Skessuhorn - 11.04.2018, Blaðsíða 8
MIÐVIKUDAGUR 11. ApRÍl 20188
Framkvæmdir
verða dýrari
B O R G A R B Y G G Ð :
Byggðarráð Borgarbyggð-
ar ræddi á fundi sínum í
liðinni viku um nauðsyn
þess að endurskoða fjár-
festingaáætlun fyrir árið
2018 og árin 2019-2021 í
sambandi við fyrirhugaðar
framkvæmdir við Grunn-
skóla Borgarness og bygg-
ingu leikskólans Hnoðra-
bóls á Kleppjárnsreykjum.
„Framkvæmdakostnaður
við þessar framkvæmdir er
hærri en áætlað var í fjár-
hagsáætlun Borgarbyggð-
ar sem samþykkt var í des-
ember 2017,“ segir í fund-
argerð. Byggðarráð fól
sveitarstjóra og sviðsstjóra
fjármála- og stjórnsýslu-
sviðs að annast verkið.
-mm
Páskaaflatölur
fyrir Vesturland
dagana 31. mars - 6. apríl
Tölur (í kílóum)
frá Fiskistofu:
Akranes: 13 bátar.
Heildarlöndun: 77.250
kg.
Mestur afli: Ebbi AK:
19.703 kg. í þremur róðr-
um.
Arnarstapi: 2 bátar.
Heildarlöndun: 72.978
kg.
Mestur afli: Bárður SH:
71.704 kg í sex róðrum.
Grundarfjörður: 2 bátar.
Heildarlöndun: 102.332
kg.
Mestur afli: Hringur SH:
66.166 kg. í einni löndun.
Ólafsvík: 14 bátar.
Heildarlöndun: 348.732
Mestur afli: Steinunn SH:
97.922 kg í fjórum löndun-
um.
Rif: 12 bátar.
Heildarlöndun: 287.575
kg.
Mestur afli: Saxhamar SH:
110.397 kg í fjórum róðr-
um.
Stykkishólmur: 3 bátar.
Heildarlöndun: 30.210
kg.
Mestur afli: Hannes Andr-
ésson SH: 27.440 kg í fjór-
um löndunum.
Topp fimm landanir á
tímabilinu:
1. Hringur SH - GRU:
66.166 kg. 4. apríl.
2. Steinunn SH - ÓLA:
37.430 kg. 3. apríl.
3. Farsæll SH - GRU:
36.166 kg. 4. apríl.
4. Örvar SH - RIF:
35.313 kg. 6. apríl.
5. Saxhamar SH - RIF:
34.106 kg. 5. apríl.
-kgk
Forystufólk ríkisstjórnarinnar
kynnti fjármálaáætlun stjórnar-
innar í síðustu viku. Í slíkri áætlun
eru lagðar línur fyrir efnahagslíf-
ið, skattheimtu, gjöld og fjárfest-
ingar ríkissjóðs það sem eftir lifir
þessa kjörtímabils. Fjármálaáætl-
un er sögð endurspegla áherslur
ríkisstjórnarinnar um að samfé-
lagið allt njóti góðs af yfirstand-
andi hagvaxtarskeiði og að sam-
félagslegur stöðugleiki og lífsgæði
verði treyst til framtíðar. „Í áætl-
uninni er tryggð áframhaldandi
jákvæð afkoma opinberra fjármála
og stuðlað að ábyrgð og festu í
opinberri starfsemi. Styrkari staða
ríkissjóðs, lægri vaxtagreiðslur og
horfur um minnkandi spennu í
hagkerfinu skapa ríkisstjórninni
góða stöðu til að fylgja eftir mark-
miðum um auknar fjárfestingar í
samfélagsinnviðum og styrkingu
velferðarþjónustu,“ segir í kynn-
ingu Bjarna Benediktssonar fjár-
málaráðherra á áætluninni.
Þá segir í kynningu ráðuneytis
fjármála að frá 2013 hafi skuldir
ríkissjóðs verið lækkaðar um 600
milljarða króna. Á sama tíma hef-
ur landsframleiðslan vaxið umtals-
vert og er nú meiri en nokkru sinni
fyrr. Aukin efnahagsleg umsvif og
lægri vaxtagjöld í kjölfar skulda-
lækkunar hafa skapað nauðsynlegt
svigrúm í ríkisrekstrinum. „Þrátt
fyrir verulega aukin framlög til
allra helstu málefnasviða helst
samneysla ríkisins, sem hlutfall
af vergri landsframleiðslu, stöðug
yfir áætlunartímann eða í kringum
11,2%. Aukin framlög haldast því
í hendur við getu þjóðarbúsins til
að fjármagna betri þjónustu við al-
menning.“
Háir vextir látnir fjár-
magna framkvæmdir
„Fjárfestingar vaxa um 13 millj-
arða á árinu 2019 og ná hámarki
á árinu 2021. Alls er gert ráð fyr-
ir að á tímabilinu 2019-2023 nemi
fjárfestingar um 338 milljörðum
króna. Umfangsmikil fjárfesting
í samgöngu- og fjarskiptamálum
verður meðal annars fjármögnuð
með arðgreiðslum frá fjármála-
fyrirtækjum í eigu ríkisins. Alls
er reiknað með að framlög fjár-
málafyrirtækja nemi 124 milljörð-
um króna á tímabilinu og að frá
árinu 2019 bætist við sérstök ár-
leg framlög til þriggja ára upp á
5,5 milljarða króna. Gert er ráð
fyrir að ljósleiðaravæðingu lands-
ins ljúki árið 2020. Alls er gert
ráð fyrir tæplega 75 milljörðum
króna í fjárfestingu í sjúkrahúss-
þjónustu og fer mest til byggingar
nýs landspítala við Hringbraut.
Framkvæmdir við byggingu nýs
meðferðarkjarna hefjast á árinu
2018 en meginþungi framkvæmda
verður á árunum 2020-2023. Í
áætluninni er einnig gert ráð fyr-
ir að ráðist verði í uppbyggingu á
innviðum og önnur verkefni á fjöl-
sóttum stöðum í náttúru Íslands
og á ferðamannastöðum. Af öðr-
um stærri fjárfestingum má nefna
kaup á þyrlum fyrir landhelgis-
gæsluna, uppbyggingu hjúkrun-
arheimila og Hús íslenskra fræða
í Reykjavík.“
Aukin framlög til heil-
brigðis- mennta- og
umhverfismála
“Framlög til heilbrigðismála verða
í lok tímabilsins um 249 ma.kr. á
ári, og hafa þá uppsafnað aukist
um 40 ma.kr. frá fjárlögum 2018,
eða rúmlega 19% að raunvirði.
Fyrir utan uppbyggingu land-
spítala og raunvöxt í heilbrigðis-
kerfinu er lögð sérstök áhersla á
geðheilbrigðismál, að efla heilsu-
gæsluna og draga úr greiðsluþátt-
töku sjúklinga. Framlög til félags-,
húsnæðis- og tryggingamála verða
um 226 ma.kr. árið 2023. Upp-
söfnuð aukning framlaga nem-
ur 28 ma.kr. og hækkar um rúm-
lega 14% að raunvirði. Gert er ráð
fyrir kerfisbreytingu til að bæta
kjör örorkulífeyrisþega og efla þá
til samfélagsþátttöku. Einnig er
áformað að hækka hámarksfjár-
hæðir í fæðingarorlofi og lengja
orlofstímann.
Í mennta- og menningarmálum
ber hæst verulega vaxandi fram-
lög til háskólastigsins. Framlög
til háskóla voru aukin um ríflega
2 ma.kr. í fjárlögum 2018 og er á
áætlunartímanum gert ráð fyrir að
framlög til sviðsins hækki um ríf-
lega 2,8 ma. kr. Framlög á hvern
nemanda á framhaldsskóla- og há-
skólastigi hækka. Á sviði menn-
ingar og lista verður lögð áhersla
á aðgerðaáætlun um máltækni,
höfuðsöfn verða efld og fagleg-
ir starfslauna- og verkefnasjóðir
listamanna styrktir.
Framlög til umhverfismála
verða aukin um tæplega 4 ma.kr.
yfir tímabilið og hækka þannig um
35% frá fjárlögum ársins 2017.
Unnið verður að stofnun Miðhá-
lendisþjóðgarðs, stutt við land-
vörslu og framlög aukin til að
draga úr losun gróðurhúsaloftteg-
unda, í samræmi við markmið um
kolefnishlutlaust Ísland árið 2040.
Auk 900 m.kr. aukningar vegna
almanna- og réttaröryggis í fjár-
lögum 2018 er nú gert ráð fyrir
að framlög verði aukin um nærri
14% á árinu 2019. Er þar miðað
að því að bæta landamæravörslu
og samþætta landamærastjórnun,
meðal annars á grundvelli skuld-
bindinga Íslands vegna Schengen-
samstarfsins. Því til viðbótar verða
framlög aukin um rúmlega 800
m.kr. einkum til að styrkja lög-
gæslu og rekstur landhelgisgæsl-
unnar. Áfram fara umtalsverðir
fjármunir til aðgerðaáætlunar um
meðferð kynferðisbrota.„
Tryggingagjald notað
sem skiptimynd í
kjaraviðræðum
„Áfram er stefnt að því að draga
úr álögum, gera skattheimtu sann-
gjarnari og tryggja skilvirkt skatteft-
irlit. Ríkisstjórnin mun eiga samtal
við aðila vinnumarkaðarins um sam-
spil tekjuskatts og bótakerfa á árinu,
en í áætluninni er gengið út frá að
tekjuskattur lækki í neðra skattþrepi
og geti lækkað um eitt prósentustig
í áföngum á áætlunartímanum. Um
leið er stefnt að heildarendurskoð-
un tekjuskatts einstaklinga, samhliða
endurskoðun bótakerfa. Þar er horft
til stuðnings hins opinbera við barna-
fjölskyldur og vegna húsnæðiskostn-
aðar, með markvissari fjárhagsleg-
um stuðningi við efnaminni heim-
ili. Gert er ráð fyrir lækkun trygg-
ingagjalds um 0,25% á árinu 2019,
úr 6,85% í 6,6%. Frekari lækkun
ræðst m.a. af niðurstöðu samráðs
við aðila vinnumarkaðarins um út-
færslu réttinda, sem fjármögnuð eru
með tryggingagjaldi, og afkomu rík-
issjóðs,“ segir í kynningunni. Þannig
má segja að álagning tryggingagjalds
verði notuð sem skiptimynt í kjara-
viðræðum sem framundan eru.
Virðisaukaskattur á bækur verður
afnuminn í byrjun árs 2019 og ári
síðar verða höfundaréttargreiðslur,
sem viðurkennd rétthafasamtök inn-
heimta, skattlagðar sem eign en ekki
tekjur.
Sérstakur bankaskattur verð-
ur lækkaður úr 0,376% í 0,145% á
áætlunartímabilinu. Skattaívilnun
vegna þróunarkostnaðar verður auk-
in á árinu 2019 og stefnt að afnámi
þaksins síðar á tímabilinu. Skatt-
stofn fjármagnstekjuskatts verður
endurskoðaður með það að mark-
miði að skattleggja raunávöxtun, en
áhrif þeirra breytinga koma fram
árið 2020.
Í upphafi árs var kolefnisgjald á
eldsneyti hækkað um 50% og er fyr-
irhugað að hækka gjaldið um 10%
árið 2019 og aftur 2020. Skoðaðar
verða leiðir til gjaldtöku af ferða-
mönnum. Miðað er við að gjaldið
verði lagt á frá og með árinu 2020.
Gott samstarf við
vinnumarkaðinn
Í kynningu á fjármálaáætlun seg-
ir að ágætt jafnvægi sé í hagkerfinu
um þessar mundir eftir kröftugan
vöxt undanfarin ár. Samkvæmt opin-
berum hagspám og efnahagsleg-
um greiningum er útlit fyrir hægari
hagvöxt á næstu árum. Ríkisstjórnin
leggur áherslu á að gott samstarf tak-
ist milli stjórnvalda og aðila vinnu-
markaðarins til að varðveita efna-
hagslegan stöðugleika og efla vel-
ferð. Þannig megi stuðla að farsælli
niðurstöðu í kjarasamningum næstu
ára sem varðveiti óvenju mikla kaup-
máttaraukningu síðustu ára með
hóflegum launahækkunum og skili
heimilunum áfram auknum kaup-
mætti.
Í fjármálaáætlun er gert ráð fyr-
ir áframhaldandi afgangi af rekstri
ríkis og sveitarfélaga öll ár áætlun-
arinnar í samræmi við þá fjármála-
stefnu sem lögð var fram samhliða
fjárlögum ársins 2018 og Alþingi
hefur nú samþykkt. Góður árang-
ur hefur náðst við að lækka skuld-
ir ríkissjóðs frá því þær náðu há-
marki árið 2012. Stefnt er að því
að heildarskuldir hins opinbera
samkvæmt viðmiðum laga um
opinber fjármál fari undir lögboð-
ið 30% viðmið í árslok 2019, eða
ári fyrr en fjármálastefnan gerir
ráð fyrir og verði um 22% í árs-
lok 2023.
Ekki án gagnrýni
Stjórnarandstaðan og ýmis hags-
munasamtök hafa gagnrýnt
áherslur ríkisstjórnarinnar sem
fram koma í fjármálaáætluninni.
Meðal annars Öryrkjabandalagið,
VR og þá hefur Inga Sæland for-
maður Flokks fólksins bent á að
lítið sem ekkert sé gert fyrir þá
sem bágust hafa kjörin. Þá hefur
verið bent á að framlög til vega-
mála séu lítið meiri en áður höfðu
verið áætluð og því muni upp-
bygging vegakerfisins ekki verða
nógu mikil með tilliti til bágbor-
ins ástands vega og vaxandi um-
ferðarþunga. Þá hefur lítil lækk-
un tryggingagjalds verið harðlega
gagnrýnd og á það bent að skatt-
ar sem lagðir voru á almenning og
fyrirtæki eftir gjaldþrot bankanna
árið 2008 ætli að verða lífsseigir.
Þeir séu íþyngjandi fyrir atvinnu-
lífið og dragi úr sóknarmöguleik-
um þess.
mm
Ríkisstjórnin gerir ráð fyrir
batnandi hag ríkissjóðs
Forystufólk ríkisstjórnar Íslands. F.v. Bjarni Benediktsson formaður Sjálfstæðisflokksins, Katrín Jakobsdóttir formaður VG og
Sigurður Ingi Jóhannsson formaður Framsóknarflokks. Ljósm. úr safni.