Skessuhorn - 23.08.2017, Blaðsíða 24

MIÐVIKUDAGUR 23. áGúST 201724
Strandveiðum á svæðum, A, B og C er lokið þetta árið en á
svæði D, frá Höfn og vestur um til Borgarbyggðar, eru enn
óveidd 46% af heimildum þessa mánaðar. Skessuhorn heyrði
í nokkrum sjómönnum sem réru frá höfnum í Snæfellsbæ. Al-
mennt er þungt hljóð í mönnum eftir sumarið; meiri brælur
en á síðasta ári og lengra hafi þurft að sækja aflann. Þá hafi
verið með einsdæmum lágt fiskverð framan af sumri þótt það
hafi farið aðeins upp á við í ágúst.
Þröstur Albertsson, sem rær á Stefaníu SH frá Ólafsvík,
segir að þetta hafi verið erfitt sumar en hann hafi þó náð í
17 tonn, en missti hluta af júnímánuði út. Þröstur segist hafa
fiskað fyrir 3,5 miljónir króna í ár og er það hátt í 30% minna
aflaverðmæti en á síðasta ári. Hann bætir við að þessir tveir
auka dagar hefðu mátt koma í júlí því að í ágúst er langt að
sækja aflann og sumir strandveiðibátar fóru allt að 50 mílur út
til að ná dagsskammtinum.
Þórður Björnsson hafnarvörður segir að hann hafi ekki
nákvæmar tölur yfir strandveiðiaflann í sumar, en sér sýnist
svona í fljótu bragði aflinn vera svipaður og á síðasta ári, en
sjómenn hafi að vísu þurft að sækja aflann langt.
Einn viðmælanda Skessuhorns, sem vildi ekki koma fram
undir nafni, sagði: „Blessaður vertu nú ekki að minnast á helv.
strandveiðarnar við mig. Þetta var alveg hræðilegt sumar hjá
mér og varla hægt að segja að ég hafi náð skammtinum í þess-
um róðrum sem ég fór. Það var svo langt að sækja á miðin og
verðið á fiskinum var alveg til skammar. Maður lagði mikið á
sig fyrir ekki neitt, en sem betur fer er þessum strandveiðum
lokið í ár,“ sagði þessi óhressi strandveiðimaður í samtali við
fréttaritara.
Jónas Gunnarsson sem réri á Hafdísi RE sagði að þetta hafi
verið erfitt sumar og lágt fiskverð hafi spilað inn í erfitt sum-
ar. „Við rérum langt út á haf og þrátt fyrir að hafa farið svona
langt síðasta daginn náðum við aðeins í um 600 kíló. En svona
var þetta fram eftir sumri, langt að sækja og lélegt fiskverð.“
af
Erfiðu strandveiðitímabili að ljúka
Sjómenn á handfærum.
Vöggur Ingvason í þungum þönkum með sitt hafurtask eftir síðasta
róður ársins á strandveiðum.
Strandveiðibátar í höfn að lokinni síðustu veiðiferð ársins.
Tekið til um borð áður en heim er haldið. Jónas Gunnarsson á Hafdísi RE sagði þetta hafa verið erfitt sumar á
strandveiðum.
Þröstur Albertsson um borð í bát sínum á lokadegi strandveiðanna
í sumar.
Eins áður hefur verið greint frá í
Skessuhorni hafa töluverðar mal-
bikunarframkvæmdir staðið yfir
í Snæfellsbæ undanfarin misseri.
Malbikaðar voru götur, gangstígar
og bílastæði í öllum þremur þétt-
býliskjörnunum í norðanverðum
Snæfellsbæ; Hellissandi, Rifi og
Ólafsvík. „Þetta gengur mjög vel og
við vitum ekki annað en að íbúarn-
ir séu mjög ánægðir með þetta. Við
höfum verið að taka þær götur þar
sem viðhald hefur verið hvað mest
aðkallandi. Malbikun þeirra hefur
því verið mikið bóta. Flestallar göt-
ur í bæjarfélaginu hafa hingað til
verið með klæðningu eða steyptar.
Það eru ekki sömu gæði í klæðning-
unni og malbikinu þannig að þetta
verður mikill munur,“ segir Krist-
inn Jónasson bæjarstjóri í Snæ-
fellsbæ í samtali við Skessuhorn.
Auk gatna, gangstíga og bíla-
stæða á þéttbýlisstöðunum þremur
hefur göngustígurinn milli Hellis-
sands og Rifs einnig verið malbik-
aður. Var það sveitarfélagið sem
stóð að þeirri framkvæmd. Þá er
hafin vinna við malbikun göngu-
stígarins milli Rifs og Ólafsvíkur.
„Það er samstarfsverkefni Vega-
gerðarinnar og Snæfellsbæjar. Það
er mjög ánægjulegt að Vegagerð-
in og ekki síst vegamálastjóri sjálf-
ur er jafn áhugasamur og raun ber
vitni um góða göngustíga með-
fram þjóðvegum landsins. Hann
og Vegagerðin eiga hrós skilið fyrir
það,“ bætir Kristinn við.
Góðir göngustígar
auka öryggi
Göngustígarnir milli bæjanna eru
að sögn Kristins nokkuð mikið
notaðir. „Þó hefur það verið vanda-
mál, sérstaklega milli Ólafsvíkur og
Rifs, að þar hefur verið gróf möl í
stígunum og fólk veigrað sér við að
fara út af því. Engu að síður er allt-
af mikið af fólki sem fer á milli,“
segir hann og bætir því við að góð-
ir göngustígar séu mikið öryggisat-
riði. „Með því að malbika göngu-
stígana aukum við umferðarör-
yggi, bæði fyrir gangandi og hjól-
andi og ekki síður fyrir ökumenn.
Því ef stígarnir eru góðir þá fara
gangandi og hjólandi vegfarendur
ekki út á veg,“ segir Kristinn. „Fyr-
ir utan það er auðvitað algjör lúx-
us fyrir okkur íbúana að vera kom-
in með svona góða stíga í þessu fal-
lega umhverfi. Það hefur nefnilega
orðið svo mikil lífsstílsbreyting á
ekki lengri tíma en bara síðustu tíu
árum eða svo. Tala nú ekki um mið-
að við hér áður fyrr. Þá voru þeir
sem lögðu mikið upp úr hreyfingu
og heilsu taldir vera hálfgerðir kve-
rúlantar,“ segir Kristinn léttur í
bragði. „Þannig að breytingin er
mikil og við sem samfélag þurfum
að bregðast við því og höfum gert
það mjög vel að mínu mati. Hlut-
irnir þurfa að vera þannig að fólk
geti hreyft sig við góðar aðstæður
í öruggu umhverfi,“ segir Kristinn
Jónasson að endingu.
kgk/ Ljósm. Kristinn Jónasson.
Malbikun í Snæfellsbæ hefur gengið vel
„Mikið til bóta“ - segir bæjarstjórinn
„Við höfum verið að taka þær götur þar sem viðhald hefur verið hvað mest aðkall-
andi. Malbikun þeirra hefur því verið mikið bóta,“ segir Kristinn bæjarstjóri.
Hér er það bílaplan í Ólafsvík sem er malbikað á fallegum degi. Ólafsvíkurkirkja í
baksýn.
Sveitarfélagið stóð að malbikun göngustígarins milli Rifs og
Hellissands, en malbikun göngustígarins milli Ólafsvíkur og Rifs var
samstarfsverkefni sveitarfélagsins og Vegagerðarinnar.
Hér eru starfsmenn Kraftfags við malbikun í Rifi. Nú á mánudaginn bættist við malbikunarflokkur frá Vegagerðinni,
en sá annast malbikun hluta þjóðvegarins sem liggur í gegnum
Ólafsvík.