Skessuhorn - 24.05.2017, Blaðsíða 15

MIÐVIKUDAGUR 24. MAÍ 2017 15
Hrossabændur - hestamenn!

Vantar hross til slátrunar á næstu vikum.
Forðist biðlista í haust.

Bjóðum tímabundið hækkað verð!

Sláturpantanir í síma 480 4100.

Sláturfélag Suðurlands
Selfossi

Senn hefjast framkvæmdir við virkj-
un á Urðarfelli í Borgarfirði. Eru það
landeigendur á Húsafelli sem standa
að virkjuninni. „Framkvæmdirnar
eru ekki hafnar. Komið er leyfi fyrir
vegagerð og hefst hún vonandi sem
fyrst. Gamlir slóðar verða notað-
ir sem grunnur að vegi upp að Urð-
arfelli, þar sem inntaksmannvirk-
ið verður, en það er í um 370 metra
hæð yfir sjávarmáli,“ segir Bergþór
Kristleifsson á Húsafelli í samtali
við Skessuhorn fyrr í þessum mán-
uði. „Vegirnir þurfa að vera góðir því
þá þarf að nota bæði við byggingu
inntaksmannvirkisins og síðan til að
þjónusta það í framtíðinni,“ bætir
hann við.
Gengið hefur verið frá kaupum á
vélbúnaði virkjunarinnar og rörum.
„Ég fæ rörin afhent í lok maí eða
byrjun júní. Það er heill skipsfarm-
ur, samtals 3,1 kílómetri af rörum,“
segir Bergþór. „Á næstunni hefst síð-
an vinna við vegagerð og pípulögn-
ina. Henni verður vonandi lokið í
endann september. Á meðan ver-
ið er að leggja pípurnar hefst vinna
við að steypa inntaksmannvirkið og
síðan stöðvarhúsið, sem verður í
Reyðarfellsskógi. Í framhaldi af því
verður virkjunin tengd flutnings-
kerfi Landsnets. Ætlunin er síðan að
ræsa Urðarfellsvirkjun og hefja fram-
leiðslu inn á kerfið í desembermán-
uði,“ segir hann.
Þegar Skessuhorn kemur út í dag
var vegagerð upp að Urðarfelli haf-
in.
Allt að 1100 kW
Virkjunin verður fallvatnsvirkjun þar
sem lindarvatni verður veitt í gegn-
um rör niður fjallshlíðina að stöðvar-
húsinu sem staðsett verður í Reyðar-
fellsskógi. Í stöðvarhúsinu verður ein
Pelton vél sem framleiðir orkuna.
„Fallið er 275 metrar og virkjunin
á að geta skilað um 1100 kW,“ seg-
ir Bergþór. „Uppsett afl núverandi
virkjana í Húsafelli er 530 kW en
þær gætu afkastað 600 kW. Það ger-
um við til að hafa smá svigrúm svo
við getum alltaf afhent þau 530 kW
sem samið er um, líka þegar minna
vatn er í ánum en venjulega,“ útskýr-
ir hann en bætir því við að lítið sé
um sveiflur í rafmagnsframleiðslunni
á Húsafelli. „Við fáum mikið kredit
fyrir það frá raforkukaupendum að
hér er einhver stöðugasta framleiðsla
rafmagns á landsvísu. Það er eins og
hraunið og landið upp að jökli virki
sem nokkurs konar uppistöðulón.
Því er nokkuð jafnt rennsli allt árið
og meira að segja meira vatn á vet-
urna en á sumrin. Slíkt er óvenjulegt
en alls ekki slæmt því hærra verð fæst
fyrir orkuna að vetrinum.“
Fjórða kynslóðin virkjar
Fyrir eru á Húsafelli þrjár virkjan-
ir og rafmagnsframleiðsla þar á sér
nokkuð langa sögu. „Elstu virkj-
unina byggði afi minn árið 1948
og svo reisti pabbi aðra 1978. Ég
byggði síðan virkjun 2003 og nú
má segja að fjórða kynslóðin sé að
virkja á Húsafelli, því Arnar son-
ur minn er í þessu með mér. Hann
er verkfræðingur að mennt og sá
um alla forhönnun virkjunarinnar,
útboð vélbúnaðar og fleira,“ segir
Bergþór og brosir. „Í dag framleið-
um við alla orku niður að Deildar-
tungu. Það er gert í sátt og sam-
lyndi við ferðaþjónustuna. Flestir
þeir gestir sem hingað koma vita
ekki einu sinni af þessu og þeir
sem ég hef sagt frá þessu eru him-
inlifandi, þykir áhugavert að hér sé
búið til rafmagn og eru áhugasam-
ir um þessa sögu staðarins,“ segir
hann.
Vandaður og
snyrtilegur frágangur
Meirihluti vatnsins í Urðarfells-
virkjun kemur úr lindum sem síð-
an bætist í vatn úr Deildargili.
Bergþór segir horft til þess að eins
lítið rask verði af virkjuninni og
kostur er. „Þar verður steypt inn-
tak uppfrá þar sem verða ristar og
sigti. Fyrir framan inntakið verð-
ur smá lón, en það verður einungis
á stærð við sundlaug,“ segir hann.
„Þannig að þetta er eins grænt og
vænt og virkjanir geta orðið,“ segir
Bergþór. Hvað varðar stöðvarhúsið
sem reist verður í Reyðarfellsskógi
segir hann að lítið eigi að bera á
því. „Verið er að forvinna drög að
deiliskipulagi fyrir frístundabyggð
í Reyðarfellsskógi og því gæti risið
þar sumarhúsabyggð í framtíðinni.
Ómar Pétursson í Nýhönnun er að
hanna stöðvarhúsið og meiningin
er að það geti fallið inn í hugsan-
legt sumarhúsahverfi. Það á ekki
að stinga í stúf, bara líta út eins
og hvert annað hús sem risið gæti
þar nálægt,“ segir Bergþór. „Eitt-
hvað rask verður af þessum fram-
kvæmdum á meðan þær standa yfir
en vonandi fyrirgefst okkur það
þegar þetta verður búið. Áhersla
verður lögð á vandaðan og snyrti-
legan frágang.“
Húsafell í National
Geographic
Bergþór segir að í framtíðinni
muni jafnvel koma til greina að
bjóða gestum Húsafells upp á
heimsóknir í stöðvarhúsið, jafn-
vel með leiðsögn þar sem þeim
væri kynnt virkjanasaga Húsafells.
„Hótelið er að fara í samstarfi við
National Geographic. Þeir eru
með umfjöllun í sínum tímarit-
um og miðlum um umhverfisvæna
nýtingu á vatni og ferðamennsku.
„Eins grænt og vænt og virkjanir geta orðið“
- segir Bergþór Kristleifsson um Urðarfellsvirkjun í Húsafelli
Umfjöllun þeirra nær til nýtingar á
heitu vatni til upphitunar og baða,
köldu vatni og vatni til rafmagns-
framleiðslu. Þetta er hluti af ferða-
tengdu afþreyingarefni sem þeir
munu fronta í sínum blöðum,“
segir Bergþór og bætir því við að
fulltrúum National Geographic
hafi litist vel á Húsafell. „Við feng-
um stórt prik í kladdann frá þeim
fyrir rafmagnsframleiðslu í sátt við
umhverfið og aðra starfsemi hér á
svæðinu. Enn sem komið er hafa
bara 50 staðir í heiminum ver-
ið teknir til umfjöllunar hjá þeim.
Þeir eru reyndar aðeins að stækka
þessa umfjöllun sína en engu að
síður er gaman að fá að vera með,“
segir hann. „En til að geta tekið
þátt í þessari umfjöllun verðum við
að kynna gestum á þeirra vegum
svæðið og hvernig við framleiðum
hér rafmagn. Þá reynslu og þær
ferðir sem við förum með þeirra
gesti í mætti vel nota í framtíðinni
sem grunn að afþreyingarferðum,
jafnvel með leiðsögn, stöðvarhúsið
og virkjanirnar á Húsafelli skoðað-
ar, þar sem áhugasamir gætu kynnt
sér þá sögu,“ segir hann. „Allt sem
styður við ferðaþjónustuna og fær
fólk til að dvelja lengur hjá okkur í
einu er af hinu góða,“ segir Berg-
þór Kristleifsson að lokum. kgk
Bergþór Kristleifsson á Húsafelli. Horft að Reyðarfellsskógi, en þar verður stöðvarhúsið byggt.
Stöðvarhús elstu virkjunarinnar á Húsafelli, sem reist var árið 1948 af Þorsteini Þor-
steinssyni, afa Bergþórs. Næst virkjaði faðir hans, Kristleifur Þorsteinsson árið 1978
og síðan Bergþór sjálfur árið 2003. Nú virkjar fjórða kynslóðin í Húsafelli, því Arnar
sonur Bergþórs vinnur með honum að Urðarfellsvirkjun. Ljósm. úr safni.
Skjáskot af Urðarfelli úr kortasjá Landmælinga Íslands. Fyrir ofan má sjá móta fyrir
byggðinni á Húsafelli og neðar í mynd er Okið. Til hægri sést í Langjökul.