Fréttablaðið - 18.03.2011, Blaðsíða 35

FÖSTUDAGUR 18. mars 2011 3
Ég valdi þetta leikrit vegna þess að
það er bara tveggja ára gamalt og
skrifað fyrir ungt fólk fyrir þjóð-
leikhúsið í Bretlandi,“ segir Sara
Marti Guðmundsdóttir, leikstjóri
verksins DNA sem Stúdentaleik-
húsið frumsýnir í Norðurpólnum
annað kvöld. Höfundur verksins er
Dennis Kelly, sem skrifaði meðal
annars Munaðarlaus og Elsku barn
sem sýnt er í Borgarleikhúsinu um
þessar mundir.
Sara segir verkið vera mikið
leikarastykki. „Stúdentaleikhús-
ið hefur sett upp margar sýning-
ar undanfarið þar sem þau búa til
sýningarnar frá grunni sjálf, þann-
ig að bæði ég og þau vorum æst í
að nota tímann til að vinna leikara-
vinnu eftir handriti. Síðustu átta
vikurnar erum við búin að vinna í
því að búa þessar persónur til og að
mínu mati hefur tekist mjög vel til.
Ég er bara svakalega ánægð með
sjálfa mig og leikhópinn minn.“
Söru vefst eilítið tunga um tönn
þegar hún er beðin um að flokka
verkið en segir þó að þetta sé
spennuleikrit. „Já, þetta er spenna
en sett fram á léttu nótunum, þótt
húmorinn sé svolítið svartur.“ segir
hún. „Ég vil ekki ljóstra of miklu
upp um söguþráðinn en þetta
fjallar um prakkarastrik sem fer
aðeins yfir strikið og hvernig hóp-
urinn vinnur sig út úr því.“
Sýningin annað kvöld er frum-
sýning í tvennum skilningi hjá
Söru því hún útskrifaðist sem leik-
stjóri í desember og hefur ekki sett
upp verk hér heima áður. „Ég var í
námi í London og er bara nýkom-
in heim. Fór beint í þetta verkefni
og er óskaplega ánægð með leik-
hópinn og vinnuna með honum. Ég
er meira að segja svo ánægð með
útkomuna að tveimur dögum fyrir
frumsýningu er ég meira spennt
en stressuð. Það hefur aldrei gerst
fyrr.“
Leikarar í sýningunni eru ellefu
talsins, aðstoðarleikstjórn er í
höndum Sigríðar Eirar Zophoní-
asardóttur, Ragnheiður Maísól sér
um leikmyndagerð og Sóley Stef-
ánsdóttir sér um tónlist við verkið.
Birgit Ortmeyer hefur yfirumsjón
með búningum og henni til aðstoð-
ar eru þær Hera Guðbrandsdóttir
og Rebekka Magnúsdóttir. Önnur
sýning verður mánudaginn 21.
mars og sýningar eru fyrirhugað-
ar fram til 9. apríl.
fridrikab@frettabladid.is
Prakkarastrik sem fer yfir strikið
Stúdentaleikhúsið frumsýnir annað kvöld í Norðurpólnum verkið DNA eftir Dennis Kelly í leikstjórn Söru Marti Guðmundsdóttur.
Sara Marti Guðmundsdóttir, leikstjóri
sýningarinnar.
Stúdentaleikhúsið frumsýnir DNA eftir Dennis Kelly í Norðurpólnum annað kvöld.
Tónleikar Kristjönu Stefáns-
dóttur og Kjartans Valde-
marssonar, Bland í poka,
dægurperlur samtímans í
djassbúningi, verða haldnir í
Menningarmiðstöðinni Gerðu-
bergi í kvöld klukkan 20.
Kristjana Stefánsdóttir söng-
kona og Kjartan Valdemars-
son píanóleikari hafa starfað
saman í fjölda ára. Í Gerðu-
bergi í kvöld munu þau leika
lög úr öllum áttum, allt frá
djassperlum til glænýrra
dægurlaga, en þau stóðu
meðal annarra að tónleika-
röðinni Söngbók djassins á
Tíbrá í Salnum. Þar léku þau
eigin útsetningar á þekktum
perlum djasstónlistarinnar.
Sunnudaginn 20. mars
verður einnig í Gerðubergi
djasssöngsmiðja fyrir klass-
ískt menntaða söngvara í
umsjón þeirra Kristjönu og
Kjartans.
- rat
Bland í poka
Kjartan Valdemarsson og Kristjana
Stefánsdóttir flytja djass í Gerðubergi
í kvöld.
Ný pelsa sending
Í GYLLTA KETTININUM
AUSTURSTRÆTI 8 - 10 • SÍMI 534 0005