunar með
eftirvæntingu
Aðspurður kveðst hann ætla að
verða einn við viðgerðir fyrst eft-
ir opnun verkstæðisins. „Ég vil sjá
hvernig reksturinn fer af stað og
reyni að fara ekki of geyst í upphafi.
Ég þarf aðeins að átta mig á þörf-
inni og verð því einn hér í viðgerð-
um fyrst um sinn. Ef það verður
síðan nóg að gera þá ræð ég menn
í vinnu,“ segir Baddi. „En ég vona
auðvitað að ég komi til með að
hafa nóg að gera og reikna alveg
með að svo verði. Bílar og tæki bila
alltaf og þá þarf að gera við,“ seg-
ir hann. Hjá hinum verkstæðunum
sem eru í rekstri eru langir biðlist-
ar svo ég reikna ekki með öðru en
að fá næg verkefni.“ Hann kveðst nú
þegar vera farinn að fá fyrirspurnir.
„Þessi áform mín hafa aðeins verið
að spyrjast út og fólk er forvitið, ég
hef aðeins verið spurður út í þetta á
förnum vegi síðustu daga. Allir sem
hafa komið að máli við mig hafa líst
ánægju sinni með að ég sé að standa
í þessu og hvetja mig til dáða. Það
þykir mér mjög ánægjulegt og fyll-
ir mig eftirvæntingu fyrir opnuninni
um mánaðarmótin,“ segir Baddi að
endingu.
Áhugasamir geta haft samband
við Bílaverkstæði Badda í síma
431-3440/ 898-3440 eða á bila-
baddi@simnet.is. Verkstæðið opnar
sem fyrr segir í byrjun júní.
kgk
Bílaverkstæði Badda verður opnað á Akranesi
Bjarni Rúnar Jónsson í Bifreiðaverkstæði Badda.Baddi mun meðal annars taka að sér viðgerðir á hvers kyns ferðatækjum. Hér
stendur hann við húsbílinn sinn, sem hann smíðaði einmitt sjálfur á aðeins fjórtán
mánuðum.
Húsbíllinn í smíðum.
Það er komið vor þegar að pylsu-
lyktin fer að ilma á horni Grund-
argötu og Hrannarstígs í Grund-
arfirði. Þá er Meistarinn kominn á
stjá og búinn að opna. Þannig var
einmitt staðan í blíðviðrinu síðasta
laugardag þegar Baldur Orri Rafns-
son mætti með vagninn í stæðið
sitt og hóf að selja pylsur og báta
til vegfarenda. Viðskiptavinirnir á
myndinni virtust að minnsta kosti
vera sáttir við gang mála þó að
starfsfólkið hafi tekið sér örlítið hlé
til að stilla sér upp fyrir fréttaritara
Skessuhornsins. tfk
Vorboðinn ljúfi þegar Meistarinn mætir
Hérna eru þau Kristbjörg Ásta Viðarsdóttir, Lísbet Rós Ketilbjarnardóttir og Baldur Orri Rafnsson.