Skessuhorn - 18.04.2018, Blaðsíða 26

MIÐVIKUDAGUR 18. ApRÍL 201826
Pennagrein Pennagrein
Pennagrein
Á framhaldsaðalfundi hestamanna-
félaga í Borgarfirði sem haldinn var
í Borgarnesi þriðjudaginn 16. janú-
ar 2018 var eftirfarandi ályktun
samþykkt samhljóða og send sveit-
arstjórn Borgarbyggðar:
„Aðalfundur nýstofnaðs hesta-
mannafélags Borgarfjarðar og
Mýrasýslu leggst gegn fyrirhuguðu
skotæfingasvæði í landi Hamars og
óskar eftir að önnur staðsetning
verði valin fyrir skotæfingasvæði.“
Við hestamenn bendum m.a. á
að á þessu svæði er svokölluð þjóð-
leið hestamanna. Hún liggur með-
fram þessu svæði eiginlega á alla
vegu. Þá er verið að tala um leið
sem tengir Vestuland -uppsveitir
við Snæfellsnes. Útilokað er að fara
á hestbaki þessa leið öðruvísi en
þvera þar sem skotæfingasvæðið á
að liggja. Á hverju ári fer þarna um
fjöldi fólks og hestar. Margir hafa
atvinnu af því að fara hestaferð-
ir með óvana einstaklinga á hest-
baki og nota þessa leið. Ömurlegt
er til þess að hugsa að öryggi okkar
hestamanna sé svo stórlega stefnt í
voða. Þessi ákvörðun sveitarstjórn-
ar skapar okkur hestamönnum van-
líðan, óöryggi og vonleysi þar sem
ekki er hlustað á okkar sjónarmið
og við ekki höfð með í ráðum.
Fjöldi hestamanna eiga fasteignir
og hafa lagt í kostnað vegna girð-
inga fyrir hesta sína. Þeir borga á
hverju ári umtalsverðar fjárhæðir
vegna fasteignagjalda. Fasteigna-
gjöld í Borgarbyggð eru nefnilega
ekki þau lægstu á landinu! Og nú á
að stórauka hættu á að þeir slasist
við að stunda hestamennsku sína.
Hestur sem fælist vegna skothvells
er lífshættulegur!
Mikil andstað við
staðsetningunni
Áður höfðu Skógræktarfélag Borg-
arfjarðar, umsjónarnefnd Einkunna,
ábúendur í Lækjarkoti og 134 íbúar
mótmælt þessum gjörningi. Þrátt
fyrir þessa miklu andstöðu þá sam-
þykkti sveitarstjórn Borgarbyggðar
á fundi sínum 27. mars breytingu á
aðalskipulagi sem felst í að heim-
ilt verði að gera ráð fyrir skotæf-
ingasvæði í landi Hamars ofan við
Borgarnes! Ekki var tekið tillit til
þeirra athugsemda sem komu fram
né verið boðað til samráðs, þrátt
fyrir fögur orð þar um í fréttatíma
RÚV.
Þetta mál er búið að vera í vinnslu
hjá Borgarbyggð á sjötta ár án þess
að samráð hafi verið haft við hags-
munaaðila sem hafa nýtt svæði í tæp
sjótíu ár! Hvað veldur? Hafa menn
slæman málstað að verja? Af hverju
er ekki boðað til borgarfundar um
málið? Það kynnt og umræður um
staðsetninguna ræddar.
Rök með og á móti
Röki með staðsetningunni eru „T.d.
lega landsins, fjarlægðir frá nær-
liggjandi svæðum/starfsemi ofl ofl.“
svo vitnað sé í orð eins af stjórnar-
mönnum Skotvest. Hann hefur líka
látið hafa eftir sér á prenti að við
„skulum hafa það alveg á hreinu að
skotfélagið sóttist ekki eftir þess-
ari staðsetningu frekar en annarri,
við sóttumst eftir landi fyrir okkar
starfsemi“.
Skotvest er ekki að ásælast þessa
staðsetningu. Rökin sem þeir nota
með staðsetningunni má nota gegn
henni sem fjölmargir hafa gert. Svo
vitnað sé í skrif Hilmars Más Ara-
sonar sem hefur skrifað um málið á
mikilli ábyrgð og festu, þá má lesa
greinar hans á netinu, á slóðinni
https://folkvangurinneinkunnir.
weebly.com/skrif-og-freacutettir-
um-maacutelieth.html
Í gögnum sem fylgja lýsingunni
kemur fram að fólkvangurinn Ein-
kunnir er 160 metra vestan við
svæðið, en austurmörk fólkvangs-
ins eru samhliða riffilbraut. Hest-
húsahverfi Borgarness, reiðhöll og
gróðrarstöðin Grenigerði eru um
300 m sunnan við svæðið! Við þetta
er að bæta að Lækjarkot, vinsæll
ferðaþjónustu bær er í 1200 m fjar-
lægð.
Það er viðurkennt staðreynd að
hávaði frá skotvopnum getur ver-
ið frá 150- 155 dB frá litlum riffl-
um og upp í 175 dB frá öflugustu
rifflunum. Almenna reglan er sú að
hljóð minnkar um 5dB fyrir hverja
100 m. Það er gert er ráð fyrir að
hægt verði að skjóta úr 5 rifflum
samtímis og geta mæld hljóðstigs-
gildi þá hækkað um nálega 7 dB.
Til glöggvunar má geta þess að
sársaukamörk eru skilgreind við
140 dB. Við fólkvangasmörkin má
reikna með hávaða upp á 165 dB,
í hesthúsahverfi Borgarness, reið-
höll og við gróðrarstöðina Greni-
gerði má reikna með hávaða upp á
150 dB þegar skotið er úr hávær-
ustu rifflum. Allt hávaði yfir sárs-
aukamörkum. Ábúendur í Lækjar-
koti og gestir þeirra geta búist við
hávaða upp á 65 dB þegar skotið er
úr háværustu rifflum.
Þetta er óásættanlegt!
Ábúendur í Lækjarkoti fengu
fasteignasölu til að meta jörðina
og löfræðistofu til að annast þeirra
mál, krafa þeirra á hendur Borgar-
byggð er upp á 250.000.000 kr.
Það mun aldrei ríkja sátt um
skotæfingasvæðið á þessum stað og
það er einlæg von mín að frá þess-
ari áætlun verði horfið. Vil ég enda
þess skrif mín á því að hvetja nýja
sveitarstjórn til þess að hverfa frá
þessari slæmu hugmynd.
Steinunn Árnadóttir.
Nýstofnað hestamannafélag
Borgarfjarðar og Mýrasýslu
leggst gegn fyrirhuguðu skot-
æfingasvæði í landi Hamars
Fulltrúar framboðs Sjálfstæð-
isflokksins í Borgarbyggð fyr-
ir komandi sveitarstjórnarkosn-
ingar leggja upp með að gera líf-
ið betra í Borgarbyggð. Með það
að markmiði verður unnið að því
að bæta aðgengi, aðstöðu og lífs-
gæði í Borgarbyggð fyrir alla sem
þar búa.
Lækkun leikskólagjalda
Þegar horft er til yngstu aldurs-
hópanna þ.e. þeirra sem eru á leik-
skólaaldri, þá er markmiðið að
bjóða upp á ódýrustu dvalargjöld,
fyrir allt að 8 klukkustunda dvöl á
leikskólum, í samanburði við sveit-
arfélög af sambærilegri stærð og
í grennd við höfuðborgarsvæðið.
Við viljum að Borgarbyggð verði
þekkt fyrir lág leikskólagjöld.
Í dag eru dvalargjöld í leik-
skólum Borgarbyggðar með þeim
hærri í samanburði við þessi fyrr-
greindu sveitarfélög. Lækkun-
in yrði framkvæmd í ákveðnum
þrepum og ofangreindu markmiði
náð við lok komandi kjörtímabils.
Til viðbótar við bætt kjör til fjöl-
skyldna með börn á leikskólaaldri
viljum við auka sveigjanleika varð-
andi opnunartíma leikskóla í Borg-
arbyggð og bjóða þannig upp á val-
kost sem gerir fólki t.d. kleyft að
búa í Borgarbyggð og starfa á höf-
uðborgarsvæðinu.
Tekjutapi vegna slíkrar lækkunar
verður mætt með auknum tekjum
vegna nýrra íbúa sem koma til með
að velja Borgarbyggð sem búsetu-
kost. Íbúafjöldi í Borgarbyggð þann
1. janúar 2018 var samtals 3.745
talsins og á síðasta ári var fjölgun
í Borgarbyggð rúmlega 1,8%. Það
þarf í raun ekki slíka fjölgun eitt ár
til að mæta tekjutapi vegna lækk-
unar leikskólagjalda. Með öflugri
markaðssetningu á sveitarfélaginu
og kynningu á innviðum þess og
þjónustu má markvisst fjölga íbú-
um í sveitarfélaginu enn meira. Er
það markmið fulltrúa Sjálfstæðis-
flokksins að fjölga íbúum í Borg-
arbyggð í yfir 4200 talsins á næstu
fjórum árum eða að meðaltali að
lágmarki um 3% á ári næstu fjög-
ur ár.
Barnvænt sveitarfélag
Sveitarfélög sinna stærstum hluta
þeirra verkefna sem hafa beina
tengingu við daglegt líf barna og
ungmenna. Frambjóðendur Sjálf-
stæðisflokksins vilja skoða að hefja
formlegt ferli við innleiðingu
barnasáttmála Sameinuðu þjóð-
anna og gerast barnvænt sveitar-
félag. Mikilvægt er að sveitarfé-
lög noti sáttmálann sem viðmið
í sínum störfum og allir verk- og
ákvarðanaferlar er varða börn verði
skoðaðir með réttindi barnanna
sjálfra að leiðarljósi.
Á þessu kjörtímabili hefur verið
tekið gott skref varðandi gjaldtöku
vegna barna í grunnskóla, er hann
nú gjaldfrjáls í Borgarbyggð og því
ber að fagna. Skólinn er stór hluti
lífs barna og mikilvægt að þau njóti
bæði uppfræðslu í skóla og hafi rými
til að stunda tómstundir og íþróttir
samhliða því. Því er mikilvægt að
skoða betri nýtingu tíma barna yfir
daginn með frekari samtengingu
skóla og tómstunda og/eða íþrótta.
Tómstundir og íþróttir eru mikil-
vægur þáttur í þroska og heilbrigði
barna og því er mikilvægt vinna að
góðri samfellu með skóla og auka
þar með lífsgæði barnanna.
Gjaldfrjálst aðgengi að
íþróttamiðstöðvum
Ef horft er til eldri íbúa sveitar-
félagsins þá er stefnt að gjaldfrjálsu
aðgengi að íþróttamiðstöðvum í
Borgarbyggð. Með þessu viljum
við styðja við heilsueflandi samfé-
lagið Borgarbyggð og bæta stöðu
eldri borgara til að auka hreyf-
ingu. Verður þá frítt fyrir 67 ára
og eldri aðgengi að öllum sund-
laugum og íþróttamannvirkjum
sveitarfélagsins. Í þessu samhengi
þarf einnig að skoða betri nýtingu
grænna svæða í þéttabýli og gera
umhverfið hvetjandi til hreyfing-
ar fyrir íbúa á öllum aldri. Dæmi
um slíka nýtingu væri uppbygg-
ing púttvallar í þéttbýliskjarnan-
um Borgarnesi en púttvellir hafa
verið vel nýttir af bæði börnum
og eldri borgurum víða um land
og sjáum við fjölmörg tækifæri í
slíkri iðkun í Borgarnesi þvert á
kynslóðir.
Eru þessar aðgerðir hluti af
þeirri vegferð að fjölga íbúum í
Borgarbyggð. Með fjölmennara
samfélagi eykst geta til að byggja
upp og styðja við grunnstoðir þess.
Teljum við mikilvægt að taka skref
í átt að betri lífsgæðum með bættu
aðgengi, sveigjanleika og hóflegri
gjaldtöku fyrir þá þjónustu sem
veitt er í samfélaginu okkar.
Gerum lífið betra í
Borgarbyggð!
Lilja Björg Ágústsdóttir
Höfundur er oddviti lista Sjálf-
stæðisflokksins í Borgarbyggð fyrir
komandi sveitarstjórnarkosningar
Látum verkin tala
-Borgarbyggð fyrir fjölskyldufólk og eldri borgara
Með meiri vitund og áhuga á um-
hverfismálum er fólk í auknu mæli
að átta sig á mikilvægi sorpflokk-
unar og endurvinnslu.
Hagsæld síðustu ára hefur fylgt
aukinn úrgangur. Samkvæmt sam-
antekt Sorpu skilur hver íbúi á Ís-
landi eftir sig um 220 kg af úr-
gangi á hverju ári. Þrátt fyrir mikla
aukningu í endurvinnslu er mikil-
vægt að setja skýr markmið til þess
að draga megi frekar úr urðun úr-
gangs. Þar þurfa sveitarfélögin að
koma til og skapa íbúm það um-
hverfi sem þarf til þess að flokkun
sorps sé ekki íþyngjandi, heldur
geti orðið sjálfsagður hluti af dag-
legu lífi, umhverfinu til hagsbóta.
Þó nokkur sveitafélög hafa sett
sér verðug markmið hvað um-
hverfisvernd varðar og ætti Akra-
neskaupstaður alls ekki að láta sitt
eftir liggja. Við eigum að setja okk-
ur háleit markmið og taka næstu
skref. Verum leiðandi samfélag í
umhverfisvernd.
Allt sorp sem ekki er flokkað
áður en það fer í tunnuna hjá okk-
ur endar á einn eða annan hátt úti
í náttúrunni þar sem það brotnar
niður á löngum tíma á urðunar-
stað. Akraneskaupstaður er hluti
af Sorpsamlagi Vesturlands sem á
jörðina Fíflholt á Mýrum. Þang-
að fer nær allt sorp af Vesturlandi
sem ekki er endurnýtt eða endur-
unnið á annan hátt. Í Fíflholt fer
ekki aðeins sorp af Vesturlandi
heldur fer þangað einnig stór hluti
heimilissorps frá Vestfjörðum eftir
að sorpbrennslan á Ísafirði lokaði.
Þar er því urðað gífurlegt magn
sorps.
Núgildandi starfsleyfi í Fíflholti
gildir til ársins 2028, þó að svæðið
sé í dag langt frá því að vera full-
nýtt þá kemur að þeirri stund að
leita þarf annað með tilheyrandi
kostnaði. Þrátt fyrir að starfsemin í
Fíflholti virðist hafa gengið vel, má
líklega fullyrða að fáir séu áfjáðir í
það að gera sína sveit að urðunar-
stað. Bæjarfélagið okkar hefur því
augljósa hagsmuni af því draga úr
magni af sorpi sem fer til urðunar
til lengri tíma litið. Fyrir utan um-
hverfissjónarmið og mikilvægi þess
að takmarka þau óæskilegu áhrif
sem urðun getur haft á umhverf-
ið vega einnig þungt hagræn sjón-
armið sem ráðamenn sveitarfélaga
þurfa jú ávalt að hafa í huga.
Næstu skref í flokkun þyrftu
ekki að vera flókin. Til að mynda
mætti koma upp grenndarstöðv-
um og einnig flokka lífrænan úr-
gang frá öðru sorpi. Með moltu-
gerð væri hægt að draga úr gífu-
legu magni sem urðað er og íbúar
gætu svo nýtt moltuna í garða og
beð og þannig fullkomnað endur-
vinnsluhringinn.
Við getum verið stolt af því hér
á Akranesi að í flestum leik- og
grunnskólum er unnið gott starf
í þessum málum og vinna flestir
skólarnir, ef ekki allir, eftir ein-
hverskonar umhverfisstefnu, þá
flagga bæði Akrasel og Brekku-
bæjarskóli nú grænfánanum. Með
meiri fræðslu má gera ráð fyr-
ir aukinni umhverfisvitund næstu
kynslóða, sem er frábært!
Sem samfélag getum við gert
betur, tökum næstu skref saman,
nú er rétti tíminn.
Ragnar Sæmundsson
Höf. skipar 2. sæti á lista Fram-
sóknar og frjálsra á Akranesi
Stígum skrefið saman