Heimsmynd - 01.06.1991, Page 82

SAMKVÆMISLIFIÐ
Nýkrýnd fegurðardrottning íslands, Svava Haraldsdóttir, ásamt stöllum sínum. Slgrún Eva Kristinsdóttlr úr Njarðvíkum hreppti annað sætið en Sól-
veig Kristjánsdóttir úr Hafnarfirði það þriðja.
Þórdís Steinsdóttir, sem varð númer tvö í keppn-
inni um titilinn Fegurðardrottning íslands í fyrra,
ásamt Magnúsi Hreggviðssyni og vinkonu sinni.
Dómnefndin virðir fyrir sér stúlkurnar þar sem þær
ganga fram á svlðlð. Erla Haraldsdóttlr, Ólafur
Laufdal, Guðrún Möller og Þorgrímur Þrálnsson.
Frá vinstri, Stewart Law, sölusjóri Grand Hyatt-
hótelsins í New York, Ásta Sigríður Einarsdóttir,
fegurðardrottning íslands árið 1990, Andy Hyami,
forstjóri Grand Hyatt-hótelsins, Brynja Nordquist,
Baldvin Jónsson og Linda Pátursdóttir, fyrrverandi
alheimsfegurðardrottning.
ÍSLENSK FEGURÐ
Fegurðarsamkeppni Islands fór
fram við hátíðlega athöfn að við-
stöddu miklu fjölmenni á Hótel Islandi
á dögunum. Húsið var opnað klukkan
sjö og var gestum boðinn fordrykkur
meðan beðið var eftir því að stúlkurnar
gengju í salinn klæddar pelsum frá
Eggerti feldskera. Unglingar úr List-
dansskóla Þjóðleikhússins dönsuðu við
lag Gunnars Þórðarsonar, Tilbrigði við
fegurð, áður en maturinn, sem var fjór-
réttaður, var borinn á borð. Þessu næst
komu stúlkurnar fram í sundbolum,
tvær og tvær í senn og í kjölfarið fylgdi
fjöldi skemmtiatriða. Því næst komu
keppendur fram á samkvæmiskjólum
sem allir voru sérhannaðir af þessu til-
efni. Að því búnu gekk dómnefnd af-
síðis en hana skipuðu Ólafur Laufdal,
formaður dómnefndar, Erla Haralds-
dóttir, Sigtryggur Sigtryggsson, Guð-
rún Möller, Magnús Ketilsson, Svava
Johansen og Þorgrímur Þráinsson.
Mikil spenna ríkti meðal gesta þegar
komið var að því að tilkynna úrslit
keppninnar. Fegurðardrottning íslands
var að þessu sinni kjörin Svava Har-
aldsdóttir, nítján ára Reykjavíkurmær,
en hún hafði áður hreppt titilinn ung-
frú Reykjavík. Ljósmyndari HEIMS-
MYNDAR var á staðnum og tók þess-
ar skemmtilegu myndir.
Mikil spenna ríkti meðal áhorfenda
þegar leið að því að dómnefndin kynnti
niðurstöðu sína.
Úr sætmetinu brugðu heiðursgestirnir
Andy Hyami og Stewart Law sér í Kola-
portið þar sem þeir fengu að smakka á
hákarli.
82 HEIMSMYND