Skessuhorn - 24.05.2017, Blaðsíða 10

MIÐVIKUDAGUR 24. MAÍ 201710
Bæjarstjórn Stykkishólmsbæj-
ar hefur afgreitt ársreikning fyrir
bæjarsjóð og B-hluta fyrirtæki bæj-
arins vegna ársins 2016. Rekstur
sveitarfélagsins skilaði hagnaði og
er í fjárhagsáætlun gert ráð fyrir að
svo verði einnig á yfirstandandi ári.
„Hefur því skilað sér það starf hag-
ræðingar en um leið uppbygging-
ar og framfarasóknar í bæjarfélag-
inu sem sett var af stað strax í byrj-
un kjörtímabilsins,“ segir í frétta-
tilkynningu.
„Árangur af því starfi skilar sér í
ársreikningi 2016 með 53,9 millj-
ón króna hagnaði af A-hluta bæjar-
sjóðs og 43,7 milljón króna hagn-
aði af A og B-hluta saman.“ Hækk-
un tekna af útsvari og fasteigna-
skatti var tæp 12% milli áranna
2015 og 2016 rekstrargjöld hækk-
uðu um 5%. Álagningarhlutfall
fasteignaskatts er óbreytt á milli
ára en útsvar var lækkað árið 2015
og í fyrra var það í 14,37% en var
áður 14,52%. Skuldaviðmið lækk-
aði og er 121% árið 2016 þrátt
fyrir yfirtöku skulda vegna dvalar-
heimilis og þjónustuíbúða. Skulda-
viðmið A og B-hluta 2016 er 121
% af skatttekjum en var 128% árið
2015, 136% árið 2014 og 153%
árið 2013. Rekstrarjafnvægi ár-
anna 2014-2016 er jákvætt um 28,7
milljónir króna.
Í árslok var 161 milljónar króna
handbært fé frá rekstri og tæpar 73
milljónir í handbæru fé í sjóðum
við árslok sem er mikill viðsnún-
ingur frá því sem var mörg síðustu
árin. „Þessi árangur næst þrátt fyr-
ir að í fyrsta skipti er dvalarheimili
og þjónustuíbúðir gerðar upp sem
B-hlutafyrirtæki hjá bænum en þær
einingar eru því miður reknar með
halla. Stefnt er að því að samrekst-
ur eldhússins í sjúkrahúsinu fyr-
ir skólann og dvalarheimilið skili
sér í betri afkomu stofnana á þessu
ári og í framtíðinni verði hjúkrun-
ardeildin á dvalarheimilinu færð í
sjúkrahúsið og rekin á ábyrgð ríkis-
ins svo sem lög gera ráð fyrir. Nú-
verandi húsnæði dvalarheimilisins
verði þá breytt í leiguíbúðir fyrir
aldraða.“
Þá segir í frétt frá bæjarstjórn að
það sem ráði úrslitum um þennan
árangur í rekstri Stykkishólmsbæj-
ar sé að stórum hluta fjölgun nýrra
íbúa sem hafi trú á Stykkishólmi.
Þá skiptir miklu máli hækkun fram-
laga úr Jöfnunarsjóði, strangt að-
hald í rekstri og hagnaður af rekstri
Stykkishólmshafnar. Bættur rekstur
hafnarinnar stafar frá aukinni um-
ferð um höfnina, auknum tekjum
af ferjusiglinum og þjónustu við
skemmtiferðaskip. Skemmtiferðar-
skipum hefur fjölgað í kjölfar þess
að Stykkishólmshöfn gerðist aðili
að Cruise Iceland sem eru samtök
hafna sem taka á móti skemmti-
ferðaskipum. mm
Hagnaður var af rekstri Stykkishólmshafnar m.a. vegna aukinnar umferðar í höfninni.
Bæjarsjóður Stykkishólms
skilaði góðum hagnaði
Í lok síðasta árs var nýuppgerður
björgunarbátur Björgunarfélags
Akraness, Jón Gunnlaugsson, sjó-
settur. Báturinn var keyptur frá
Bretlandi fyrir rúmum tveim-
ur árum, en hann var upphaf-
lega smíðaður af breska sjóhern-
um árið 1996. Þar var hann not-
aður við sjómælingar og sem hafn-
sögubátur. Báturinn mun vera eins
tæknilegur og fjármagn Björgun-
arfélagsins leyfir og verður m.a.
einn fyrsti björgunarbátur hér á
landi sem útbúinn er búnaði til
að tengja fjarskiptakerfin saman,
en áður hefur slíkum búnaði ver-
ið komið fyrir í mörgum bílum
björgunarsveitanna víðs vegar um
landið.
Nú styttist óðum í að Björgun-
arfélagið geti farið að hefja notkun
á Jóni Gunnlaugssyni. Á dögun-
um fékk félagið heimild frá Sam-
göngustofu til að sigla honum til
Reykjavíkur til að ganga frá síð-
ustu atriðunum fyrir notkun. „Nú
eru tæknimenn að leggja lokahönd
á vinnu sína sem og hafa skoðun-
armenn frá Samgöngustofu byrjað
sína vinnu. Fimmtudaginn í síð-
ustu viku fór fram búnaðar-, bol-
og vélarskoðun sem kom mjög vel
út. Það sem við eigum síðan eftir
er að leggja lokahönd á rafmagns-
og smíðavinnu,“ segir Anton Örn
Rúnarsson hjá Björgunarfélagi
Akraness í samtali við Skessuhorn.
Stefnt er að því að Björgunar-
félagið vígi Jón Gunnlaugsson á
Sjómannadaginn 11. júní.
bþb
Björgunarbáturinn Jón Gunnlaugsson
verður senn tekinn í notkun
Jóns Gunnlaugsson í höfn í Reykjavík þar sem unnið er við skoðun og síðustu
lagfæringar. Ljósm aör.
Síðastliðinn fimmtudag kvað
Hæstiréttur upp dóm í máli Kræs-
inga ehf., áður Gæðakokka, gegn
Matvælstofnun. Þar er viðurkennd
skaðabótaskylda Matvælastofn-
unar vegna tilkynningar sem birt
var á heimasíðu stofnunarinnar
27. febrúar 2013 og varðaði fram-
leiðslu fyrirtækisins í hinu þekkta
kjötlokumáli. Matvælastofnun var
jafnframt gert að greiða 900.000
krónur í málskostnað. Í frétt Mat-
vælastofnunar á sínum tíma var
þess getið að rannsókn hefði sýnt
fram á að ekkert kjöt hefði fundist
í nautaböku frá fyrirtækinu Gæða-
kokkum í Borgarnesi en nauta-
bakan átti samkvæmt innihaldslýs-
ingu að innihalda 30% nautahakk
í fyllingu og að lambahakksboll-
ur sama framleiðenda sem sagð-
ar voru hafa innihaldið lamba- og
nautakjöt hefðu eingöngu inni-
haldið lambakjöt.
Ólögmæt frétt
Í dómi Hæstaréttar segir að hvað
sem líði heimildum Matvælastofn-
unar til að standa að rannsóknum
á umræddum vörum hafi það ver-
ið á verksviði Heilbrigðiseftirlits
Vesturlands að hafa eftirlit með
framleiðslu og dreifingu á bök-
unum. Það hafi verið sami aðil-
inn, þ.e. Heilbrigðiseftirlit Vest-
urlands, sem hafi haft heimild til
að birta niðurstöður úr slíku eft-
irliti. Matvælastofnun hafi því
brostið heimild til að standa að
birtingu fréttarinnar og hún hafi
því verið ólögmæt. Afleiðingar af
þessu voru meðal annars þær að
viðskipti Gæðakokka hrundu, fyr-
irtækið hélt áfram starfsemi undir
öðru nafni en hefur átt afar erfitt
uppdráttar.
Í dómsorðum segir m.a.: „Þó
að ekki verði fram hjá því litið
að stefnandi bar ábyrgð á því að
umræddar nautabökur innihéldu
ekki nautakjöt í samræmi við inni-
haldslýsingu verður ekki talinn
leika vafi á því að umrædd tilkynn-
ing stefnda hafi með beinum hætti
haft alvarlegar afleiðingar fyr-
ir stefnanda. Í skýrslu fyrirsvars-
manns stefnanda við aðalmeðferð
kom fram að stefnandi hafi í fram-
haldi af aðgerðum stefnda orðið
að segja upp nánast öllu starfs-
fólki, en hjá stefnanda hafi starf-
að níu starfsmenn fastráðnir, velta
stefnanda hafi hrunið og ekki verið
um annað að ræða en að skipta um
nafn og byrja að nýju frá grunni.
Stefnandi hefur því lögvarða hags-
muni af því að fá viðurkennda
bótaskyldu stefnda og uppfyllt eru
skilyrði fyrir skaðabótaskyldu.“
Að framansögðu má gera ráð
fyrir því að skaðabætur sem fyrir-
tækið sækir til Matvælastofnunar
muni hlaupa á hundruðum millj-
óna króna.
Eitt sýni ekki
nægjanlegt
Þá segir í forsendum dóms Hæsta-
réttar að Matvælastofnun hafi bor-
ið að tryggja að rannsókn á vörum
Gæðakokka yrði hagað í samræmi
við meginreglur stjórnsýslurétt-
arins þar sem auk annars varð að
gæta að því að rannsókn málsins
væri fullnægjandi og þar með úti-
lokað að um einstaka mistök eða
óhappatilvik hafi verið að ræða.
Jafnframt bar Matvælastofnun að
gæta að meginreglu um meðalhóf
við meðferð málsins en stofnun-
inni mátti vera ljóst hvaða afleið-
ingar það myndi hafa á starfsemi
Gæðakokka að birta umrædda til-
kynningu. Þá segir að hefði rann-
sókn á innihaldi einnar pakkning-
ar af nautbökum ekki getað talist
fullnægjandi grundvöllur þeirr-
ar opinberu upplýsingamiðlunar
um framleiðslu Gæðakokka sem
átti sér stað í framhaldinu og hefði
a.m.k. mátt gera þá kröfu að slík
rannsókn yrði endurtekin með
frekari sýnatöku áður en almenn-
ingi væri kynnt um að varan væri
haldin þeim ágalla sem fullyrt var.
mm/ Ljósm. hg.
Hæstiréttur staðfestir kröfu
um skaðabætur Gæðakokka
gagnvart Matvælastofnun
Framkvæmdir við uppbyggingu
ferðaþjónustu á Þórdísarstöðum við
Grundarfjörð eru vel á veg komnar
en nýlega var lokið við að slá upp
fimm parhúsum á jörðinni. Það var
hamagangur í öskjunni þegar að
fréttaritari Skessuhorns leit við síð-
asta sunnudag en þá voru smiðir á
fullu við vinnu sína. Staðsetningin
er góð og mun fallegt útsýni vafa-
lítið gleðja væntanlega gesti.
tfk
Fimm parhús risin
á Þórdísarstöðum