Heimsmynd - 01.06.1991, Page 77

Jón Þorláksson forsætisráðherra
ásamt konu sinni, Ingibjörgu Claes-
sen, og dóttur, Önnu Margráti.
Stokkhótmi, og Valverð“'’j™V
listarkennari i Reykiavik.
(íV".-
V
Briem
Kristmu Guðmundsdóttur.
röð lækna á fyrri hluta ferils síns. Sérgrein hans var barna-
lækningar sem hann tók við Karolinska sjúkrahúsið í Stokk-
hólmi. En Oddur var að mörgu leyti einfari og óregla varð
honum fjötur um fót á síðari hluta ferils síns. Hann var mikill
gleðimaður og eftirsóttur í samkvæmum vegna fyndni sinnar.
Fyrri kona hans var Guðrún Pálína Helgadóttir, dr. phil.,
skólastjóri Kvennaskólans í Reykjavík. Sonur þeirra er Ólafur
Oddsson (f. 1943), cand. mag., íslenskufræðingur, kennari við
Menntaskólann í Reykjavík, kvæntur Halldóru Arndísi Ingva-
dóttur skrifstofustjóra. Seinni kona Odds var Ólöf Runólfs-
dóttir og eignuðust þau fjögur börn. Þau eru Haraldur Odds-
son (1951-1972), Lilly Valgerður Oddsdóttir (f. 1952), fulltrúi á
Borgarskrifstofunum í Reykjavík, gift Ingimar Jóhannssyni
fiskifræðingi, Runólfur Oddsson (f. 1956), verslunarmaður í
Reykjavík, og Vala Agnes Oddsdóttir (f. 1965), fulltrúi í
Reykjavík.
HRINGURINN LOKAST
Milli kvenna eignaðist Oddur læknir son með Ingibjörgu
Kristínu Lúðvíksdóttur og er það Davíð Oddsson (f. 1948),
forsætisráðherra og formaður Sjálfstæðisflokksins, kvæntur
Astríði Thorarensen.
Þegar Davíð Oddsson var ungur maður í menntaskóla og
háskóla var hann fyrst og fremst þekktur sem upprennandi
listamaður og var í slagtogi með öðrum slíkum. Fræg varð
frammistaða hans í Bubba kóngi á Herranótt Menntaskólans
en verulega athygli vakti hann sem einn af Matthildingum í
Ríkisútvarpinu en þar kom hann fram í afar vinsælum skop-
þætti ásamt þeim Hrafni Gunnlaugssyni og Þórarni Eldjárn
þar sem gert var grín að þjóðlífinu, ekki síst stjórnmálunum. I
framhaldi af þessum þætti sömdu þeir félagar tvö leikrit eða
revíur sem sýnd voru í Iðnó. Arið 1974 bauð Davíð sig fram í
prófkjöri Sjálfstæðisflokksins til borgarstjórnarkosninga en
hann hafði þá ekki enn lokið lagaprófi. Náði hann sæti í borg-
arstjórn. Næstu ár bar ekki ýkja mikið á Davíð í stjórnmálum
en í sjónvarpi voru sýnd tvö leikrit eftir hann þannig að enn
skipaði listamaðurinn háan sess í lífi hans. Arið 1982 var ljóst
að Birgir ísleifur Gunnarsson mundi hætta sem leiðtogi sjálf-
stæðismanna í borgarstjórn og Davíð hóf harðvítuga baráttu
til þess að ná sessi hans en helsti andstæðingur hans var Al-
bert Guðmundsson. Vann Davíð þar nauman en frægan sigur
og síðan unnu sjálfstæðismenn borgina úr höndum vinstri
manna með eftirminnilegum hætti. Framhaldið er öllum
kunnugt.
Heimastjórn íslendinga hófst með valdatöku Hannesar
Hafstein af Briemsætt árið 1904 og nú hefur ættarhringnum
verið lokað í bili með valdatöku Davíðs Oddssonar. Einu
sinni lýsti Davíð helstu fyrirmyndum sínum í sjónvarpsviðtali
og þar bar Hannes Hafstein á góma. Hann sagði:
„Þá hreifst ég mjög og hef hrifist lengi af manni eins og
Hannesi Hafstein. Hann var brautryðjandi í þessu landi, lét
yfir sig ganga hluti og stóð af sér storma eins og mörg kvæða
hans bera reyndar með sér. Stæltist mest í stormum og vildi
átökin, hafnaði undanslætti og aulahætti. Hannes var ekki
bara stjórnmálamaður heldur rithöfundur, skáld og mikil
manneskja.“
Kannski hefur Davíð með þessum orðum verið að lýsa sjálf-
um sér eða þeim stjórnmálamanni sem hann sjálfur vildi
verða.
VÍGSLUBISKUP OG SÁLMASKÁLD
3. Valdimar Briem (1848-1930), vígslubiskup og sálmaskáld
á Stóra-Núpi, var þriðja barn Ólafs Briem timburmeistara
sem hér er greint frá. Hann ólst upp hjá séra Jóhanni Briem,
föðurbróður sínum, á Hruna og gekk síðar að eiga dóttur
hans, Ólöfu Briem. Séra Valdimar var einn af helstu höfðingj-
um íslensku kirkjunnar um sína daga og afkastamikið sálma-
skáld. Voru um tíma yfir 140 sálmar eftir hann í sálmabókinni
og enn eru þeir 81 í nýjustu útgáfunni. Meðal þeirra þekktustu
er í dag er glatt í döprum hjörtum við lag Mozarts. Séra Valdi-
mar Briem var kempulegur maður, hár vexti og fríður sýnum
svo af bar. Hann varð snemma grár á hár og skegg sem tók
honum niður á bringu. Sonur þeirra hjóna var:
a. Ólafur Briem (1875-1930), prestur á Stóra-Núpi. Hann
fékk botnlangabólgu sem dró hann til dauða og dó faðir hans
síðan í sömu vikunni. Voru þeir feðgar, prestarnir á Stóra-
Núpi, jarðsettir samtímis. Kona Ólafs var Katrín Helgadóttir
frá Birtingaholti og voru synir þeirra Jóhann Briem (1907-
1991), listmálari í Reykjavík, einn af fremstu listmálurum
þjóðarinnar (meðal barna hans er Katrín Briem (f. 1945),
skólastjóri Myndlistarskólans í Reykjavík), og Ólafur Briem
(f. 1909), mag. art. í íslenskum fræðum, lengst af mennta-
skólakennari á Laugarvatni.
SÝSLUMAÐURINN Á REYNISTAÐ
OG NÍTJÁN BÖRN HANS
Eggert Ólafur Briem (1811-1894) var fimmta barn Gunnlaugs
og Valgerðar á Grund. Eggert fór menntaveginn, útskrifaðist
HEIMSMYND 77