Sveitarstjórnarmál - jun. 2019, Side 9

9
SVEITARSTJÓRNARMÁL
Fyrsta verk stjórnar Sambands íslenskra sveitarfélaga á fundi hennar 29. maí sl., var að skrifa
póstkort sem ætluð eru vænlegum kennaraefnum. Á ljósmyndinni eru stjórnarmennirnir: Þórdís
Lóa Þórhallsdóttir, Guðmundur Ari Sigurjónsson, Karl Björnsson framkvæmdastjóri, Heiða Björg
Hilmisdóttir, Eyþór Laxdal Arnalds, Rakel Óskarsdóttir, Aldís Hafsteinsdóttir og Bjarni Jónsson.
Á fjarfundi og því fjarstaddir myndatöku voru Ásgerður K. Gylfadóttir, Kristján Þór Magnússon og
Jón Björn Hákonarson. (Ljósm.: IH).
eftir með sárt ennið og fá ekki stöðu við
þann skóla sem þeir helst hefðu kosið,“
segir Svandís.
Launað starfsnám
Strax frá og með næsta hausti býðst
nemendum á lokaári meistaranáms til
kennsluréttinda á leik- og grunnskólastigi
launað starfsnám. Markmiðið með þeirri
aðgerð er að hvetja nemendur til þess að
klára nám sitt á tilsettum tíma og hefja
störf sem fyrst að námi loknu og farsælan
starfsferil.
Starfsnámið skal vera að lágmarki hálft
stöðugildi við leik- og/eða grunnskóla
í eitt skólaár og fá nemendur greitt
samkvæmt kjarasamningi. Kennaranemar
njóta leiðsagnar reynds kennara á
vettvangi og þess verður gætt að þeir
hafi jafnframt svigrúm til að vinna að
lokaverkefnum sínum.
Um er að ræða sértækar aðgerðir
en fyrirkomulagið verður endurmetið
reglulega með það að leiðarljósi að
efla kennaranám enn frekar. Meirihluti
kennaranema á meistarastigi eru nú
þegar starfandi í leik- og grunnskólum
landsins. Til að tryggja að sem flestir
nemar komist í launað starfsnám
segir Svandís nauðsynlegt að skólar,
sveitarfélög, háskólar og mennta- og
menningarmálaráðuneyti vinni náið
saman. Þá hefði þurft að tryggja stöður
þeirra í nýsamþykktum kennaralögum.
Því miður var það ekki gert og það gerir
stöðu nema og skólastjórnenda mun
erfiðari.
Námsstyrkur til nemenda
Nemendur á lokaári meistaranáms til
kennsluréttinda á leik- og grunnskólastigi
geta sótt um námsstyrk frá og með næsta
hausti. Markmið styrksins er að auðvelda
nemendum að sinna lokaverkefnum
sínum samhliða launuðu starfsnámi og
skapa hvata til þess að nemendur klári
nám sitt á tilsettum tíma. Styrkurinn
nemur alls 800.000 kr. og greiðist í
tvennu lagi. Fyrri greiðslan er bundin við
skil verkefnisáætlunar lokaverkefnis og
hin síðari við skil á lokaverkefni innan
ákveðins tímaramma.
Starfstengd leiðsögn
Svandís segir einnig mikilvægt að fjölga
kennurum sem hafa þekkingu á móttöku
nýliða í kennslu. Slíkir leiðsagnarkennarar
skipti lykilmáli við að sporna gegn
brotthvarfi nýútskrifaðra kennara úr starfi,
en mest hætta er á brotthvarfi úr kennslu
fyrstu þrjú árin.
Starfandi kennarar sem hyggja á nám
í starfstengdri leiðsögn geta sótt um
styrk til námsins, sem fjármagnaður
er af menntamálaráðuneytinu, fyrir
andvirði skráningargjalda. Auk þess veita
sveitarfélög kennurum svigrúm til þess að
sinna þessu námstilboði eins og kostur
er. Námið er þrjár annir, tekið samhliða
starfi og sniðið að starfandi kennurum.
Forsendur þess að fá umræddan
styrk eru annars vegar þær að skóla-
stjórnendur styðji umsókn kennara í
námið og hins vegar að tryggð sé nokkuð
jöfn dreifing styrkja milli skóla og lands-
hluta í því augnamiði að sem flestir skólar
landsins hafi kennara innan sinna raða
með sérhæfingu í starfstengdri leiðsögn.
Aðgerðirnar skila sér
En telur Svandís að þessar aðgerðir muni
skila árangri og þá hvenær?
„Ég hef mikla trú á því að aðgerðirnar skili
árangri og tel þær vera farnar að gera
það nú þegar miðað við aðsóknartölur
í kennaranám við HÍ og HA. Þeir
sem þegar hafa grunngráðu ýmist í
kennarafræðum eða öðrum hug- og
félagsvísindagreinum sækja sér nú í
auknum mæli kennsluréttindi til viðbótar.
Áhugi og umræða með jákvæðum
formerkjum um mikilvægi skólastarfs á
leik- og grunnskólastigi, um mikilvægi
kennarans fyrir nemendur og um
mikilvægi samræðu og samstarfs allra
hagsmunaaðila um gæðaskólastarf fyrir
alla, bæði nemendur og kennara, er orðin
svo miklu meiri en fyrir örfáum misserum.
Mörg sveitarfélög hafa á síðastliðnum
árum styrkt sérstaklega starfsfólk
leikskóla til að afla sér kennsluréttinda
og menntunarstig þar hefur aukist jafnt
og þétt. Nemendafélög háskólanna hafa
unnið þrekvirki við að kynna námsleiðir
fyrir kennara og er facebook-síðan
„Komdu að kenna“ alveg frábært dæmi
um það hvað jákvætt hugarfar hefur mikið
að segja. Það er því engin ástæða til
annars en bjartsýni. Ég er full tilhlökkunar
fyrir komandi vetur og sannfærð um að
við séum á réttri leið,“ segir Svandís.