Heimsmynd - 01.06.1991, Qupperneq 99

A special section
on global affairs prepared for
Heimsmynd
SOVÉT SAMVELDI EÐA STÖK RÍKI
íA-RK'
/
Afram félagar?
Eftir ALEXANDER PUMPIANSKI í Moskvu, SSSR
EIN SKÝRASTA endurminning mín úr
bernsku er frá kosningadeginum,
þegar kjörið var til Æðsta ráðsins
og amma mín vaknaði fyrir dögun og
tiplaði á tánum út um dyrnar
svo að hún vekti ekki okkur
hin á leið sinni til
að kjósa. Kjörstað-
irnir opnuðu klukkan
sex að morgni svo að
amma varð að þramma
um þvera borgina
fótgangandi. Hún átti
að kjósa í Stalínkjör-
dæminu þar sem Josif
Vissarionovitsj sjálfur
var í framboði.
Hún vildi vera viss um að
hennar atkvæði _
yrði það fyrsta.
Atkvæðagreiðsla undir
Stalín var ákaflega formleg athöfn, nánast helgi-
siður. Hinn pólitíski guð var einn og ódeilanleg-
ur - Stalín, Flokkurinn og Ríkisstjórnin - rétt
eins og heilög þrenning. Fólkið var líka eitt og
við kosningar myndaði það „órjúfanlega blokk
kommúnista og utanflokksmanna.“ Það var ekk-
ert val í kosningunum; atkvæðagreiðsla var bara
athöfn til staðfestingar hinni einu, sönnu trú.
En svo andaðist Stalín og var eftirá hrundið af
stalli sínum - og hann líkamlega fjarlægður úr
grafhýsi Leníns. En Flokkurinn og Ríkisstjórnin
héldu áfram að vera eins og þau höfðu alltaf ver-
ið, orð rituð með upphafsstöfum og ævinlega
hlið við hlið. „Flokkurinn og ríkisstjórnin hafa
ákveðið“ - þetta var
stöðluð klisja, sem enginn
fann neitt óvenjulegt við, þrátt fyrir vandræða-
braginn á orðalaginu. Og þótt kosningar séu öllu
jarðbundnari í eðli sínu héldu þær áfram að vera
pólitískur helgisiður.
Stjórnvöld urðu áfram að fá fullvissu um tak-
markalausa ást og trúnað fjöldans. Þetta var
jafnan sannað stærðfræðilega: 99,9 og 99,9.
Þessi formúla þýddi að 99,9 prósent atkvæðis-
bærra manna neyttu atkvæðisréttar síns og að af
þeim greiddu 99,9 prósent atkvæði Með. Tíunda
hluta úr einu prósenti var leyft að kjósa ekki og
jafnháum hundraðshluta heimilaðist að kjósa á
Móti. Ekki meira. framhald á næstu síðu
HEIMSMYND 99