Skessuhorn - 24.05.2017, Blaðsíða 17

MIÐVIKUDAGUR 24. MAÍ 2017 17
VÉLAMAÐUR HÓLMAVÍK
Tímabundið starf vélamanns hjá þjónustustöðinni
á Hólmavík er laust til umsóknar. Um 100% starf er
að ræða og ráðningu fram á sumar 2018.

Starfssvið
Viðhald, þjónusta og nýbyggingar vega á starfssvæði •
Vegagerðarinnar á Hólmavík
Ýmis vinna í starfsstöð á Hólmavík•

Menntunar- og hæfniskröfur
Almennt grunnnám•
Almenn ökuréttindi•
Meirapróf bifreiðastjóra er æskilegt•
Vinnuvélaréttindi•
Reynsla af vegheflun er æskileg•
Frumkvæði og hæfni til að vinna sjálfstætt•
Góðir samstarfshæfileikar•

Vegagerðin er eftirsóknarverður vinnustaður sem hentar
jafnt báðum kynjum

Laun eru greidd samkvæmt kjarasamningi ríkisins og viðkomandi
stéttarfélags.
Umsóknarfrestur er til og með 6. júní 2017. Umsóknir berist
Vegagerðinni, netfang: starf@vegagerdin.is. Í umsókninni komi fram
persónulegar upplýsingar ásamt upplýsingum um þá menntun og hæfni
sem óskað er eftir.

Æskilegt er að starfsmaður geti hafið störf sem fyrst.

Nánari upplýsingar um starfið veitir Jón H. Elíasson
rekstrarstjóri í síma 522-1681 eða 892-1403.

Öllum umsóknum verður svarað þegar ákvörðun um ráðningu hefur
verið tekin.
SK
ES
SU
H
O
R
N
2
01
7
Stórsveit Snæfellsness blés til salsa-
tónleika í Tónlistarskóla Stykk-
ishólms síðastliðinn sunnudag. Á
dagskrá voru lög af ýmsum meiði.
Allt frá framandi og frískandi tón-
list en einnig gömul og kunnugleg
lög. Leikin voru lög af fjölmörgum
tónlistarstefnum, þar á meðal bæði
salsa og jazz.
Stjórnandi Stórsveitar Snæfell-
sness er Andreas Fossum en sér-
stakir gestir á tónleikunum voru
þeir Símon Karl Sigurðsson,
Sölvi Rögnvaldsson og Þorgrímur
Þorsteinsson.
kgk/ Ljósm. sá.
Salsatónleikar í Stykkishólmi
Bræðurnir Gunnar Smári og Jó-
hann Örn Jónbjörnssynir ásamt
Sunnefu Burgess stefna að því að
opna CrossFit stöð á Akranesi í
ágúst. Þau hafa að undanförnu
verið að leita eftir húsnæði fyr-
ir stöðina og hafa nú fundið það.
Vesturgata 119, þar sem HM pípu-
lagnir voru til húsa, varð fyrir val-
inu. „Húsið hentar okkur ágæt-
lega, það er um 200 fermetrar að
stærð og nú vinnum við í því að
gera það klárt svo hægt verði að
opna stöðina. Mesta vinnan núna
er að koma upp búningsklefum
fyrir bæði karla og konur en auk
þess þurfum við að gera eitt og
annað við húsið fyrir opnun. Stað-
setningin á húsinu er góð og eig-
um við klárlega eftir að nýta okk-
ur hlaupaleiðir þar í kring í þjálfun
okkar,“ segir Gunnar Smári í sam-
tali við Skessuhorn.
„Við stefnum að því að opna í
ágúst, sem hentar vel fyrir Cross-
Fit. Sumrin eru róleg í CrossFit
og því flott að geta opnað í ágúst
og búið til lið fyrir þá sem gætu
keppt á fyrstu CrossFit-mótunum
í haust,“ segir Gunnar Smári en
hann segist finna vel fyrir áhuga í
bæjarfélaginu fyrir opnun stöðvar-
innar. „Fólk hefur mikið gefið sig á
tal við mig og lýst yfir ánægju með
fyrirætlanir okkar um að opna stöð-
ina. Þetta verður góð innspýting í
bæjarfélagið og bætir flóruna sem
fyrir er í hreyfingu á Akranesi. Ég
hef einnig verið mikið spurður um
hvort ég ætli einnig að bjóða upp
á sjúkraþjálfun; það er alveg í spil-
unum en ekki í ágúst. Vonandi get
ég samt boðið upp á sjúkraþjálfun
á þessu ári eða á því næsta.“
Gunnar segir að þau vonist eftir
að geta boðið upp á hreyfingu fyrir
fleiri en þá sem vilja fara alla leið
í CrossFit. „Fyrst um sinn ætlum
við að einbeita okkur að CrossFit-
inu en vonandi getum við fljót-
lega farið að bjóða upp á hreyfi-
tíma fyrir fólk sem er eldra en 60
ára og fleira í þeim dúr. Það yrðu
þá tímar sem yrðu ekki beinlínis
CrossFit tímar. Við hlökkum til
að opna stöðina og bjóða Akurnes-
inga velkomna.“ bþb
Stefna á að opna CrossFit
stöð á Akranesi í ágúst
Svipmynd úr CrossFit stöð erlendis.
Gunnar Smári Jónbjörnsson, Sunnefa Burgess og Jóhann Örn Jónbjörnsson stefna
að því að opna CrossFit stöð á Akranesi í ágúst.