Fréttablaðið - 18.03.2011, Page 44

18. mars 2011 FÖSTUDAGUR
menning@frettabladid.is
Myndlist ★★★★
Hugarlundur
Brynhildur Þorgeirsdóttir
Þolgæði
Jón Henrysson
Listasafn ASÍ
Brynhildur Þorgeirsdóttir sló í gegn
á síðustu öld með persónulegum og
frumlegum skúlptúrum úr steypu
og gleri. Pönkuð furðudýr með ein-
hvers konar gadda eða hanakamb
komu, sáu og sigruðu. Brynhildur
hefur alla tíð síðan verið trú mynd-
heimi sínum, en innan hans hefur
hún fetað ýmsa stíga. Nú sýnir
hún aftur furðudýr, ef til vill er
hún þar frjóust og upp á sitt besta.
Pönkið hefur nú að mestu vikið
fyrir lífrænum og mýkri formum
og fágaðra yfirborði en verkin eru
heillandi. Samspil glers og sands
býður upp á nær óþrjótandi mögu-
leika og formin, ofurviðkvæm og
brothætt eða þung og sterk, kall-
ast á. Brynhildur er í góðri þróun
í verkum sínum og sýnir hér sínar
bestu hliðar. Ásmundarsalur er þó
kannski full stór í sniðum fyrir
þau verk sem hér eru sýnd, en
framsetning þessara verka skiptir
nokkru máli.
Afstaða Brynhildar til listarinn-
ar er af gamla skólanum. Skúlptúr-
ar hennar eiga kannski meira sam-
eiginlegt með t.d. verkum Sigurjóns
Ólafssonar en með verkum margra
samtímalistamanna. Listhluturinn
heldur hér gildi sínu, það er rétt
eins og brambolt síðustu áratuga
hafi aldrei átt sér stað. Brynhild-
ur eyðir ekki tímanum í vangavelt-
ur um hlutverk listamannsins eða
stöðu listar í samtímanum. Reynir
ekki á þanþol og mörk og rannsak-
ar ekki rýmið, helstu tilhneigingar
samtímalistar láta hana ósnerta.
Skúlptúrar hennar eru ekki minna
virði fyrir vikið, myndheimur henn-
ar er sterkur og frjór.
Sýning Jóns Henryssonar í
Gryfju kallast skemmtilega á við
sýningu Brynhildar og myndheim-
ur hans er ekki síður frjór. Efnis-
notkun Jóns er sterkur þáttur í
verkum hans. Hér notar hann plast-
efni og líklega akrýlliti, við sköp-
un samsettra, litríkra málverka.
Myndir úr plastperlum (Hama)
eru settar inn á myndflötinn, ofan
á þykkan litinn eða fljótandi plast-
efni sem harðnar. Allt þetta í sam-
spili við texta, álímd orð eða teikni-
myndasögur í bakgrunni. Fígúrur
á myndum minna á teiknimynda-
fígúrur úr ríki Svamps Sveinsson-
ar en líka á myndverk eftir Egil
Sæbjörnsson.
Í gryfjunni hefur listamaðurinn
reist indíánatjald með trjábolum,
klæðningin úr glæru plasti. Stól-
ar og kerti skapa tilfinningu fyrir
híbýlum, kósíhorni. Jón býður
áhorfandanum afdrep í erilsöm-
um heimi.
Myndirnar eru í anda nýrra
strauma í málverki sem hafa verið
ríkjandi um nokkurt skeið. Litrík-
ur myndflötur, mynstur, samsett-
ur myndflötur, graffití – hræri-
grautur ólíkra áhrifa er settur
fram á mismunandi máta á mynd-
fleti málaranna. Form, línur eða
myndbygging er ekki aðalatriðið,
heldur að ná tökum á því að vinna
með svo margbrotin áhrif og miðla
á myndfletinum, og skapa um leið
eitthvað merkingarbært. Jón hefur
gott vald á myndmáli sínu, samspil
orða og mynda er frjótt í verkum
hans og litanotkunin, hin efnis-
lega ofgnótt, áhugaverð. Í hráleika
sínum minna verkin líka á nýja
málverkið á níunda áratug.
Jóni tekst ágætlega að miðla
þeirri blöndu af gleði og angist
nútímamannsins sem hann sækist
eftir, vangaveltur um „hamingju-
harðdiskinn“ eins og hann orðar
það skila sér vel.
Ragna Sigurðardóttir
Niðurstaða: Frjóar og persónulegar
sýningar spila skemmtilega saman.
Brynhildur Þorgeirsdóttir sýnir sínar
bestu hliðar og innsetning Jóns
Henryssonar skapar litríkan, heild-
stæðan heim þar sem áhorfandinn
hefur úr miklu að moða.
Furðudýr og hamingjuharðdiskur
PAUL AUSTER Í NÝRRI ÞÝÐINGU Bókafélagið Ugla hefur gefið
út skáldsöguna Maður í myrkri eftir Paul Auster í þýðingu Kjartans Más
Ómarssonar. Bókin segir frá rosknum bókmenntagagnrýnanda, sem dvelur
í húsi dóttur sinnar í Vermont í Bandaríkjunum til að jafna sig eftir bílslys.
VILTU VINNA MIÐA?
SENDU SMS ESL LDV
Á NÚMERIÐ 1900
ÞÚ GÆTIR UNNIÐ BÍÓMIÐA!
Fullt af aukavinningum:
Tölvuleikir · DVD myndir
og fleira!
NÚ Í BÍÓ
VINNINGAR AFHENTIR Í ELKO LINDUM. 149 KR/SKEYTIÐ.
MEÐ ÞVÍ AÐ TAKA ÞÁTT ERTU KOMINN Í SMS KLÚBB.
9. HVER
VINNUR!
VILTU
VINNA
MIÐA?