Skessuhorn - 18.04.2018, Blaðsíða 25

MIÐVIKUDAGUR 18. ApRÍL 2018 25
Kæru Skagamenn! Um leið og ég
óska ykkur gleðilegs sumars þá
langar mig að þakka fyrir veturinn
sem er að líða.
Kosningar til Alþingis fóru fram
í upphafi vetrar. Ég gaf ekki kost á
mér til áframhaldandi þingstarfa.
Ein aðal ástæðan fyrir því er sú að
mig langar að nýta krafta mína og
þekkingu í stjórnmálum hér heima
á Skaganum. Þess vegna gef ég kost
á mér til starfa í bæjarstjórn Akra-
ness og skipa nú fyrsta sæti á lista
Framsóknar og frjálsra fyrir kom-
andi kosningar. Mér finnst ég ein-
staklega heppin að fá það traust að
leiða lista sem skipaður er öflugu
og jákvæðu fólki, sem er svo sann-
arlega tilbúið til að láta gott af sér
leiða fyrir samfélagið okkar.
Á tímamótum sem þessum er til-
valið að líta aðeins um öxl og fara
yfir nokkur mál sem ég vann að á
Alþingi. Hér má nefna tillögu um
skattaafslátt vegna kostnaðar við
ferðir til og frá vinnu, tillögu um
Vesturlandsveg, tillögu um eflingu
Heilbrigðisstofnunar Vesturlands
og tillögu um heilbrigðisáætlun.
Allar þessar tillögur eru settar fram
með hagsmuni landsbyggðarinnar í
huga og þar með Skagamanna.
Skattaafsláttur
vegna kostnaðar við
ferðir til og frá vinnu
Þessi tillaga fjallaði um að fela fjár-
málaráðherra að gera breytingu á
lögum um tekjuskatt. Sú breyting
átti að heimila ráðherra að útfæra
og setja reglur þannig að þeir sem
borga skatta hér á landi og greiða
háan kostnað vegna ferða til og
frá vinnu, fái afslátt af tekjuskatti.
Samkvæmt tillögunni var afsláttur-
inn veittur óháð ferðamáta innan
tiltekinna og skilgreindra atvinnu-
svæða. Í greinargerð með tillög-
unni kom fram að síðustu ár hafa
þéttbýliskjarnar stækkað og auk
þess hafa samgöngur víða batnað.
Samhliða því hafa miklar breyt-
ingar orðið á þróun byggða- og at-
vinnusvæða. Margir sækja nú störf
í nágrannabæjum þannig að skil-
greindar hugmyndir um atvinnu-
svæði hafa verið að breytast. Þessi
þróun hefur leitt af sér sífellt stækk-
andi atvinnusvæði og lengri ferðir
vegna vinnu. Tillagan hefur núna
komið fram í byggðaáætlun sam-
göngu– og sveitastjórnarráðherra
og stefnt er að því að afgreiða þá
áætlun fyrir sumarhlé þingsins.
Vesturlandsvegur
Markmið þessarar tillögu var að
fela samgönguráðherra að hefja
viðræður við Reykjavíkurborg,
Mosfellsbæ, sveitarfélög á Vestur-
landi, Vegagerðina, Samgöngur-
áð og aðra hlutaðeigandi aðila um
nauðsynlegar vegabætur á Vestur-
landsvegi. Þessar viðræður áttu að
fela í sér sameiginlegt átak og áætl-
unargerð varðandi framkvæmdir á
Vesturlandsvegi um Kjalarnes, um
fyrirhugaða Sundabraut og hvernig
bregðast ætti við vaxandi umferð í
Hvalfjarðargöngunum. Í framhaldi
af viðræðum aðila skyldi leggja fram
tímasetta áætlun um framkvæmd-
ir og fjármögnun þessara verk-
efna. Tillagan var lögð fram árið
2015 en síðan þá hafa m.a. sveitar-
félög á Vesturlandi sameinast um
Samgönguáætlun Vesturlands fyr-
ir árin 2017 – 2029. Sú vinna er
til fyrirmyndar og þar er vegur-
inn um Kjalarnes settur í forgang.
Þess vegna var ánægjulegt að heyra
staðfestu núverandi samgönguráð-
herra, í útvarpinu á dögunum, um
að vegurinn um Kjalarnes væri eitt
af forgangsmálum ríkisstjórnarinn-
ar í samgöngumálum.
Efling Heilbrigðisstofn-
unar Vesturlands
Markmið tillögunnar var að styrkja
innviði, efla starfsemi og standa
vörð um starfsemi Heilbrigð-
isstofnunar Vesturlands og að
minnka álag á LSH. Samkvæmt
tillögunni var heilbrigðisráðherra
falið að stofna starfshóp sem átti
að greina starfsemi stofnunarinn-
ar og skila hugmyndum og tillög-
um um með hvaða hætti væri hægt
að efla starfsemina og auka fjárveit-
ingar til stofnunarinnar. Í tillög-
unni var jafnframt lagt til að færa
aðgerðir sem ekki þarfnast bráða-
þjónustu til heilbrigðisstofnunar-
innar á Akranesi. Auk þessa var lagt
til að Heilbrigðisstofnun Vestur-
lands yrði gerð að varasjúkrahúsi
fyrir LSH. Flutningsmenn tillög-
unar töldu mikilvægt að horft yrði
til þessa þátta því stofnunin er mik-
ilvæg, m.a. fyrir samfélag okkar
Skagamanna.
Árið 2016 fór þáverandi ríkis-
stjórn í átak til að stytta bið eftir
völdum aðgerðum. Heilbrigðis-
stofnun Vesturlands annaðist lið-
skiptaaðgerðir í þessu átaki. Það
gekk vel og árið eftir var átakið
framlengt. Einnig fékk gamla E
deild Heilbrigðisstofnunar Vestur-
lands nýtt hlutverk þegar biðdeild
með 15 rúmum opnaði á Akranesi
vorið 2017.
Heilbrigðisáætlun
Tillagan mín um heilbrigðisáætlun
var forgangsmál þingflokks Fram-
sóknarmanna á kjörtímabilinu 2016
– 2017. Hún hafði það markmið
að fela heilbrigðisráðherra að hefja
vinnu við heilbrigðisáætlun fyrir Ís-
land. Samkvæmt tillögunni átti áætl-
unin að vera unnin í samráði við fag-
fólk í heilbrigðisstéttum. Við gerð
áætlunarinnar ætti m.a. að horfa til
landfræðilegra þátta eins og sam-
gangna og fjarlægða milli byggðar-
laga, til íbúaþróunar á starfssvæðum
heilbrigðisstofnana, aldurssamsetn-
ingar íbúa, staðsetningar sjúkrabif-
reiða, aðgangs að sjúkraflugi, fjölda
ferðamannastaða og sumarhúsa-
byggða, svo eitthvað sé nefnt. Einn-
ig átti að horfa til þess hvort sóknar-
færi séu í því að nýta auð sjúkrarými á
heilbrigðisstofnunum á landsbyggð-
inni og létta þar með álagi af Land-
spítala. Tillagan var samþykkt á Al-
þingi og vinna komin á fullt innan
heilbrigðisráðuneytisins þegar rík-
isstjórnin sprakk í september 2017.
Það var ánægjulegt að sjá áhærslu-
þætti tillögunnar birtast í stjórnar-
sáttmála núverandi ríkisstjórnar.
Dropinn holar steininn
Auk þessa lagði ég m.a. fram tillögur
um endurskoðun á skilyrðum gjaf-
sóknar, tillögu um húsnæðissparnað,
tillögu um að taka húsnæðislið út úr
vísitölu, tillögu um gjafabréf og inn-
eignanótur og tillögu um ný neyslu-
viðmið fyrir íslensk heimili.
Mikilvægt er fyrir þingmenn
hverju sinni að
vera vakandi um
málefni sam-
félagsins og vekja athygli á þeim
innan þingsins. Stundum tekur það
nokkrar umferðir að koma málum
í farveg en dropinn holar steininn.
Á þessu þingi sé ég þingmálin mín
vakna hvert á eftir öðru. Sem dæmi
má nefna tillöguna um húsnæðislið
vísitölunnar.
Ný áskorun
Það er ný en góð áskorun að leiða
lista Framsóknar og frjálsra hér
á Akranesi. Hér vil ég búa og ég
vill leggja mitt að mörkum til að
gera gott samfélag enn betra. Við í
Framsókn og frjálsum erum tilbúin
til þeirra verka. Þessa dagana erum
við með opna málefnafundi þar sem
farið er ofan í öll helstu málefni
bæjarins. Við hvetjum alla þá sem
hafa áhuga á að mæta og koma sinni
skoðun á framfæri. Út frá þessum
fundum vinnum við stefnuskrá
okkar. Við höfum fengið ábend-
ingar um nauðsynlegar umbætur
í dagvistunarmálum, menntamál-
um, ábendingar um það sem betur
má fara í íþrótta– og æskulýðsmál-
um og velferðarmálum. Átt virki-
lega góðar umræður um skipulags–
og umhverfismál og þegar þessi
grein er skrifuð þá eigum við eftir
að funda um atvinnu– og ferðamál
og menningar– og safnamál. Það er
alveg á hreinu að Skaginn okkar á
sóknarfæri á hinum ýmsu sviðum
og þau ætlum við að nýta.
Elsa Lára Arnardóttir
Höf. er oddviti Framsóknar og
frjálsra á Akranesi.
Litið um öxl
Pennagrein
Áður: Húsið var byggt sem verslunar- og vörugeymsluhús í Flatey og í því rak Björn Sigurðsson verslun
ásamt dönskum kaupsýslumönnum. Síðar tók Guðmundur Bergsteinsson í Ásgarði við húsinu og
rak þar verslun uns Kaupfélag Flateyjar eignaðist húsið. Upphaflega var húsið kallað Sölubúðin en
Kaupfélagið á meðan Kaupfélag Flateyjar rak verslun í húsinu um áratuga skeið fram til um 1958. Nú:
Guðmundur Páll Ólafsson heitinn, náttúrufræðingur eignaðist húsið 1973 og er það nú í eigu Ingunnar
Jakobsdóttur, eftirlifandi eiginkonu hans.
Áður: Sláturhús Sláturfélags Suðurlands – SS við Laxárbrú frá 1953. Nú: Veitinga- og gististaðurinn
Hótel Laxárbakki í Leirársveit.
Áður: Narfeyrarhús í eigu Kf. Stykkishólms – afgreiðsla flóabátsins Baldurs, veitingaaðstaða og sjoppa.
Nú: Narfeyrarstofa – veitingahús við Aðalgötu 3 í Stykkishólmsbæ.
Áður: Verslunar- og skrifstofuhús Kf. Suður-Borgfirðinga frá 1936. Nú: Veitingastaðurinn Gamla kaup-
félagið við Kirkjubraut 11 á Akranesi.