Skessuhorn - 23.08.2017, Blaðsíða 19

MIÐVIKUDAGUR 23. áGúST 2017 19
Spurning vikunnar
Þórarinn Páll Þórarinsson,
3. bekk:
„Mér finnst sund, íþróttir og
skólahlaupið skemmtilegast í
skólanum. Við hlupum í kring-
um Búðardal og fengum drykk
þegar við komum til baka og
máttum svo fara nokkra hringi
í viðbót. Skólaferðalagið er líka
skemmtilegt. Við þurftum að
labba svolítið því rútan komst
ekki alla leið út af malarvegi og
hliði rétt hjá Klofningi. Við fór-
um upp á Klofning. Ég hlakka
líka til að hitta krakkana.“
Alexandra Agla Jónsdóttir,
3. bekk:
„Það er skemmtilegast að hitta
krakkana. Ég er ekki búin að
hitta sum þeirra lengi. Í skól-
anum er skemmtilegast að vera
í myndmenntinni hjá Mæju að
gera eitthvað.“
Jóhanna Vigdís Pálmadóttir,
6. bekk:
„Það er gaman að hitta krakk-
ana og vita í hvaða hópum
maður er af því að á miðstigi
eru tveir umsjónarhópar. Mér
finnst skemmtilegt að læra.
Íþróttirnar eru alltaf skemmti-
legastar.“
„Róbert Orri Viðarsson,
1. bekk:
„Ég þarf að hugsa það. Að læra
stærðfræði. Ég kann næstum
að reikna allt með puttunum.“
Hvað er skemmtilegast
við að byrja í skólanum?
SKÓLABLAÐ SKESSUHORNS
Fjölbrautaskóli Vesturlands (FVA)
á Akranesi var settur fimmtudag-
inn 17. ágúst. Móttaka fyrir nýnema
var á sal skólans samdægurs og síðan
fengu nemendur kynningu á skólan-
um og farið var í ratleik um skólann.
Ratleikurinn var tengdur við síma
nemenda og mikill keppnisandi ríkti
á meðan á honum stóð. Dagskránni
lauk með því að öllum nýnemum var
boðið í mat í mötuneyti skólans og
teknar voru myndir af þeim til notk-
unar í skólastarfinu og félagslífinu.
Góð aðsókn í skólann
ágústa Elín Ingþórsdóttir, skóla-
meistari FVA, er ánægð með hversu
góð aðsóknin í skólann er í ár. „Mik-
il og góð aðsókn var að skólanum og
helst nemendafjöldinn stöðugur á
milli ára. Í skólabyrjun var nemenda-
fjöldinn um 560, þar af eru rúm-
lega 110 nemendur skráðir í dreif-
nám, þ.e. húsasmíði, húsgagnasmíði,
meistaraskóla, sjúkraliðanám og vél-
virkjun.
Nýinnrituðum nemendum hefur
fjölgað frá því í fyrra. Mest aðsókn
var á bóknámsbrautir eins og ver-
ið hefur, flestir innritast á náttúru-
fræðabraut. Aðsókn á opna stúdents-
braut og félagsfræðabraut er svipuð.
Aðsókn í húsasmíði í dagskóla hefur
aukist og farið verður af stað með
nýjan hóp á haustönninni,“ segir
ágústa.
„Eins og verið hefur er afreks-
íþróttasviðið okkar vinsælt og nem-
endafjöldinn þar er um 50. Lang-
flestir eru í knattspyrnunni, aðrir
skiptast á körfu, keilu, badminton og
sund sem kemur aftur inn eftir hlé.
Afreksíþróttasviðið er samstarfsverk-
efni FVA, íþróttafélaga á Akranesi og
Akraneskaupstaðar. Sviðið er hugs-
að fyrir nemendur sem hafa stundað
afreksíþróttir í töluverðan tíma og
vilja hafa aukið svigrúm til að stunda
íþrótt sína samhliða námi í skólan-
um. Aðrar greinar sem við bjóðum
nú upp á og teljast til nýjunga, eru
leiklist, heimspeki og stjórnmála-
fræði.“
Nánast fullsetin heimavist
Þá segir ágústa að heimavist skólans
sé nánast fullsetin en vistin tekur nú
60 nemendur. Kynjaskipting vistar-
búa er nokkuð jöfn, drengir þó ör-
lítið fleiri. Nemendurnir koma hvað-
anæva af landinu en flestir frá Vestur-
landi, utan Akraness. á vormánuðum
var ráðist í framkvæmdir á heimavist-
inni. Nýtt samverusvæði fyrir nem-
endur var útbúið á heimavistinni,
jafnframt því sem skólinn keypti allt
innbú í eldhús, borðstofu og setu-
stofu. Þannig að nú hafa nemend-
ur afnot af eldhúsi og sameiginlegu
rými. Einnig var haldið áfram með
að endurnýja innanstokksmuni í her-
bergjum vistarbúa.
Reksturinn nú
til fyrirmyndar
Síðustu tvö og hálft ár hefur verið
unnið að því að laga rekstur skólans
og segir ágústa að fjárhagsstaða skól-
ans sé nú góð og því verði lögð enn
meiri áhersla á vinnu við skólaþróun
og gæði skólastarfsins. „Fagleg mál-
efni verða nú í forgrunni en mikill
tími hefur farið í það að bæta fjár-
hagsstöðu skólans og er rekstur hans
nú til fyrirmyndar. Búið er að rétta
við fjárhag skólans, greiða upp upp-
safnaðan rekstrarhalla og skuld skól-
ans við ríkissjóð. Hafin er vinna við
endurnýjun á tækjabúnaði, aðstöðu
nemenda og starfsfólks. Sá þrösk-
uldur sem við mættum í ársbyrjun
2015, höfum við nú komist yfir, og
því mun nú enn meiri tíma verða var-
ið til að sinna persónulegum og fag-
legum gildum, eins og þeim að skól-
inn eigi að hafa hagsmuni nemenda í
fyrirrúmi og að allir nemendur geti
náð árangri, ásamt skýrri sýn á skóla-
starfið. Við getum sannarlega haft
nýju einkunnarorðin okkar; „jafn-
rétti, virðing og fjölbreytileiki“ hér
að leiðarljósi, en við munum vinna
áfram með þau á næsta þjóðfundi
með nemendum og starfsmönnum,“
segir ágústa.
Nýr og betri tækjabúnaður
fyrir málmiðngreinar
Þónokkrar framkvæmdir hafa verið
í skólanum í sumar og vegna góðr-
ar fjárhagsstöðu voru keypt ný og
fullkomin tæki í málmiðngreina-
hús. „á innan við ári höfum við fjár-
fest í nýjum vélbúnaði fyrir málm-
iðnaðarbraut fyrir meira en 15 millj-
ónir króna. Búið er að mála aðal
kennslusalinn og setja inn nýja bún-
aðinn sem mun stórbæta alla verk-
lega kennslu í framtíðinni. Keyptur
var nýr tölvustýrður CNC þriggja
ása fræsari og tölvustýrður CNC
rennibekkur. Með tilkomu þessara
tækja, erum við að bjóða tæki á við
það besta sem gerist í atvinnulífinu.
Verður nú hægt að bjóða nemendum
upp á frábæra aðstöðu og fjölbreytta
möguleika í CNC forritun, þar sem
einhver hlutur er teiknaður í hönn-
unarforritum og smíðaður í þessum
fullkomnu tækjum. Fyrirtæki á borð
við Skagann 3X, Össur og Marel eru
stöðugt að leita að tæknifólki sem
hefur þekkingu til þess að vinna á
svipuðum vélum og skólinn hefur nú
keypt. Því má búast við að framtíðin
sé björt hjá nemendum sem kjósa að
læra vélvirkjun hjá FVA. Tölvukost-
ur og tölvukerfi skólans hefur ver-
ið endurnýjað og bætt; netbúnaður,
vefþjónar og tölvur fyrir nemendur
í tölvustofum. Haldið verður áfram
að endurnýja tölvuaðstöðu nemenda
bæði í tölvuveri og rafiðnaðardeild,“
útskýrir ágústa.
Fjörutíu ára afmæli
í september
ágústa segist hlakka til komandi
tíma í FVA og að margt spennandi
sé framundan. „Það má segja að mik-
ið uppbyggingarstarf hafi átt sér stað
í FVA og sé áfram fyrir höndum.
Unnið hefur verið að umbótaáætl-
un í samræmi við niðurstöður innra
og ytra mats og mun sú vinna tví-
mælalaust skila sér í því að gera góð-
an skóla enn betri. Starfsfólk lítur já-
kvæðum augum til þessa starfs sem
gefur tækifæri til skýrrar skólasýnar
og breytinga sem verða nemendum,
starfsfólki og öðrum hagsmunaað-
ilum skólans vonandi til gæfu. Fjöl-
brautaskóli Vesturlands fagnar 40 ára
starfsafmæli í ár. Haldið verður upp
á afmælið laugardaginn 16. septem-
ber og er öllum velunnurum skól-
ans boðið til þeirrar samkomu, fyrr-
verandi og núverandi nemendum og
starfsmönnum, foreldrum, forráða-
mönnum og öðrum þeim sem vilja
fagna með okkur á þessum degi. Auk
þessa viðburðar verður gefið út veg-
legt afmælisrit sem dreift verður á
Vesturlandi og víðar. Það er von mín
að við getum öll gert okkur glaðan
dag í tilefni þessara merkilegu tíma-
móta,“ segir ágústa að endingu.
bþb
Fjölbrautaskóli Vesturlands, Akranesi
Bjart framundan á
fjörutíu ára afmæli skólans
Þjóðfundur nemenda er haldin árlega í Fjölbrautaskóla Vesturlands og var í ár
unnið með gildi skólans. Ljósm. facebooksíða FVA.
Ágústa Elín Ingþórsdóttir, skólameistari FVA, ásamt dúx síðustu vorannar Önnu Chukwunonso Eze. Ljósm. Myndasmiðjan.
Í vor var tekið til notkunar samverusvæði á heimavist skólans.
Ljósm. facebooksíða FVA.
(spurt í Dalabyggð)