Tímarit Máls og menningar - 01.03.2002, Blaðsíða 49
Vigfús Geirdat: Smábæjartöggan og rithöfundurinn sem skutust upp á stjörnuhimininn
tmm
bls. 47
merkilegt að sjá á söguslóðum Wallandersagn-
anna en einhvern veginn er ástæða til að ætla
að lengi vel hafi engin sérstök áhersla verið
lögð á að kynna þessa staði, enda Svíum að
mörgu leyti betur lagið að fara i sumarleyfi sjálf-
ir en að þjóna ferðalöngum.
Vinsældir Wallanders hafa hins vegar gert
það að verkum að fólk er í auknum mæli tekið
að fara í eins konar pílagrímsferðir til Ystad,
ekki aðeins Svíar heldur Þjóðverjar líka (sjá t.d.
vefinn www.die-organisatoren.de/ystad/index
2.htm). Til er meira að segja kort sem sýnir
helstu staði í Ystad og nágrenni sem við sögu
koma í bókunum.
Kurt Wallander yfirlögregluþjónn er þannig
orðinn þekktastur allra Ystadsbúa fyrr og síðar,
enn þekktari en hinn ástsæli leikari, Ernst heit-
inn Hugo Járegárd, sem fæddur var og uppal-
inn í Ystad. Þess eru jafnvel dæmi að fólk komi
á lögreglustöðina og vilji berja Wallander aug-
um. Þar er reyndar starfandi rannsóknaryfirlög-
regluþjónn sem heitir Kurt en á að öðru leyti
ekkert sameiginlegt með söguhetjunni.
Það hefur eflaust ekki síst verið í þakklætis-
skyni fyrir þetta framlag til kynningar á byggð-
arlaginu sem Henning Mankell voru veitt
menningarverðlaun Ystad árið 2001.
Bakhliðin á velgengninni
Örlítil sorgarsaga skal svo sögð í lokin, því að
velgengnin hefur alltaf sínar dapurlegu hliðar.
Þýðandi Wallanderbókanna á íslensku, sem
bjó um árabil í Svíþjóð, er jafnaldri þeirra
Mankells og Wallanders og því kominn í þann
aldursflokk sem vinnuveitendur vildu helst slá
af ef þeir mættu ráða. Þessi fyrrverandi skóla-
stjóri og héraðslögregluþjónn vestur á fjörðum
þótti með öðrum orðum hvergi tækur í vinnu.
Wallander varð það hálmstrá sem hann greip
í, sjálfum sér til lífsbjargar, þegar fokið var í öll
önnur skjól. En þar eð hér var aðeins um nokk-
urra mánaða þýðingarverkefni á ári að ræða
neyddist hann til að sækja um atvinnuleysis-
bætur, eins og hann átti rétt á, til að brúa bilið.
Hann fékk hins vegar efnislega þau svör frá
sænska atvinnuleysissjóðnum að maður sem
stundaði þann bisniss að þýða Wallanderbæk-
ur Hennings Mankells gæti ekki þurft á nein-
um atvinnuleysisbótum að halda. Og þar við
sat.
Vigfús Geirdal (f. 1948) er sagnfræðingur og sjálfstætt starfandi
þýðandi og fræðimaður í ReykjavfkurAkademíunni.
Eitt af meistaraverkum heimsbókmenntanna í rómaðri
leikgerð, saga um ástríður og grimm örlög
Leikendur: Margrét Vilhjálmsdóttir, Stefán Jónsson,
Baldur Trausti Hreinsson, Jóhann Sigurðarson, Brynhildur
Guðjónsdóttir, Kjartan Guðjónsson, Kristbjörg Kjeld,
Ragnheiður Steindórsdóttir, Þórunn Lárusdóttir, Þröstur
Leó Gunnarsson. Leikstjórn: Kjartan Ragnarsson
Anna Kare
Miðasölusími: 551 1200
Netfang: midasala@leikhusid.is
Veffang: www.leikhusid.is
ÞJÓÐLEIKHÚSIÐ