Skessuhorn - 23.08.2017, Blaðsíða 20

MIÐVIKUDAGUR 23. áGúST 201720
SKÓLABLAÐ SKESSUHORNS
Síðastliðinn föstudag var skólasetn-
ing Fjölbrautaskóla Snæfellinga í
Grundarfirði og hófst kennsla sam-
kvæmt stundaskrá samdægurs. Um
170 nemendur eru nú skráðir til
náms í skólanum en enn gæti bæst í
hópinn á næstu dögum. „Nemend-
um skólans fækkar dálítið milli ára
en það skýrist af því að árgangurinn
sem var að útskrifast úr grunnskóla
á Snæfellsnesi er nokkuð minni en
fyrri ár. Hlutfall þeirra nemenda
sem útskrifast úr grunnskólum hér
á svæðinu og hefur nám við FSn
er samt sem áður mjög hátt. Skól-
inn var stofnaður árið 2004 og hef-
ur sannað gildi sitt á þeim tíma.
Hann er orðinn rótgróinn og ung-
lingar á Snæfellsnesi líta í auknum
mæli á hann sem fyrsta kost. Það
er mjög jákvæð þróun þar sem nú
dvelja einstaklingar lengur á Snæ-
fellsnesi á mótunarárunum og
festa frekar rætur hér. Þetta gerir
það að verkum að við erum að sjá
fleira ungt fólk snúa heim eftir að
hafa lokið háskólanámi, það er al-
veg ómetanlegt,“ segir Hrafnhild-
ur Hallvarðsdóttir, skólameistari
Fjölbrautaskóla Snæfellinga, í sam-
tali við Skessuhorn. Skólinn hefur
einnig verið með framhaldsdeild á
Patreksfirði en þangað koma nem-
endur af sunnanverðum Vestfjörð-
um. Deildin hefur verið starfandi
frá árinu 2007. Nemendur sækja
nám daglega í framhaldsdeildina
og koma þrisvar á önn til Grund-
arfjarðar til að taka þátt í námi og
félagslífi á staðnum.
Stór lokapróf
heyra sögunni til
Kennsluhættir skólans hafa í gegn-
um tíðina verið nokkuð frábrugðn-
ir öðrum framhaldsskólum á land-
inu. Kennslan fer nær öll fram í
opnu kennslurými og notast er við
leiðsagnarmat og verkefnavinnu
í kennslu. „Við höfum ekki haft
mikla trú á stórum lokaprófum í
okkar námi og höfum farið þá leið
í auknum mæli að vera með verk-
efnamiðað leiðsagnarmat. á síðasta
skólaári var tekin ákvörðun um það
að stórum lokaprófum yrði alveg
hætt. Við erum í staðinn með verk-
efnavinnu og smærri próf í gegn-
um alla önnina. Við höfum verið að
þróast í þessa átt að undanförnu og
teljum þetta bæta nám nemenda,“
segir Hrafnhildur.
Notast við
speglaða kennslu
FSn hefur verið að leita leiða til að
virkja nemendur enn frekar í nám-
inu og hefur skólinn tileinkað sér
æ meira kennsluhætti vendináms
eða speglaðrar kennslu. Spegluð
kennsla felst í því að í stað þess að
nemendur horfi á fyrirlestur kenn-
ara í skólanum og geri verkefni
heima hjá sér þá felst heimanám-
ið í að horfa á fyrirlestra en unn-
ið er í verkefnum í skólanum. „Við
höfum einnig verið að leitast við að
bæta kennsluhætti okkar og höfum
við verið að færa okkur frá hefð-
bundnu fyrirlestraformi í kennslu í
átt að speglaðri kennslu. Hún felst í
því að við höfum komið okkur upp
litlu upptökuveri í skólanum þar
sem kennarar geta tekið upp stutta
fyrirlestra sem nemendur horfa á
heima hjá sér. Nemendurnir hafa
kost á því að horfa á þessi kynning-
armyndbönd á efninu aftur og aftur
þegar þeim hentar. Kennslan í skól-
anum felst svo í því að nemendurnir
vinna verkefni og dæmi sem tengj-
ast fyrirlestrunum og kennarinn að-
stoðar nemendur við þær hindran-
ir sem þeir lenda í við úrlausn verk-
efna. Þetta hefur gefið góða raun
og nemendurnir eru hæstánægðir
með kennsluna. Við erum spennt
fyrir komandi vetri og ég hef einn-
ig fundið það á nemendum, það er
bara tilhlökkun,“ segir Hrafnhildur
að endingu.
bþb
Fjölbrautaskóli Snæfellinga
Skólinn hefur sannað gildi sitt í gegnum árin
Í FSn er mikið notast við vendinám en þá horfa nemendurnir á fyrirlestra heima
hjá sér og leysa verkefni í skólanum.
Kennsla í FSn fer að mestu fram í opnu rými.
á föstudaginn síðasta var Mennta-
skóli Borgarfjarðar í Borgarnesi
formlega settur og á mánudaginn
hófst kennsla samkvæmt stunda-
töflu. Nemendum skólans fækkar
lítillega frá síðasta skólaári og verða í
ár 125 við nám í MB. Skólinn fagnar
í haust tíu ára afmæli sínu og stend-
ur til að blása til veislu í tilefni þess.
„Það eru tíu ár frá fyrstu skólasetn-
ingu MB og stefnum við á að verða
með veisluhöld 8. september næst-
komandi í tilefni þess. Það verð-
ur opið hús og boðið upp á veiting-
ar og skemmtiatriði frá nemendum
sem hafa útskrifast frá skólanum,“
segir Guðrún Björg Aðalsteinsdótt-
ir, skólameistari Menntaskóla Borg-
arfjarðar, í samtali við Skessuhorn.
Þróunarvinna í vetur
á komandi skólaári fer fram þróun-
arvinna innan skólans sem snýr að
gerð nýrra námsleiða og kennslu-
hátta. „Við höfum í hyggju að MB
muni bjóða upp á námsbraut í skap-
andi greinum í náinni framtíð þar
sem áhersla verður lögð á nýsköp-
un. Veturinn fer í þróunarvinnu á
þeirri námsbraut og í lok skólaárs
verða frekari ákvarðanir varðandi
þá námsbraut teknar. Þetta er allt á
byrjunarreit eins og er og verðum
við því að bíða og sjá hvernig hlut-
irnir þróast,“ segir Guðrún.
MB hefur allt frá stofnun fyrir tíu
árum boðið nemendum sínum upp
á öðruvísi kennsluhætti en flest-
ir framhaldsskólar landsins. Skól-
inn var leiðandi í því að bjóða upp
á stúdentspróf á þremur árum sem
í dag er orðið fyrirkomulag allra
framhaldsskóla landsins. MB hefur
einnig einblínt á að kennslan sé leið-
sagnar- og verkefnamiðuð. Nem-
endur þurfa ekki að taka stór loka-
próf og fremur lagt áherslu á símat
í gegnum verkefnavinnu. „Í ár ætl-
um við að reyna að þróa enn sveigj-
anlegri kennsluhætti en við höfum
áður boðið upp á. Við erum stöð-
ugt að skoða kennsluhætti okkar og
þar má alltaf gera betur. Við viljum
kveikja áhuga nemenda enn frekar á
náminu og því þurfum við ávallt að
vera á tánum,“ segir Guðrún.
Félagsmálafulltrúi gaf
góða raun
Starfsmannahópur MB saman-
stendur af 21 starfsmanni og breyt-
ist hópurinn lítið frá fyrra skólaári
en tveir nýir kennarar taka til starfa
og tveir stundakennarar. Í fyrra var
ráðinn inn félagsmálafulltrúi sem
tengiliður á milli skólans og nem-
endafélagsins og gaf það góða raun.
„Það er klárt mál að starf félags-
málafulltrúans bætti starf skólans
og verður því starfi haldið áfram.
Félagsmálafulltrúinn bætti starf
nemendafélagsins og úr var heil-
brigt og gott félagslíf hér í skólanum
síðasta vetur.“
Nú er starf skólans komið á fullt
skrið og segir Guðrún að skólaárið
leggist vel í alla. „Það er mikil bjart-
sýni í öllum fyrir skólaárinu sem nú
fer í hönd og við förum inn í afmæl-
isárið með brosi á vör,“ segir Guð-
rún að endingu. bþb
Menntaskóli Borgarfjarðar
Skólinn fagnar tíu ára afmæli í ár
Þóra Árnadóttir líffræðikennari með hóp nemenda.
Lært í hádegishléi í MB.