Skessuhorn - 18.04.2018, Blaðsíða 20

MIÐVIKUDAGUR 18. ApRÍL 201820
Skagamaðurinn Andri Snær Axels-
son er á leiðinni til Rúmeníu í júlí
að keppa í stærðfræði á Ólympíu-
leikunum. Andri Snær sem er nem-
andi í MR er einn af sex liðsmönn-
um sem valdir voru til að fara á Ól-
ympíuleikana fyrir Íslands hönd.
Það var ekki auðvelt að ná þess-
um árangri. „Fyrst var haldin for-
keppni framhaldsskólanna þar sem
nemendum var skipti á tvö stig
eftir árgöngum og 20 nemendur
af hvoru stigi komust áfram í úr-
slit,“ segir Andri Snær í samtali við
Skessuhorn, en hann var einn af 40
sem komust áfram. „Við vorum svo
17 úr þessum 40 manna hópi sem
kepptum í Norrænu stærðfræði-
keppninni og út frá niðurstöðu
þeirrar keppni var valið í Ólympíu-
liðið,“ bætir Andri Snær við.
Andri Snær segir að áhuginn á
stærðfræði hafi fyrst kviknað í 8.
bekk í grunnskóla á Akranesi. „Þeg-
ar áhuginn kom fór mér líka að fara
mikið fram,“ segir hann. Framund-
an eru miklar æfingar áður en hald-
ið verður til Rúmeníu í byrjun júlí.
„Við förum í þjálfun í Háskóla Ís-
lands og svo förum við ásamt hin-
um norrænu liðunum í æfingabúðir
í Danmörku fyrir keppnina í Rúm-
eníu,“ segir Andri Snær. Aðspurður
hvort hann hafi sett sér það mark-
mið að komast í liðið svarar Andri
Snær því játandi. „Auðvitað vildi ég
komast í liðið og lagði mjög hart
að mér til að ná þessum árangri.
Fyrr í vetur hélt ég þó að þetta
væri óraunhæft markmið hjá mér
en svo reyndist það ekki vera. Ég er
bara rosalega glaður með þetta og
spenntur fyrir framhaldinu, segir
Andri Snær. arg
Andri Snær á leiðinni
á Ólympíuleikana
Andri Snær Axelsson keppir í stærðfræði á Ólympíuleikunum í sumar.
Ljósm. aðsend.
popphljómsveitin Meginstreymi
sendi síðastliðinn fimmtudag frá sér
lagið Það sem enginn vita má. Um
er að ræða fyrsta lag sveitarinnar.
Hefur það verið gert aðgengilegt á
öllum helstu streymisveitunum og
er farið að óma á öldum ljósvakans.
Lag og texti er hugarsmíð Jakobs
Grétars Sigurðssonar frá Varmalæk
í Borgarfirði og er í doo-wop stíl,
sem náði hvað mestum vinsæld-
um í kringum 1960. „Það var mik-
il vinna lögð í að ná fram þessu 60s
sándi, notaðar græjur frá þeim tíma
og mixið sett á segulband,“ segir
hann. Það er því við hæfi að smá-
skífa, 45 snúninga vínylplata, með
laginu sé væntanleg síðar í þessari
viku. „Vínyllinn kemur út í tölu-
settum eintökum í mjög takmörk-
uðu upplagi. Á B-hliðinni er að
finna acapella útgáfu af laginu, sem
hefur vakið mikla lukku síðan við
sendum lagið frá okkur á netinu,“
segir Jakob.
Lagið var tekið upp í Studio
Straumi á Varmalæk í Borgarfirði
en eftirvinnsla fór fram í Hljóð-
smiðjunni í Hveragerði. Sérstakur
gestur við upptökur var Gunnar
Ringsted, gítarleikari í Borgarnesi,
sem annaðist gítarleik í laginu.
Auk Jakobs er hljómsveitin Meg-
instreymi skipuð bróður hans Ás-
mundi Svavari Sigurðssyni, Heið-
mari Eyjólfssyni frá Hlíð í Hval-
firði og Kristjáni Inga Arnarssyni
frá Litla-Holti í Saurbæ í Dölum.
Hefur sveitin komið fram í þessari
mynd í á þriðja ár. „Það er búið að
vera nóg að gera undanfarin misseri
við að spila á dansleikjum, árshátíð-
um, í brúðkaupum og á þorrablót-
um víðs vegar um landið. Við erum
byrjaðir að bóka sumarið, en mest
hefur verið að gera við að spila í
brúðkaupum síðastliðin sumur, en
einnig hefur sveitin komið fram
á nokkrum bæjarhátíðum,“ segir
Jakob. „Einnig er stefnt að því að
taka meira upp í sumar og vonandi
verður ekki of langt þar til við send-
um frá okkur meira efni, því upp-
tökur eru ávallt tímafrekar og krefj-
ast mikilla spekúlasjóna og vinnu,“
segir Jakob að endingu.
Áhugasömum er bent á að hlusta
má á lagið Það sem enginn vita má
í öllum helstu streymisveitum, s.s.
Spotify, Deezer, Tital, iTunes og
Tonlist.is en einnig á YouTube.
Þeir sem vilja eignast smáskífuna
á tölusettum vínyl geta haft sam-
band á meginstreymi@gmail.com,
en auk þess verður skífan fáanleg í
verslun Lucky Records og 12 tón-
um. Fylgjast má með sveitinni á In-
stagram og hafa samband í gegnum
ofangreint netfang.
kgk
Meginstreymi sendir
frá sér sitt fyrsta lag
Vínylsmáskífa væntanleg
Popphljómsveitin Meginstreymi. Standandi f.v. eru Kristján Ingi Arnarsson, Jakob
Grétar Sigurðsson og Heiðmar Eyjólfsson. Ásmundur Svavar Sigurðsson situr fyrir
framan. Ljósm. Ingibjörg Birgisdóttir.
Í síðustu viku var unnið við skrásetn-
ingu á kútter Sigurfara á Safnasvæð-
inu í Görðum á Akranesi. Norðmað-
urinn Gunnar Holmstad myndaði
skipið í bak og fyrir frá mánudegi
til fimmtudags. Ljósmyndirnar not-
ar hann til að útbúa þrívíddarlíkan af
skipinu. Byggðasafnið í Görðum fær
síðan öll gögnin afhent til notkunar
á safninu. Skessuhorn hitti Gunnar
að máli í síðustu viku og ræddi við
hann um verkefnið og aðferðina, sem
nefnist photogrammetry á erlendum
málum, en myndmæling upp á ís-
lenska tungu. „Markmið verkefnis-
ins er að skjalfesta og skrásetja Sigur-
fara með því að skrá rúmfræði bátsins
í því ástandi sem hann er núna. Til
þess notum við myndmælinu, þ.e. að
taka myndir sem síðan er raðað sam-
an eftir sameiginlegum einkennum
hverrar og einnar myndar til að út-
búa þrívíða mynd,“ segir Gunnar í
samtali við Skessuhorn. „Myndmæl-
ing virkar í raun alveg eins og augun
okkar. Við höfum tvær linsur, augun,
sem skynja hluti frá örlítið mismun-
andi sjónarhorni. Heilinn raðar þeim
síðan saman í eina mynd. Þess vegna
erum við fær um að skynja dýpt.
Myndmæling virkar á sama hátt,
nema bara eins og við hefðum dálít-
ið mikið fleiri augu. Ef við hefðum
nógu mörg augu gætum við séð fyrir
horn eða jafnvel í kringum hluti,“ út-
skýrir hann og brosir.
Miðlaði þekkingu sinni
Gunnar segir mikilvægt að vinna
skipulega, taka myndirnar eftir fyr-
irfram ákveðinni röð til að hugbún-
aðurinn eigi auðveldara með að raða
þeim saman. „Þetta er mikil vinna
og nokkuð tímafrek, því hver mynd
þarf að vera að minnsta kosti 60%
af sama ramma og myndin á und-
an. Það er svo hugbúnaðurinn eigi
auðveldara með að finna sameigin-
leg einkenni til að raða myndunum
saman,“ segir hann. Þá skiptir birt-
an máli og Gunnar kveðst hafa verið
heppinn með veður hvað það snertir
í síðustu viku. „Gráu skýin eru mjög
góð þegar myndað er utandyra því
þá fær maður mjög jafna birtu. Í sól-
skini verður mjög sterkt kontrast og
ef rignir er mjög erfitt að gera mynd-
mælingu, því regnið gerir það að
verkum að birtan er aldrei nákvæm-
lega eins á tveimur myndum,“ segir
hann.
Heimsókn Gunnars til Íslands var
jafnframt nýtt til að slá upp nám-
skeiði í mymdmælingu og vinnu-
stofu. Þrír Norðmenn, einn Færey-
ingur og þrír Íslendingar skráðu sig á
námskeiðið. Var engu líkara en hluta
safnaskálans hefði verið breytt í ljós-
myndastúdíó. Þar mynduðu nem-
endur Gunnars hnífa, bækur, brúður
og ýmsa muni og útbjuggu þrívídd-
arlíkan af þeim í tölvu.
Vinnan lofar góðu
Spurður hvernig til tókst við mynd-
mælingu kúttersins kveðst Gunnar
ekki vilja slá neinu föstu um lokaút-
komuna en segir vinnuna þó gefa til-
efni til bjartsýni. „Ég er ekki með of-
urtölvuna mína, sem þarf til að full-
vinna ferlið. En ég er búinn að for-
vinna líkanið í fartölvunni minni og
þetta lofar góðu,“ segir hann og sýn-
ir blaðamanni hvernig módelið leit
út þegar búið var að vinna nokkurn
hluta þess. „Þrátt fyrir að upplausn-
in sé tiltölulega lág sjáum við hvar
plankarnir mætast á ytra byrði báts-
ins og ýmis önnur einkenni á viðn-
um, sprungur og ýmislegt í þeim
dúr. Þetta verður enn skýrara þeg-
ar ég kemst í ofurtölvu. Ég held
þetta muni koma vel út og gefa góða
mynd af Sigurfara eins og hann er
núna,“ segir Gunnar meðan hann
fer umhverfis kútter Sigurfara á lík-
aninu í tölvunni, færir sjónarhornið
upp á þilfar og fer þaðan undir þilj-
ar og ofan í lestina. Hann myndaði
kútterinn nefnilega að innan sem
utan, hvern krók og kima. Næst
varpar hann upp líkani sem hýst er
á netinu af báti sem hann mynd-
aði áður í Noregi. Gefur það líkan
mjög ítarlega og raunverulega mynd
af bátnum. Gunnar segir að þannig
ætti kútter Sigurfari að birtast þeim
sem skoða líkanið af honum í fram-
tíðinni. Með því að ljá þeim sem
skoðar stjórntæki getur viðkomandi
meira að segja skoðað hverja spýtu.
„Ef einhver vill þá er hægt að nota
svona líkön til að þrívíddarprenta
eða smíða mjög nákvæmt módel af
bátnum, nú eða endursmíða bátinn,“
segir Gunnar Holmstad að endingu.
kgk
Útbýr þrívíddarlíkan af Kútter Sigurfara
Báturinn skrásettur með myndmælingu
Einn af nemendum Gunnars myndar
hér tuskudýr í bak og fyrir á nám-
skeiðinu.
Gunnar Holmstad leiðbeinir nemendum sínum á myndmælingarnámskeiði á
Safnasvæðinu í Görðum á Akranesi í síðustu viku.
Kútter Sigurfari eins og hann leit út þegar hann var skrásettur með myndmælingu
í síðustu viku.