Fréttablaðið - 11.08.2018, Side 74

Elín
Albertsdóttir
elin@frettabladid.is
Mjög góður hamborgari með taco-kryddi.
Grillað nautakjöt á teini.
Þessir réttir eru svolítið hver úr sinni áttinni en eiga það þó allir sameiginlegt að vera
sumarlegir og góðir. Það er alltaf
skemmtilegt að prófa eitthvað nýtt.
Mexíkóhamborgari
með nachos
Hvernig væri að breyta aðeins til og
útbúa hamborgara með mexíkósku
ívafi? Það er gert með því að nota
taco-krydd og nachos. Hamborgar-
inn er borinn fram með tómötum
og lárperumauki. Uppskriftin
miðast við fjóra.
400 g nautahakk
1 poki taco-krydd
100 g rifinn ostur
1 msk. smjör til að steikja upp úr ef
ekki er grill

Heimagert nachos
3 litlar hveititortillur
½ msk. olía
¼ tsk. salt
1 tsk. paprikuduft
Lárperumauk
1 lárpera
¼ tsk. salt
½ tsk. pipar
Smávegis límónusafi

Meðlæti
Maísbaunir
Sýrður rjómi
Tómatar
Hamborgarabrauð
Til að gera tortilla-nachos: Klippið
hverja tortillaköku í jafnstóra þrí-
hyrninga. Raðið á bökunarplötu,
vætið örlítið með olíu og kryddið
með salti og paprikudufti. Bakið
neðarlega í ofni við 160°C í 10
mínútur. Kælið.
Lárperan þarf að vera mjúk svo
hægt sé að stappa hana. Bætið lím-
ónusafa saman við og bragðbætið
með salti og pipar.
Hrærið taco-kryddblöndunni
saman við nautahakkið. Blandið
rifnum osti saman við og mótið
fjóra hamborgara. Steikið ham-
borgarana á pönnu með bræddu
smjöri eða grillið þá á útigrilli í 4-5
mínútur á hvorri hlið. Hitið brauðin
augnablik á grillinu eða í ofni.
Setjið lárperumaukið undir ham-
borgarann, síðan tómat og nachos
yfir. Þá er þess getið í uppskriftinni
að gott sé að mauka maísbaunir
úr dós í matvinnsluvél saman við
fjórar matskeiðar af sýrðum rjóma
og bera fram með réttinum. Það má
líka hafa beikon á borgaranum, allt
eftir smekk.
Sesarsalat með kjúkling
Sesarsalat er heimsþekkt og löngu
orðið klassískt. Það er salatsósan
sem skiptir öllu máli í þessu salati
og hana þarf að gera eftir upp-
skriftinni. Hvort sem þér finnst
ansjósur góðar eða vondar eru þær
nauðsynlegar í sósuna. Uppskriftin
miðast við fjóra. Það er hægt að
hægt að hafa sesarsalat með eða án
kjúklings. Hér er uppskrift þar sem
kjúklingurinn er með.
4 brauðsneiðar
2 msk. olía
2 kjúklingabringur
¼ tsk. salt
¼ tsk. pipar
150 g beikon
1 haus romano- eða jöklasalat
50 g parmesanostur

Dressing
2 eggjarauður
1 tsk. Dijon-sinnep
3 mjög smátt skornar ansjósur
1 hvítlauksrif, pressað
Safi úr hálfri sítrónu
1½ dl olía
30 g parmesan
¼ tsk. salt
¼ tsk. cayenne-pipar
Gerið dressinguna fyrst. Hrærið
saman eggjarauðum, sinnepi,
ansjósum, sítrónusafa og hvítlauk.
Hellið olíunni varlega í mjórri bunu
yfir og hrærið saman þannig að úr
verði þykkari sósa, líkt og majónes.
Bætið þá við einni lúku af rifnum
parmesanosti og bragðbætið með
salti og cayenne-pipar.
Hitið ofninn í 220°C. Skerið
brauðið í teninga og setjið á bök-
unarpappír á bökunarplötu. Dreifið
olíu yfir. Bakið í ofni í 15 mínútur og
kælið síðan.
Kryddið bringurnar með salti og
pipar. Steikið þær á pönnu í tvær
mínútur á hvorri hlið eða setjið á
útigrill. Setjið lok á pönnuna og
steikið áfram í fjórar mínútur eða
þar til bringurnar eru fullsteiktar.
(Ef bringurnar eru grillaðar úti ættu
þær að vera í um það bil sex mínút-
ur á hvorri hlið). Takið bringurnar
af pönnunni og steikið beikonið þar
til það verður stökkt. Leggið steiktar
beikonsneiðar á eldhúspappír.
Rífið salatið í grófa bita og leggið í
stóra skál. Dreifið dressingunni yfir
og hrærið allt saman. Dreifið brauð-
teningunum yfir, því næst parmes-
anosti, kjúklingabringunum sem
hafa verið skornar í þunnar sneiðar
og loks beikoninu. Gott er að setja
nýmalaðan pipar yfir salatið.
Nautagrillspjót með
jógúrtsósu
Í þessari uppskrift er notað gott
nautakjöt sem er skorið í þykka bita
sem settir eru á grillspjót. Þetta er
mjög góð uppskrift fyrir helgina og
uppskriftin dugar fyrir fjóra.
800 g gott nautakjöt
Salt

Grillsósa
1 dl tómatsósa
½ dl vatn
2 msk. rauðvínsedik
1 msk. instant kaffi
1 tsk. cayenne-pipar
1 tsk. kóríander, þurrkað
2 hvítlauksrif
4 msk. sólblómaolía
½ tsk. sykur
½ tsk. salt
½ tsk. nýmalaður pipar

Jógúrt- og baunaídýfa
1 dós hvítar baunir (butterbeans)
½ smátt skorinn laukur
2 msk. sítrónusafi
1 hvítlauksrif
1msk. ferskt minta, smátt skorin
100 g grísk jógúrt
½ tsk. salt
¼ tsk. nýmalaður pipar
Gerið grillsósuna fyrst. Blandið öllu
saman og smakkið til með sykri,
salti og pipar.
Skolið baunirnar undir rennandi
vatni og þerrið. Setjið í matvinnslu-
vél ásamt öllu öðru sem talið er upp
í uppskriftinni. Bragðbætið með
salti og pipar.
Skerið kjötið í 4 cm bita. Saltið.
Leggið tréspjót í bleyti. Setjið um
það bil 200 g af kjöti á hvert spjót.
Hafið örlítið bil á milli bitanna svo
hitinn komist í gegn.
Grillið bitana í um það bil 20
mínútur og snúið reglulega. Berið
fram með grillsósunni og bauna- og
jógúrtídýfu. Það má líka pensla
kjötið með grillsósunni meðan það
er á grillinu en takið þá frá sósu til
að hafa sem meðlæti.
Snjallir réttir um helgina
Helgin er loksins runnin upp og þá vilja flestir fá sér eitthvað gott að borða. Grillmatur er vinsæll
og hér eru nokkrar hugmyndir að snjöllum réttum sem gaman gæti verið að bjóða gestum upp á.
Viltu verða rekstrarfulltrúi?
Nýtt tækifæri fyrir þig!
Hagnýt viðskipta- og fjármálagreinabraut
• Er langt síðan þú varst í skóla?
• Hefur þig lengi langað að drífa þig í nám en ekki þorað?
• Áttu slæmar minningar frá fyrri skólagöngu?
Vel menntaðir og áhugasamir kennarar, góð aðstaða, mikil reynsla og afslappað andrúmsloft. Þessi braut veitir mörg tækifæri á vinnumarkaði og til frekara náms.
Hagnýt viðskipta- og fjármálagreinabraut er þriggja anna braut með tengingu við vinnustaði. Aðaláhersla er lögð á viðskipta- og samskiptagreinar.
Í lok námsins fá nemendur diploma sem rekstrarfulltrúi. Kennsla hefst í ágúst 2018.
Nánari upplýsingar gefur Inga Karlsdóttir, fagstjóri í síma 594 4000/8244114 eða inga.karlsdottir@mk.is
8 KYNNINGARBLAÐ FÓLK 1 1 . ÁG Ú S T 2 0 1 8 L AU G A R DAG U R