Fréttablaðið - 18.03.2011, Blaðsíða 26

4 föstudagur 18. mars
Sigríður Heimis-
dóttir, eða Sigga
Heimis eins og hún er
betur þekkt, er líklega
sá hönnuður sem hvað
flestir Íslendingar eiga
eitthvað eftir, án þess
þó að gera sér grein
fyrir því. Hún starfaði hjá
IKEA í mörg ár og er nú
flutt heim til Íslands eftir
15 ára búsetu erlendis.
S
igga hefur að eigin sögn
ávallt verið frekar list-
hneigð og haft mik-
inn áhuga á öllu sem
viðkemur menningu og hönn-
un. Hún stundaði myndlistar-
nám sem barn og á menntaskóla-
árunum var hún virk í listafélagi
MR. Sautján ára gömul fór hún
sem skiptinemi til Bandaríkj-
anna og segir listakennara sinn
þar hafa verið mikinn áhrifavald
í lífi sínu. „Þetta var í raun aukaár
sem ég tók þarna úti því á þess-
um tíma fékk maður skiptinám-
ið ekki metið. Ég nýtti tímann vel
og tók öll listafög sem ég gat kom-
ist í, grafíska hönnun, ljósmynd-
un og myndlist. Ég var líka með
alveg frábæran listakennara sem
hvatti mig áfram og ýtti á mig að
halda áfram á þessari braut,“ út-
skýrir Sigga. Hún íhugaði fyrst að
fara út í arkitektúr en iðnhönnun-
in varð ofan á, þar sem hana lang-
aði heldur til að hanna staka hluti
en heilar byggingar.
„Ég varð að fara út að læra,
enda var þetta nám ekki kennt
hér heima á þessum tíma. Ítalía
kom sterk inn því Ítalir eiga alveg
sérstakan stað í nútíma hönnun-
arsögu. Ég flutti því út til Rómar
í byrjun sumars og skráði mig á
ítölskunámskeið og byrjaði svo
í hönnunarnáminu í Mílanó um
haustið. Í fyrstu skildi ég mjög
lítið af því sem fram fór í tímum
og man að ég keypti í öngum
mínum diktafón til að hafa með
mér í skólanum,“ segir hún og
skellir upp úr.
NAUT SÍN HJÁ IKEA
Að námi loknu ákvað Sigga að
flytja aftur til Íslands og kom þá
heim í miðja kreppu þegar litla
vinnu var að fá. Hún tók að sér
starf í húsgagnaverslun og þar
segist hún hafa lært margt nyt-
samlegt. Meðfram verslunarstarf-
inu tók Sigga að sér ýmis hönn-
unarstörf og vann meðal ann-
ars fyrir Ofnasmiðjuna og GKS.
Auk þess stofnaði hún fyrirtækið
Hugvit og hönnun, sem hún starf-
rækir enn þann dag í dag. Sigga
var einnig dugleg að sækja hönn-
unarsýningar til að kynna sig og
það var á einni slíkri sem hönn-
unarstjóri IKEA uppgötvaði hana.
„Hann bauð mér að vinna nokkur
verkefni fyrir IKEA og ég sagðist
vera tilbúin að skoða það. Mörg-
um fannst ég þó hafa selt sálu
mína við þetta, og það ódýrt, en
ég skildi aldrei þá hugsun. Mein-
ingin með náminu er líklega sú að
geta lifað af því sem maður hefur
lært? Þess vegna hef ég oft brýnt
fyrir unghönnuðum mikilvægi
þess að sækja svona sýningar því
þar leynast mörg tækifæri.“
Sigga starfaði sjálfstætt fyrir
húsgagnarisann í eitt ár en ákvað
svo að snúa aftur til Ítalíu og ljúka
meistaranámi í iðnhönnun. Að því
loknu bauðst henni föst staða hjá
IKEA og starfaði hún hjá fyrir-
tækinu næstu átta árin. Fyrir jól
fór fram sýning á verkum Siggu
í Hönnunarsafni Íslands og hefur
það líklega komið mörgum sýn-
ingargestum á óvart hversu kunn-
ugleg mörg verka hennar eru.
„IKEA er umsvifamesti húsgagna-
framleiðandi í heimi og lágt vöru-
verð gerir það einnig að verkum
að allir hafa efni á að versla þar.
Ég fæ alltaf ánægju út úr því að sjá
hönnun mína heima hjá vinum og
vandamönnum, en oftast veit fólk
ekki einu sinni af því að ég hafi
hannað hlutinn,“ segir hún bros-
andi.
Eftir næstum áratug hjá IKEA
flutti Sigga sig um set og hóf
störf hjá danska hönnunarfyrir-
tækinu Fritz Hansen, sem fram-
leiðir meðal annars hönnun Arne
Jacobsen. „Ég fór úr einum enda
hönnunarbransans yfir í hinn.
Það er frábært að hafa kynnst
öllum hliðum bransans og ég tel
mig hafa grætt mikið á því,“ segir
hún.
TÆKIFÆRIN LEYNAST VÍÐA
Þegar talið berst að íslenskri hönn-
un segir Sigga margt mjög áhuga-
vert vera í gangi hér og nefnir í
því samhengi fyrirtækin Aurum,
Steinunni, Farmers Market og
Össur. Hún segir fólk of gjarnt á
að einblína á hið listræna þegar
kemur að hönnun en tekur fram
að hönnun lík því sem Össur er að
gera sé engu að síður mikilvæg-
ur liður í iðnhönnun. „Nágranna-
lönd okkar búa vissulega að lengri
hönnunarsögu en við. Þótt það geti
reynst vel finnst mér það einnig
geta virkað heftandi því þá þarf
gjarnan að taka mið af þeim hönn-
unararfi, á meðan við getum leyft
okkur að vera tilraunagjarnari. Ég
sé í það minnsta fullt af möguleik-
um hér heima hvað hönnun varð-
ar; það eina sem við þurfum að
passa okkur á er að vera fagmann-
leg í verki.“
Spurð að því hvort hún haldi
sérstaklega upp á eitthvert verka
sinna segist Sigga alltaf eiga erf-
itt með að svara þeirri spurn-
ingu. „Maður dettur svo inn í
það verkefni sem maður sinn-
ir hverju sinni að það verður oft-
ast uppáhaldsverkefnið manns þá
stundina. Núna er ég til dæmis
að hanna fjölskylduvænt hjól-
hýsi fyrir sænskt fyrirtæki og mér
finnst það afskaplega áhugavert,
enda hef ég aldrei hannað hjól-
hýsi áður. Og núna á Hönnun-
armars verð ég með ný húsgögn
með innbakaðri ádeilu á hvernig
við Íslendingar erum að fara með
fallega landið okkar. Annars held
ég alltaf mikið upp á glerlíffærin
mín.“
ÁNÆGÐ Á ÆSKUSLÓÐUM
Sigga kynntist eiginmanni sínum,
David Sandahl, í gegnum starf
sitt hjá IKEA, en hann vann sem
vöruþróunarverkfræðingur hjá
fyrirtækinu. Saman eiga hjónin
þrjú börn, eina dóttur og tvo syni,
sem þau eignuðust á þriggja ára
bili. „Við kynntumst á plastnám-
skeiði í Tékklandi, eins rómantískt
og það hljómar. Vinum mínum
þótti fyndið að ég hefði náð mér í
sænskan mann því ég hafði talað
mikið um það að ég mundi aldrei
giftast Svía,“ segir hún brosandi.
Fjölskyldan flutti búferlum til Ís-
lands í byrjun hausts og segist
Sigga alsæl yfir að vera komin
aftur heim. „Það var eiginlega
David sem vildi flytja hingað. Ég
hélt ég hefði slegið málið út af
borðinu með því að segja honum
að finna sér vinnu fyrst en hann
gerði það og þá var ekkert því til
fyrirstöðu að við kæmum heim.“
Fjölskyldan fann sér heimili á
Seltjarnarnesinu og að sögn Siggu
þrífast börnin eins og blóm í eggi
á þessum fallega stað. Miðjubarn
Siggu var greint með einhverfu og
viðurkennir Sigga að góð þjónusta
og stuðningur við einhverf börn
hér á landi hafi átt stóran þátt í
þeirri ákvörðun að flytja heim.
„Þó að ég hafi kunnað afskaplega
vel við mig í Svíþjóð þurftum við
að bíða lengi eftir allri aðstoð við
strákinn okkar. Hér gengur þetta
allt mun hraðar fyrir sig og hann
er ánægðari fyrir vikið. Auk þess
erum við foreldrarnir áhyggjulaus-
ari hér og börnin frjálsari ferða
sinna.“ Innt eftir því hvort hún
sakni einhvers frá Svíþjóð verð-
ur hún hugsi: „Ég held það mundi
gera öllum Íslendingum gott að
búa um stund í Svíþjóð. Þar lærði
ég aga og ákveðið skipulag, sem
er alveg nauðsynlegt,“ segir hún
og hlær.
KOMIN HEIM Á ÆSKUSLÓÐIR
Viðtal: Sara McMahon
Ljósmyndir: Valgarður Gíslason
✽
m
yn
da
al
bú
m
ið
Þetta eru gullmolarnir mínir þrír; Anna Lovísa,
Baltasar og Heimir Móses.
Þarna erum við eiginmaðurinn í Landmannalaugum. Ég og dóttirin Anna Lovísa í Landmannalaugum.
LIDAN-körfur,
gerðar fyrir
baðherbergið,
og einn lang-
mest seldi
hlutur sem ég
hef hannað.
Komin heim Sigga Heimis
iðnhönnuður er flutt heim til Ís-
lands eftir fimmtán ára búsetu
erlendis. Hún segist ánægð
með að vera komin heim á
æskuslóðirnar á Nesinu.