Skessuhorn - 20.06.2018, Blaðsíða 12

MIÐVIKUDAGUR 20. JÚNÍ 201812
Opnunarhátíð nýs fjögurra stjörnu
lúxushótels, B59 Hotel, fór fram
síðastliðinn föstudag í Borgar-
nesi. Capital hotels rekur B59 Hot-
el, sem dregur nafnið sitt frá stað-
setningunni miðsvæðis í bænum
að Borgarbraut 59, beint á móti
Hyrnutorgi. Léttar veitingar og
tónlistaratriði frá Hljómlistarfélagi
Borgarness var í boði fyrir gesti og
gangandi sem fengu að ganga um
nýja hótelið og skoða sig um áður
en fyrstu gestir voru bókaðir á hót-
elið.
„Mikið og erfitt
verkefni“
„Þetta leggst mjög vel í mig og
þetta er virkilega spennandi,“ seg-
ir Jóel Hjálmarsson hótelstjóri um
opnunina, en fyrstu gestir komu í
hús laugardaginn 16. júní „Þetta er
búið að vera mikið og erfitt verk-
efni en er alveg á lokametrunum.
Við erum að opna tvær hæðir af
herbergjum eins og staðan er núna.
Svo opnum við fleiri herbergi jafn-
harðan og vinnu við þau lýkur.
Þannig að í lok júní verður hótelið
fullklárað.“
Það er 81 herbergi á hótelinu, 60
standard tveggja manna herbergi
og ellefu stærri herbergi og svítur,
allar með svölum á efstu hæðinni.
„Við erum með æðislega horn-
svítu á norðausturhlið hússins sem
skartar stórum hornglugga og út-
sýni í allar áttir. Svo erum við líka
með glæsilega heilsulind og lík-
amsrækt í kjallaranum sem mun
vera opin fyrir gesti og gangandi
en fyrst um sinn verður sú aðstaða
eingöngu fyrir gesti. Seinna mun-
um við síðan bjóða upp á bæði ein-
stakan aðgang að heilsulind og lík-
amsrækt og áskrift sem við munum
kynna á næstu vikum. Þetta er allt
í bígerð.“
Jóel segir mikilvægt að fara ekki
of geyst af stað þegar verið er að
læra á nýtt húsnæði, nýtt starfsfólk
og nýjan bæ. „Við ætlum okkur að
fara hægt af stað. Þetta verður fjög-
urra stjörnu lúxushótel og við ger-
um rosalega miklar kröfur þegar
kemur að okkar þjónustu og gæð-
um í þjónustu. Við viljum frekar
byrja aðeins hægar og passa upp á
það að þjónustan verði í lagi fyrir
þá gesti sem koma.“
Góð aðstaða
fyrir ráðstefnur
Með sportbar, veitingastað, gisti-
aðstöðu og heilsulind innanborðs
býður hótelið upp á fullbúna ráð-
stefnuaðstöðu fyrir allt að 100
manns. „Við erum með frábæra að-
stöðu til ráðstefnuhalds og það er
einn af markhópum okkar hvort
sem það eru íslensk eða erlend fyrir-
tæki, félagasamtök eða stofnanir þá
getum við tekið allt að 100 manns í
ráðstefnur og fundi í mat og getum
boðið uppá ákveðinn lúxus og þjón-
ustu með afþreyingu í næsta ná-
grenni. Þessi markhópur hefur ekki
verið að koma á Vesturland, held-
ur hefur hann verið að halda sig á
Suðurlandinu. Þessir hópar eru oft
að leita að stöðum sem eru einung-
is í klukkutíma fjarlægð frá höfuð-
borginni og þar komum við mjög
sterkt inn,“ segir Jóel. Hann seg-
ir einnig að einstaklingar sem eru
ekki endilega í skipulögðum ferð-
um og eru jafnvel að keyra hringinn
sjálfir hafi oft meira fé á milli hand-
anna og eru til í að borga meira fyr-
ir gæði þegar kemur að þjónustu og
gistingu og munu nýta sér það sem
hótelið býður upp á.
Hótelið ekki eingöngu
fyrir ferðamenn
Hótelstjórinn telur opnun hótels-
ins vera jákvæða þróun fyrir ferða-
þjónustu og atvinnulíf í Borgar-
nesi. „Ég vona að við getum bætt
eitthvað við þjónustuna sem er nú
þegar til staðar hérna á svæðinu og
í Borgarnesi. Þetta hótel er alls ekki
hugsað eingöngu fyrir ferðamenn
og túrista heldur viljum við einnig
gera vel við bæjarbúa. Við erum til
dæmis með þennan frábæra sport-
bar og munum sýna HM leikina í
öllum sjónvörpum á meðan mótinu
stendur.Við vonum að Borgnesing-
ar taki okkur vel,“ segir Jóel Hjálm-
arsson hótelstjóri bjartsýnn að lok-
um.
Hótelið er í eigu Húss og lóða
ehf. en eins og komið hefur fram
er hótelið rekið af Capital hot-
els sem þegar rekur fjögur hótel í
Reykjavík. Hótelin þar eru tveggja
og þriggja stjörnu hótel og er lúx-
ushótelið í Borgarnesi fyrsta fjög-
urra stjörnu hótelið hjá fyrirtæk-
inu og jafnframt það eina á lands-
byggðinni.
glh
B59 Hotel hefur verið opnað í Borgarnesi
Jóel Hjálmarsson, hótelstjóri B59 Hotel, á nýja sportbarnum.
Lóa Spa heitir heilsulindin sem býður upp á líkamsræktaraðstöðu, blaut- og þurr-
gufu, heitan pott og úrval af afslappandi nuddmeðferðum.
Hótelið skartar 60 standard tveggja manna herbergjum.
Líkamsræktaraðstaða verður í boði fyrir gesti og bæjarbúar geta einnig keypt
einstakan aðgang eða áskrift.
Snorri‘s Kitchen heitir veitingastaðurinn á B59 Hotel.
Íslenska fánanum var flaggað í tilefni dagsins. Snorri‘s Bar er sportbar á aðalhæð hótelsins opinn gestum og gangandi.