Skessuhorn - 20.06.2018, Blaðsíða 15

MIÐVIKUDAGUR 20. JÚNÍ 2018 15
Skemmtiferðaskip lá fyrir utan
Ólafsvíkurhöfn á miðvikudaginn
í síðustu viku. Var þetta jafnframt
fyrsta skemmtiferðaskipið sem hefur
viðkomu í Ólafsvík í mörg ár. Han-
seatic, en svo heitir skipið, er fimm
stjörnu skemmtiferðaskip skráð á
Bahamaeyjum. Það er 123 metrar að
lengd og 18 metra breitt. Um borð
voru 154 farþegar og 121 í áhöfn.
Voru flestir farþeganna frá Þýska-
landi og fóru þeir ýmist í skoðunar-
ferðir um Snæfellsnesið, upp á Snæ-
fellsjökul eða til annarra staða. Ein-
hverjir nutu þess að fara í göngu-
ferðir um bæinn og skoða sig um
þar. Pakkhúsið var opnað fyrr þenn-
an dag til að geta tekið á móti gest-
um sem þess óskuðu. Skipið lagð-
ist við ankeri á milli klukkan sjö og
átta um morguninn og og hélt ferð
sinni áfram sex tímum síðar. Von er
á öðru skemmtiferðaskipi 23. júní
næstkomandi. þa
Skipulagning á Brákarhátíð, sem fer
fram dagana 25.-30. júní í Borgar-
nesi, er í fullum gangi þessa dagana
og er dagskráin komin langt á leið.
Það eru þau Sigríður Dóra Sigur-
geirsdóttir, Margrét Rósa Einars-
dóttir og Halldór Hólm Kristjáns-
son, félagar úr Hollvinasamtökum
Borgarness, sem skipuleggja hátíð-
ina ásamt góðu teymi. „Það geng-
ur ljómandi vel að skipuleggja, við
erum akkúrat núna á fullu í fjáröfl-
un og það gengur ágætlega,“ segir
Margrét Rósa.
Hátíðin hefst mánudaginn 25.
júní klukkan 18:00 þegar íbúar í
gula hverfinu bjóða fólki frá öðr-
um hverfum í bænum í heimsókn
og farið verður í fjölskylduratleik.
Götugrillin verða á sínum stað á
föstudeginum en formleg hátíð-
ar dagskrá verður laugardaginn
30. júní. Þá mun Björgunarsveit-
in Brák bjóða upp á bátsferðir frá
Brákarey. Morgunmatur verður í
boði fyrir alla sem vilja í Gríms-
húsi. Skemmtidagsskrá verður á
sviði í portinu þar sem fornbíla-
félag Borgarfjarðar er til húsa og
um kvöldið fara öll hverfin í skrúð-
göngu að Dalhalla þar sem kvöld-
vakan fer fram og mun Hljómlista-
félag Borgarfjarðar sjá um tónlist-
ina. Knattspyrnudeild Skallagríms
heldur svo ball í Hjálmakletti þar
sem Páll Óskar spilar fyrir dansi.
„Það verður fullt um að vera og
allir ættu að finna sér eitthvað við
hæfi. Við hvetjum alla Borgfirðinga
til að taka þátt í hátíðinni og um að
gera að bjóða fólkinu sínu sem býr
utanbæjar að koma á Brákarhátíð,“
segir Margrét að lokum.
glh
Þétt dagskrá á Brákarhátíð
Fyrsta skemmti-
ferðaskipið í Ólafs-
vík í langan tíma
Mynd frá síðustu Brákarhátíð. Sögumaður sagði sögur ofan úr tré, meðal annars
af Galdra-Lofti. Ljósm. Brákarhátíð.
Á Þjóðhátíðardaginn opnaði Mar-
grét Rósa Einarsdóttir leikfanga-
safn í Englendingavík í Borgarnesi.
„Þetta safn samanstendur af safni
sem var í Iðnó, safni frá Ósk Elínu
Jóhannesdóttur og líka frá vinum
og ættingjum. Munir sem ég hef
verið að sanka að mér hægt og ró-
lega í gegnum tíðina“ segir Mar-
grét í samtali við Skessuhorn. Hún
segir að í rauninni hafi safnið kom-
ið til vegna þess að hún vissi af þessu
auða rými. „Mig hefur alltaf langað
til að sýna þetta dót sem ég hef safn-
að að mér í gegnum árin og vissi af
þessu ónotaða plássi hérna í Eng-
lendingavík. Ég veit að fólk á eftir
að hafa gaman af þessu, það á eft-
ir að koma hingað inn og segja „Vá!
Manstu eftir þessu?“,“ segir Margrét
hátt og hlær svo. Hún telur að ungir
sem aldnir eigi eftir að hafa gaman
af því að koma og skoða þessi leik-
föng sem mörg finnast ekki í dóta-
búðum í dag. „Þetta eru svona leik-
föng frá gamalli tíð en líka einhver
nýrri. það er svolítil nostalgía í þessu
öllu saman.“
Eins og kirkjurnar í
gamla daga
Safnið var opnað 17. júní en það
verður opið fyrir gesti alla daga í
sumar frá klukkan 11 til 17 og hef-
ur fólk kost á því að setja pening í
bauk sem frjáls framlög til safnsins.
„Þetta verður eins og kirkjurnar í
gamla daga, alltaf opið og fólk getur
komið inn og skoðað.“ Einnig ætlar
Margrét að bjóða upp á sögustund á
safninu á sérstökum dögum þar sem
börn geta komið og hlýtt á sögur.
„Þegar eitthvað sérstakt er í gangi
þá mun kona eða maður sitja hér á
stól og lesa fyrir börnin sem fá púða
og pullur til að sitja á á gólfinu,“ seg-
ir Margrét og bendir í átt að stól í
einu horninu. „Á öðrum dögum
ætla ég svo að kenna börnum að búa
til föt á dúkkulísur eins og ég gerði í
gamla daga. Þá fær yngri kynslóðin
að dunda sér við þetta og búa til al-
veg frá grunni. Þau þurfa til dæmis
að teikna og lita fötin.“
Allt verður þetta auglýst á Facebo-
ok síðu safnsins með góðum fyrir-
vara samkvæmt Margréti en síðuna
má finna undir nafninu Leikfanga-
safn Soffíu sem er jafnframt nafnið á
safninu. „Ég skírði safnið í höfuðið á
uppáhalds frænku minni sem er mér
afar kær, henni Soffíu Pétursdóttur
frá Hraundal.“
glh
Leikfangasafn opnað í
Englendingavík
Leikfangasafn Soffíu er til húsa í öðru pakkhúsinu í Englendingavík sem sést hér
til vinstri í mynd.
Margrét Rósa mun bjóða krökkum að koma á sérstökum dögum til að föndra föt
á dúkkulísur.
Það eru alls konar leikföng á safninu, gömul sem ný.
Margrét Rósa Einarsdóttir stendur á bakvið safnið.
Margs konar dúkkur og vagna frá gamalli tíð er hægt að skoða.