Fréttablaðið - 17.12.2016, Blaðsíða 78

Sveitin fylgir því sem lagt hefur verið upp með alla tíð, að flytja hátíðlega barokk-tónlist og ekkert annað,“ segir Áshildur Haraldsdótt-ir flautuleikari, talandi um
jólatónleika Kammersveitar Reykja-
víkur á morgun, sunnudag, klukkan
17.15 í Norðurljósasal Hörpu. Hún
segir það fasta jólahefð í lífi margra
að fara á þessa árlegu tónleika og nú
verði sú nýbreytni að söngvari komi
fram með sveitinni, enginn annar en
Kristinn Sigmundsson.
Kammersveitin stendur á tíma-
mótum því Rut Ingólfsdóttir sem
stofnaði hana fyrir 40 árum er hætt.
„Nú erum við nokkur saman sem
rekum sveitina af ástríðu. Erum
atvinnumenn en þetta er samt hug-
sjónastarf því okkur finnst nauðsyn-
legt að hafa eina svona kammersveit
í samfélaginu. Það er líka stór hópur
sem vill hafa hana áfram en það er
ekki alveg sjálfgefið mál á okkar
tímum.“
Áshildur segir jólatónleikana
mannfrekustu tónleika ársins. „En
þetta gengur vel hjá okkur. Það er
góð stemning í hópnum og mér líst
mjög vel á samstarfið við Kristin
Sigmunds og Jory Vinikour, einn af
fremstu semballeikurum heims, sem
mun stjórna tónleikunum, auk þess
að flytja sembalkonsert C.P.E. Bachs.“
Áshildur kveðst hafa kynnst Jory
Vinikour fyrst þegar hún var í Banda-
ríkjunum í námi, þá hafi þau spilað
saman, síðar hafi þau rekist hvort
á annað í Parísarkonservatoríinu.
Hann hafi líka unnið með Kristni í
Parísaróperunni og það sé sérstakt
ánægjuefni að fá þessa tvo frábæru
listamenn til samstarfs við Kammer-
sveitina nú.
Spurð hvort ekki þurfi að skipu-
leggja svona gigg með margra mán-
aða fyrirvara svarar Áshildur: „Jú, því
frægari sem listamenn eru, því meiri
fyrirvari.“
Áshildur byrjaði að spila með
Kammersveitinni sem einleikari
þegar hún var nýbúin í námi og
kveðst hafa verið viðloðandi hana í
tíu ár. Hún segir áheyrendur á tón-
leikum sveitarinnar jafnan vera á
öllum aldri. „Stærsti áheyrendahópur
klassískrar tónlistar er samt miðaldra
og upp úr,“ segir hún. „En það koma
alltaf nýir miðaldra svo ég hef engar
áhyggjur.“ gun@frettabladi.ids
Föst jólahefð í lífi margra að hlýða á barokkið
Jory Vinikour semballeikari stjórnar Kammersveit Reykjavíkur  á árlegum jólatónleikum  í Norðurljósasal Hörpu á
morgun. Einn af fremstu semballeikurum heims mun stjórna tónleikunum og Kristinn Sigmundsson syngur með.
Það ER góð StEmN-
iNg í HópNum og méR
líSt mJög VEl á SamStaRfið
Við KRiStiN SigmuNdS og
JoRy ViNiKouR, EiNN af
fREmStu SEmballEiKuRum
HEimS.
Bækur
Svartigaldur
HHHHH
Stefán Máni
Útgefandi: Sögur
Prentun: í Lettlandi
Fjöldi síðna: 373 bls.
Kápa: Kontor Reykjavík
L ö g r e g l u m a ð u r i n n
Hörður Grímsson á sér
drauma um að verða
ra n n s ó k n a r l ö g r e g l u -
maður. Enn er hann
samt í götulöggunni en
fær óvænt tækifæri til að láta að
sér kveða þegar hann uppgötvar
tengsl milli rannsóknar á morðinu
á alþingismanni og hauskúpu sem
finnst í geymsluhúsnæði á Granda-
garði. Morðmálið vindur upp á
sig í óvenjulegar áttir og Hörður
þarf ekki bara að trúa ýmsu ótrú-
legu heldur ná að sannfæra yfir-
menn sína. Meðfram þessu fáum
við innsýn í einkalíf Harðar, sem er
hávaxinn, þögull og einrænn með
lágt sjálfsmat enda hefur hann sína
djöfla að draga. Að auki er hann
skyggn og sér fyrir hvenær dauðinn
nálgast en ekki hvern eða hvernig.
Allt leggst þetta á eitt um að gera
hann að dæmigerðum einfaralöggu-
manni sem hefur samt einhvern
grófan og drengslegan sjarma sem
gerir það að verkum að konan sem
hann er hrifinn af lætur sig hafa
allt ruglið sem fylgir honum, bæði
í einkalífi og starfi.
Stefán Máni er góður stílisti og
skrifar texta sem rennur vel, er þétt-
ur og á köflum unun að lesa. Þrátt
fyrir titil bókarinnar og efnistök eru
hér ekki til staðar óþægindin sem
eitt sinn voru ráðandi í bókum hans
og það er til marks um að Stefán
Máni þarf ekki lengur að sjokkera
til að halda sínu heldur er kominn
með það vald á textanum að hann
þarf ekki lengur að beita brögðum
til að fanga lesandann. Hann hefur
lýst því yfir að hann væri til í að sjá
fleiri bækur sínar enda á hvíta tjald-
inu en skáldsaga hans Svartur á leik
varð að kvikmynd fyrir nokkrum
árum og Svartigaldur
er mjög myndræn saga
sem auðvelt væri að
sjá fyrir sér sem sjón-
varpsþáttaröð eða í
bíó. Gaman var líka
að rekast á höfundinn
sjálfan á Vitabar í
litlu hlutverki, svona
aðeins stærra en
Hitchcock sem alltaf
sást í einhverju formi
í myndum sínum.
Svartigaldur er að
upplagi hefðbundin
glæpasaga sem teygir
sig yfir í hið yfirnáttúrulega og vefur
það saman við grákaldan raunveru-
leikann. Fléttan er skemmtileg og
tekur óvæntar sveigjur og þegar
hið yfirnáttúrulega og óhugnan-
lega kemur í ljós hefur það verið
svo haganlega samofið raunveru-
leikanum að það verður lesand-
anum ekkert erfitt að samþykkja
þá framvindu. Stefán Máni þakkar
á síðustu síðu nokkrum fagaðilum
sem hann hefur greinilega leitað til
og það skilar sér því sagan er trú-
verðug þrátt fyrir yfirnáttúruna og
sérstaklega innsýnin í starf lögreglu-
manna og lífið á Litla-Hrauni. Hann
þakkar einnig Matthíasi Viðari
Sæmundssyni sérstaklega en sá ein-
staki fræðimaður lagði gríðarlega til
þekkingar Íslendinga með bók sinni
Galdrar á Íslandi, þar sem er að
finna einstæða heimild um galdra á
Íslandi eins og þeir voru stundaðir
á 17. öld.
Ekki má gleyma að minnast á
bókarkápuna sem er geysilega falleg
og áhrifamikil, bundin eins og bibl-
ía og blöðin og öll áferð í þeim dúr.
Umgjörðin leggur mikið til lestrar-
upplifunarinnar og saman vinna
þau að því að gera þessa glæpasögu
ánægjulega aflestrar og jafnvel lyfta
henni aðeins yfir formið.
Brynhildur Björnsdóttir
NiðurStaða: Svartigaldur er
prýðisgóð afþreying, vel unnin allt
frá fléttu að fallegu bandi, fengur
fyrir glæpasöguunnendur, galdra-
áhugamenn og þá sem finnst gaman
að lesa góðar bækur.
Galdrar í Reykjavík
S ö n g v e i s l a
I c e l a n d i c a n d c l a s s i c a l s o n g s a n d a r i a s
4CD
og
and S I N G E R S
SÖNGVARAR
Ólafur Vignir Albertsson piano
43
Sön g v e i s l a
á fjórum hljómdiskum
Til sölu hjá:  12 TÓNUM, Skólavörðustíg
Smekkleysu, Laugavegi
Pennanum-Eymundsson og á netinu:
panta@profilm.is
Ólafur Vignir Albertsson leikur íslensk
lög og erlend, svo og aríur úr óperum með
43 af helstu söngvurum okkar áranna
1964-2009.
1 7 . d e S e M B e r 2 0 1 6 L a u G a r d a G u rM e N N i N G ∙ F r É t t a B L a ð i ð