Skessuhorn - 23.08.2017, Blaðsíða 4

MIÐVIKUDAGUR 23. áGúST 20174
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Björn Þór Björnsson bjorn@skessuhorn.is
Auglýsingar og dreifing:
Emilía Ottesen emilia@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Samfélag allra
Haustinu fylgir upphaf skóla hvarvetna um landið. Í blaðinu okkar í dag
lítum við yfir sviðið, allt frá grunnskólum á Vesturlandi til háskólanna í
landshlutunum. Það er ánægjulegt að sjá að skólafólk hvarvetna er að koma
býsna jákvætt úr sumarleyfinu og hlakkar til starfsins framundan. Víðast
hvar virðist hafa gengið vel að manna stöður og er það vel. Fyrir flesta
nemendur er það tilhlökkunarefni að setjast að nýju á skólabekk, hitta fé-
lagana og takast á við verkefni komandi missera. En þessi tilhlökkun er ekki
hjá öllum. Ég hef vissu fyrir því að fyrir marga er þetta tími kvíða þar sem
þeir hafa ekki endilega þá reynslu í farteskinu að geta leyft sér að trúa að
ákveðnir hlutir hafi breyst. Hin illvíga ógn sem einelti er getur verið þeim
þrúgandi.
Af þessum sökum vil ég hvetja foreldra og forráðamenn barna og ung-
linga, skólasamfélagið og að sjálfsögðu ungmennin sjálf til að ræða þessi
mál opinskátt. Hvetja til þess að þetta haust og komandi vetur verði mann-
gæska og náungakærleikur í hávegum hafður. Ef viðkomandi sér einhvern
sem á erfitt með að eignast vini eða mynda tengsl, eða einhvern sem er
strítt af því að hann eða hún er feiminn, öðruvísi, eða ekki klæddur sam-
kvæmt einhverju tískunormi, þá þarf að sýna hugrekki. Það hugrekki er
hægt að sýna einstaklingi á skólalóðinni með því einfaldlega að heilsa. Fyrir
einstakling sem er lítill í sér og einn, getur eitt „Hæ“ verið gulls ígildi. Ég
tala nú ekki um stuttar samræður á vinsamlegum nótum, bros eða hlýja.
Einelti er skilgreint þegar einstaklingur verður fyrir endurteknu og lang-
varandi áreiti og á erfitt með að verjast því. Birtingarmyndir eineltis geta
verið af margvíslegum toga, bæði duldar og sýnilegar. Nútíma einelti fer
þannig oft fram í gegnum tölvur, snjalltæki og samskiptamiðla en getur
auk þess falist í félagslegri útskúfun eða einangrun þannig að meira beri á
því. Barn sem verður fyrir útskúfun er ekki fullgildur þátttakandi í hópi eða
samfélagi og einangrast því fljótt, er ekki með í félagsskap eða í leik og er
sjaldan eða aldrei valinn í lið. Fær jafnvel ekki boð í afmæli. Auðvitað getur
einelti einnig verið miklu beinskeyttara og sýnilegra, svo sem með baktali
og sögusögnum, særandi ummælum, niðurlægingu, jafnvel frelsissviptingu,
veðmætastuldi, eignatjóni eða líkamsmeiðingum.
Umræða hefur aukist um einelti á liðnum árum og vissulega holar drop-
inn steininn. Ég er því fullviss um að vitund skólafólks og almennings hefur
aukist um þá vá sem einelti er. á liðnum árum hef ég fylgst með þessum
málum og sótt mér fræðslu um þessi mál. Aldrei gleymi ég besta fyrir-
lestri um þessi mál sem ég hef farið á. Þannig vildi til að sem blaðamaður
fór ég sama kvöldið til að taka ljósmyndir á tveimur afar ólíkum viðburð-
um. Sá fyrri var konukvöld í Húsasmiðjunni. Þar gátu þeir sem þjófstartað
vildu jólakrautsinnkaupunum fengið afslátt. Stappfullt var út úr húsi og á að
giska 300 gestir í loftlausri búðinni. Þannig háttaði til að í beinu framhaldi
fór ég á upplýsandi fund um einelti sem boðaður hafði verið öllum íbúum
og var haldinn í öðrum grunnskóla bæjarins. Þegar inn var komið brá mér í
brún. Þar voru, auk skólafólks sem stóð fyrir fundinum og frummælendum,
staddir um fimmtán almennir gestir. Líklega voru flestir þeirra foreldrar
barna sem þá voru lögð í einelti í skóla eða utan hans. Mér krossbrá, kom-
andi beint af þrjú hundruð manna kynningu á nytjaleysismarkaði. Ég hugs-
aði með mér að þetta hlyti að vera eitthvað rangt. Að forgangsröðun fólks
væri virkilega sú í þetta stóru samfélagi að nánast allir foreldrar og forráða-
menn létu eins og einelti kæmi þeim ekki við. Síðan þetta var eru nokkur ár.
Vona ég svo sannarlega að áherslur og forgangsröðun uppalenda í dag hafi
breyst og batnað hvað þetta snertir. Einelti er nefnilega alls ekki bundið við
börnin sem eru þolendur. Það þarf gerendur til og þeir eiga einnig foreldra.
Þeir bera ekki síst ábyrgð á að uppræta bölið. Gleymum ekki að við íbúar
þessa lands myndum samfélag, hvert á sínum stað, og það er okkar að gera
það samfélag þannig að öllum eigi að geta liðið vel.
Magnús Magnússon.
Leiðari
Umfangsmiklum framkvæmd-
um hafa í sumar staðið yfir á Vest-
urgötu á Akranesi. Nú sér fyr-
ir enda þeirra. Jarðvegsskipt verð-
ur undir allri götunni milli Still-
holts og Merkigerðis og verður
hún malbikuð eftir það. Samhliða
þessu eru lagnir sem liggja í göt-
unni og gangstéttum endurnýjað-
ar eða endurbættar þar sem það á
við. Guðmundur Guðjónsson, eig-
andi Skóflunnar, sem sér um fram-
kvæmdirnar, segir sumarið hafa
gengið nokkuð áfallalaust fyrir sig.
„Það er ljóst að verkið dregst eitt-
hvað fram á haustið. Til stóð að
verkinu yrði lokið um þetta leyti en
við búumst við því, eins og staðan
er núna, að klára frágang á verkinu
í byrjun október svo þetta verða um
tveir mánuðir sem verkið fer fram
úr upphaflegri áætlun,“ segir Guð-
mundur en ástæðurnar segir hann
vera eðlilegar í ljósi aðstæðna. „Það
hefur verið nokkur magnaukning
á verkinu, m.a. með fleiri lögnum,
og ýmsar breytingar hafa orðið á
verkinu meðan á því stóð. Klöppin
í götunni er til að mynda fimmfalt
meiri en búist var við. Þegar unnið
er í eldri hverfum er eðlilegt að það
komi upp ófyrirséð vandamál.“
Þegar Skessuhorn heyrði í Guð-
mundi var unnið að því að leggja
lagnir í götuna; bæði vatnslagnir og
frárennslislagnir. Jafnframt er verið
að leggja vatns-, síma- og raflagn-
ir í gangstéttar og heimtaugar inn
í hús. „Þegar vinnu við lagnirnar er
lokið er ekki mikið eftir. Þá tekur
við yfirborðsvinna sem lýkur með
malbikun götunnar og gangstétt-
um.“
bþb
Svipmynd af framkvæmdasvæðinu fyrir síðustu helgi.
Framkvæmdir við
Vesturgötu langt komnar
Síðastliðinn föstudag var vígður nýr
ærlsabelgur í Stykkishólmi. Belg-
urinn er staðsettur á lóð Grunn-
skólans í Stykkishólmi, austan meg-
in við skólabygginguna. Vígsla hans
var liður í dagskrá Danskra daga sem
haldnir voru hátíðlegir í Hólminum í
síðustu viku.
Ærslabelgur, eða loftdýna, er leik-
tæki, niðurgrafinn belgur sem blás-
inn er upp og síðan hoppað á eins
og á trampólíni. Leiktæki sem þetta
er að finna víða um land. Oftast eru
ærslabelgirnir blásnir upp á morgn-
ana og loftinu hleypt úr á kvöldin.
Þeir eru helst notaðir yfir sumar-
tímann en jafnan hafðir vindlausir á
vetrum.
Það var Sturla Böðvarsson, bæjar-
stjóri í Stykkishólmi, sem vígði nýja
leiktækið með hoppi ásamt hópi
ungra Hólmara. Af meðfylgjandi
mynd að dæma höfðu allir gaman af
vígslunni sem að henni komu, bæði
bæjarstjórinn og börnin sem aðstoð-
uðu hann við verkið. kgk
Nýr ærslabelgur vígður í Stykkishólmi
Sturla Böðvarsson bæjarstjóri
vígði ærslabelginn ásamt ungum
ærslabelgjum úr Stykkishólmi.
Ljósm. sá.
Íbúar við Kveldúlfsgötu í Borgar-
nesi sjá nú fram á langþráða stund
þegar framkvæmdum við götuna
lýkur. Í raun er nú verið að ljúka
við tvö verk. Haustið 2015 var
samið við Borgarverk um endur-
nýjun gangstétta og í ljós kom að
jarðvegsskipta þurfti undir götunni
einnig. Samið var um það verk á
síðasta ári. Eftir framkvæmdirn-
ar nú verður gatan því með all-
ar lagnir endurnýjaðar og er ljós-
leiðari m.a. kominn inn í öll hús.
Að sögn Óskars Sigvaldasonar hjá
Borgarverki er nú beðið eftir mal-
bikunargengi að sunnan og verð-
ur vonandi búið að leggja yfir göt-
una fyrir helgi. Í liðinni viku þegar
þessi mynd var tekin var unnið við
lokafrágang, jöfnun og þjöppun.
Óskar vildi koma á framfæri þakk-
læti til íbúa við Kveldúlfsgötu fyrir
mikla þolinmæði og almennilegheit
í garð þeirra verktakanna meðan á
framkvæmdum stóð.
mm
Komið að malbikun Kveldúlfsgötu