Skessuhorn - 18.04.2018, Blaðsíða 23

MIÐVIKUDAGUR 18. ApRÍL 2018 23
Fyrsti áfangi Höfða hjúkrunar- og
dvalarheimilis var tekinn í notkun
þann 2. febrúar 1978 og fagnaði
því heimilið 40 ára starfsafmæli
þann 2. febrúar sl. Mikið var um
dýrðir á afmælisdaginn, með-
al annars opið hús þar sem fjöldi
fólks lagði leið sína á Höfða til að
skoða heimilið og þiggja kaffiveit-
ingar. Um kvöldið var svo hald-
inn hátíðarkvöldverður fyrir íbúa,
núverandi starfsmenn, fyrrver-
andi starfsmenn og stjórnendur
sem látið hafa af störfum sökum
aldurs, stjórn Höfða, bæjarstjórn
Akraness og sveitarstjórn Hval-
fjarðarsveitar. Var sú skemmtun
til fyrirmyndar og skemmtu gest-
ir sér afar vel og var mikil ánægja
hvernig til tókst.
Höfði hefur ávallt verið stolt
okkar Skagamanna. Heimili 73
manna og vinnustaður 120 starfs-
manna í um 75 stöðugildum.
Starfsfólk Höfða hefur sinnt starfi
sínu af alúð og umhyggju í þessi
40 ár og vil ég nota tækifærið til
að þakka þeim sérstaklega fyr-
ir framlag þeirra til heimilisins.
Mörg fyrirtæki, félagasamtök og
einstaklingar í samfélagi okkar
sýna starfinu á Höfða mikla vel-
vild. Má í því sambandi nefna
að heimilinu hafa borist marg-
ar höfðinglegar gjafir í gegnum
tíðina sem allar eru ómetanlegar.
Bæði hefur það verið í formi bún-
aðar og peningagjafa. Meðal þess
búnaðar sem gefinn hefur verið til
Höfða eru hjartalínuritstæki, loft-
dýnur, hjól, ferðasúrefnissíu og
margt margt fleira. Þessi mikla
velvild hefur stuðlað að þvi að
Höfði er eitt best útbúna hjúkr-
unar- og dvalarheimili landsins og
það ber að þakka.
Í tilefni tímamótanna ákváðu
bæjarstjórn Akraness og sveitar-
stjórn Hvalfjarðarsveitar að leggja
til fjármagn til nauðsynlegra end-
urbóta á annarri hæð í suðurálmu,
einum elsta hluta hjúkrunarheim-
ilisins, sem er farin að láta veru-
lega á sjá. Endurbætur voru gerð-
ar á jarðhæð suðurálmu samhliða
því að byggt var við Höfða á ár-
unum 2011 og 2012. Fyrirhug-
að er að sækja um styrk til endur-
bótanna í framkvæmdasjóð aldr-
aðra. Sjóðnum hefur hins vegar
ekki verið skipuð stjórn að lokn-
um síðustu alþingiskosningum. Af
þeim sökum er formlegur undir-
búningur framkvæmda ekki haf-
inn en samkvæmt upplýsingum úr
velferðarráðuneytinu er unnið öt-
ullega að skipun stjórnar.
Ég bind því vonir við að hægt
verði að hefja mikilvægar endur-
bætur sem fyrst svo bæta megi
enn frekar aðstöðu íbúa og starfs-
fólks.
Kristjana Helga Ólafsdóttir
Höfundur er formaður stjórnar
Höfða og skipar sjötta sæti á lista
Sjálfstæðisflokksins til bæjarstjórn-
arkosninga 2018.
Fertugur höfðingi
Pennagrein
Borgarbyggð er sannkallað mennta-
hérað og státar af skólum á öllum
skólastigum. Á könnu sveitastjórnar
eru leik- og grunnskólar sveitafélags-
ins. Skóli án aðgreiningar er við lýði
en þrátt fyrir það hefur fjármagn
aldrei fylgt verkefninu sem skyldi.
Samkvæmt lögum um grunnskóla
(Nr. 91/2008, 17. gr) er sveitafélög-
um skylt að veita nemendum með
sérþarfir og fötlun viðeigandi úrræði
og aðstoð í námi. Í öðrum lið þessara
laga segir:
„Nemendur sem eiga erfitt með
nám sökum sértækra námsörðug-
leika, tilfinningalegra eða félagslegra
örðugleika og/eða fötlunar, sbr. 2.
gr. laga um málefni [fatlaðs fólks], 1)
nemendur með leshömlun, langveik-
ir nemendur og aðrir nemendur með
heilsutengdar sérþarfir eiga rétt á sér-
stökum stuðningi í námi í samræmi
við metnar sérþarfir.“
En hvernig höfum við komið til
móts við nemendur okkar? Á síðustu
árum hefur margt áunnist. Þjónusta
við nemendur og kennara hefur verið
styrkt með tilkomu teymis sem kall-
ast skólaþjónusta Borgarbyggðar. Þar
eiga sæti kennsluráðgjafi, talmeina-
fræðingar, sálfræðingur, hjúkrunar-
fræðingur og barnageðlæknir. Einnig
hafa verið ráðnir inn þroskaþjálfar í
skólana sem gegna mikilvægu hlut-
verki þar sem þeir geta tekið á öðrum
þáttum en kennarar hafa menntun til.
Biðlisti eftir þeim greiningum sem
sveitafélagið getur sjálft innt af hendi
er að verða tæmdur og nú ætti að vera
lag að taka næsta skref. Við þurfum
að huga líðan barna okkar.
Í skýrslu OECD frá síðasta ári
kemur fram að bæði dvalartími og
fjöldi skóladaga á leikskólum er
einna mestur hjá íslenskum börnum
í samanburði við önnur lönd innan
OECD. Ekki nóg með það heldur
erum við einnig með einna flest börn
undir þriggja ára aldri í leikskólum.
Á þessum árum er heilinn hvað við-
kvæmastur og í hvað mestri fram-
för, tilfinningalegur þroski, tungu-
málið, félagshæfni og taugalífeðlif-
ræðilegur þroski er hvað mestur fram
á þessum árum. Þá þurfa börn að fá
örvun en ekki áreiti og of lítil rými
og slæm hljóðvist geta því beinlín-
is verið börnum skaðleg. Börn þurfa
mikla nánd og þurfa að geta mynd-
að sterk tengsl við aðila í kringum sig
til að þroskast vel og eðlilega. Mikl-
ar mannabreytingar á leikskólum eru
því ekki af hinu góða.
Leikskólar hér eins og svo víða
voru stofnaðir með það í huga að
börn væru þar í fjóra til fimm tíma
á dag. Þá voru skýr viðmið um bæði
fjölda starfsmanna miðað við aldur
barna og það pláss sem hvert barn var
talið þurfa. Þannig var viðmiðið 7 m2
brúttó á hvert barn samkvæmt lögum
um leikskóla nr. 225/1995. Þau lög
hafa verið felld úr gildi og opinber-
lega var hætt var að miða við fermetra
töluna árið 2008 (Lög nr. 90/2008).
Ekki hafa komið ný viðmið í staðinn
heldur loðin og teygjanleg reglugerð
sem segir að öllum eigi að líða vel og
að rýmið eigi að vera gott og með
góðri hljóðvist. Enn í dag er þó unn-
ið með þessa fermetratölu þó að það
eigi ekki að vera gert.
Hafnafjarðarbær gerði nýlega út-
tekt á leikskólum sínum vegna þess
hve mikill órói var í fyrstu bekkjum
grunnskólanna. Í úttektinni kom í ljós
að börn sem höfðu hvað minnst rými
í leikskóla og upplifðu þar af leiðandi
meiri hávaða og læti allan daginn í
skólanum voru mest truflandi inni í
skólastofum að leikskóla loknum og
leið verr.
Það er mín von
að við sem sveita-
félag og við sem
þjóð hættum að
horfa á börn sem tölur í Excel skjali.
Börn eru ólík og þurfa mismunandi
nálgun. Við þurfum að hlusta á fag-
fólkið í kringum okkur og við eigum
að stíga skref sem önnur sveitafélög
hafa ekki þorað að gera. Við þurfum
að gera áætlun sem miðar að því að
við minnkum álag á umsjónarkenn-
ara og aukum undirbúningstíma leik-
skólakennara að norrænni fyrirmynd
svo að þeir hafi svigrúm til að mæta
börnunum okkar á þeim stað sem þau
eru. Við þurfum að endurmeta skóla-
rýmin út frá þeim tíma sem börn verja
í skólum í dag. Við eigum að tryggja
börnum með sérþarfir þá aðstoð sem
þau þurfa til að blómstra. Við eig-
um að fara fram á að ríkið sjái sóma
sinn í því að klára innleiðingu stefn-
unnar um skóla án aðgreiningar og
gera skólum og sveitarfélögum kleift
að mæta börnum eins og lög segja til
um. Við eigum að nota þá þekkingu
sem við höfum til að bæta aðstæður í
skólunum þannig að nemendum líði
vel og eigi þannig meiri möguleika
á að blómstra í skólakerfinu okkar.
Borgarbyggð á að þora að vera í far-
arbroddi þegar kemur að líðan barna
og námsárangri þeirra í skólum. Því
ef við gerum leik- og grunnskóla-
kennurum okkar það kleift að mæta
nemendum bæði með bættri aðstöðu
og með betri undirbúningstíma þá
mun börnunum líða betur og skila
sér út úr skólanum sterkari, glaðari
og betur undirbúin fyrir það sem á
móti þeim tekur.
Halldóra Lóa Þorvalsdóttir
Höf. er oddviti VG í Borgarbyggð.
Pennagrein
Í fararbroddi fyrir börnin okkar
Samfylking og óháðir bjóða fram
lista í sveitarstjórnarkosningum
í Borgarbyggð. Þar er á ferðinni
öflugur hópur sem vill leggja sitt
að mörkum til að sveitarfélagið
geti nýtt þá gríðarmiklu mögu-
leika sem blasa við. Bætt þjónustu
og búsetuskilyrði. Byggt upp inn-
viði og mannauð. Hér eru kynntir
til leiks fimm efstu á þeim lista.
Magnús Smári
Í oddvitasætinu situr Magnús
Smári Snorrason 47 ára, sveitar-
stjórnarfulltrúi og atvinnulífsteng-
ill hjá Virk starfsendurhæfingar-
sjóði. Hann er búsettur í Borgar-
nesi og er giftur Signýju Óskars-
dóttur eiganda Creatrix og gæð-
stjóra Háskólans á Bifröst. Þau
eiga þrjár dætur. Hann er mennt-
aður í Háskólanum á Bifröst og er
með BA í alþjóðafræðum og dip-
lómu á meistarastigi í forystu og
stjórnun. Magnús hefur búið í
Borgarbyggð í 14 ár, fyrst á Bif-
röst og svo í Borgarnesi frá 2012.
Magnús hefur setið í sveitarstjórn
fyrir Samfylkinguna á kjörtíma-
bilinu sem er að líða og undan-
farin rúm tvö ár í meirihlutasam-
starfi XS og XD. Magnús hefur
gegnt ýmsum störfum fyrir sveit-
arfélagið. Setið í byggðarráði, ver-
ið formaður fræðslunefndar, set-
ið í stjórn SSV, í stjórn Faxaflóa-
hafna, auk þess að starfa í ýmsum
nefndum og hópum. Nú fer hann
fyrir nefnd sem hefur það verkefni
að gera stefnu um upplýsingamál
og þátttöku íbúa.
María Júlía
Annað sætið skipar María Júlía
Jónsdóttir 39 ára, hársnyrti-
meistari. Hún er fædd og uppal-
in í Borgarnesi og búsett þar í dag
ásamt eiginmanni sínum Jónasi
Björgvini Ólafssyni matreiðslu-
manni og börnum þeirra sex. Hún
er hársnyrtimeistari að mennt og
rak hársnyrtistofu í Borgarnesi í
rúm 10 ár en lagði skærin á hill-
una árið 2016. Hún starfar nú
við ferðaþjónustu og í Kaupfélagi
Borgfirðinga, auk þess að vera að
bæta við sig menntun. Hún tók
við sem við sambandsstjóri UMSB
í mars síðastliðnum. Hún hefur
áður komið að sveitarstjórnarmál-
um og skipaði 5. sæti á lista Sam-
fylkingarinnar í Borgarbyggð árið
2010 og starfaði í framhaldi af því
í nefndum á vegum sveitarfélags-
ins. Hún tók sér hlé frá sveitar-
stjórnarstörfum að því kjörtíma-
bili loknu, en steig inn aftur sl.
haust sem nefndarmaður og vara-
formaður í Umhverfis-, skipulags
og landbúnaðarnefnd.
Logi
Logi Sigurðsson skipar 3. sæti
listans. Hann er 26 ára gamall,
fæddur í Reykjavík en hefur búið
í Borgarfirði frá því að hann var
barn. Hann fluttist í Lundar-
reykjadal 2008 og byggði þar fjár-
hús ásamt fjölskyldu sinni. Hann
er búfræðingur að mennt en
stundar nú nám í búvísindum við
Landbúnaðarháskóla Íslands. Logi
starfar bæði sem sauðfjárbóndi og
við fósturtalningar í sauðfé víða
um land. Sambýliskona Loga er
Lára Lárusdóttir nemi í íþrótta-
og heilsufræði við Háskóla Ís-
lands. Eigu þau eina dóttur, hana
Eik Logadóttur. Í Steinahlíð búa
einnig foreldrar Loga þau Inga
Stefánsdóttir og Sigurður Ragn-
arsson sálfræðingar. Logi sat í
landbúnaðarnefnd Borgarbyggð-
ar eftir kosningar 2010. Logi er
óháður frambjóðandi.
Margrét
Margrét Vagnsdóttir skipar 4.
sæti listans. Hún er 55 ára göm-
ul, fædd og uppalin í Bolungarvík.
Hún flutti á Bifröst fyrir 13 árum
síðan ásamt fjölskyldu sinni þeg-
ar hún hóf laganám við Háskól-
ann á Bifröst. Að loknu laganámi
starfaði hún hjá sýslumanninum
í Búðardal við ýmsa málaflokka.
Áður hafði hún starfað m.a. sem
aðalbókari hjá fyrirtækinu Securi-
tas í Reykjavík, á endurskoðenda-
skrifstofum og hjá sýslumanninum
á Hólmavík. Hún starfar nú sem
sérfræðingur á fjármálasviði Há-
skólans á Bifröst. Hún er gift Guð-
jóni Fr. Jónssyni húsasmíðameist-
ara sem starfar á húsnæðissviði há-
skólans og sem húsasmíðakennari
við Fjölbrautaskóla Vesturlands.
Þau eiga eina 17 ára gamla dótt-
ur. Margrét hefur ekki áður tek-
ið þátt í sveitarstjórnarstörfum en
hún hefur lengi verið virk í félags-
störfum. Hún hefur m.a. um ára-
bil verið félagi í Rauða krossin-
um og var m.a. formaður Borgar-
fjarðardeildar í tvö ár og hefur átt
sæti í landsstjórn Rauða krossins
sl. fjögur ár. Þá er hún einnig fé-
lagi í Rótarýklúbbi Borgarness og
danshópnum Sporinu. Margrét er
óháður frambjóðandi.
Guðmundur Karl
Fimmta sætið skipar Guðmund-
ur Karl Sigríðarson 36 ára, fram-
kvæmdastjóri Landnámsseturs Ís-
lands, búsettur í Borgarnesi. Guð-
mundur er fæddur á Fæðingar-
heimilinu í Reykjavík. Hann flutt-
ist ungur að árum með foreldrum
sínum til Kantaraborgar í Eng-
landi þar sem þau stunduðu nám.
Fimm ára gamall fluttist hann aft-
ur til Íslands. Hann hefur eftir
þann búið í Reykjavík, Los Ange-
les, Mexíkó og ellefu ár í Svíþjóð
þar sem hann stundaði nám í al-
þjóða stjórnmálahagfræði, mann-
fræði þróunarlanda og samskipta-
fræðum. Guðmundur byrjaði að
vinna hjá Landnámssetrinu árið
2009 og var þá í námi á veturna.
Árið 2014 ákvað hann að setjast að
í Borgarbyggð og sér svo sannar-
lega ekki eftir því. Guðmundur er
óháður frambjóðandi.
Nú er verið að leggja lokahönd á
málefnavinnu framboðsins og eru
allir hvattir til að setja sig í sam-
band við frambjóðendur og koma
á framfæri þeim málum sem þeir
telja mikilvæg fyrir samfélagið.
-fréttatilkynning
Samfylking og óháðir í Borgarbyggð – fólkið í efstu fimm sætunum