Fréttablaðið - 19.12.2015, Síða 64

FÓLK| MATUR
Nú er tími skötuveislna að renna upp með tilheyr-andi ilmi – eða ólykt,
allt eftir því hvernig litið er á
málið og hver á í hlut. Margir
kvarta yfir lyktinni og jafnvel
hefur verið talað um að banna
ætti eldun á skötunni í fjölbýlis-
húsum sökum lyktmengunar.
Þuríður Guðmundsdóttir hefur
áratuga reynslu í að elda skötu
og lumar á nokkrum góðum
ráðum til að sleppa við fnykinn
sem fylgir skötusuðunni. „Ég
sýð skötuna alltaf í steikar-
poka, pokarnir fást bara úti í
búð og eru þeir yfirleitt notaðir
til að steikja læri í inni í ofni.
Auk þess set ég bómull bleytta
í ediki á barmana á pottinum
og loka honum vel. Svo passa
ég mig á að opna ekki pott-
inn fyrr en skatan er tilbúin.
Þá klippi ég gat á pokann og
helli vatninu af skötunni beint
í vaskinn og hreinsa hann vel,“
útskýrir Þuríður.
Auk þess að nota poka við
skötusuðuna sýður hún kanil
og edik í litlum potti við hliðina
á pottinum með fiskinum. „Þeg-
ar gufan af skötunni kemur upp
eyðir edikið lyktinni af henni
fljótt. Það er gott að nota það
almennt til að losna við vonda
lykt. Svo gefur kanillinn svo
jólalega lykt. Ég hef líka notað
epli með kanilnum og edikinu
og virkar það vel.“
SKÖTUVEISLA FYRIR HVER JÓL
Þuríður ólst upp við skötu á
borðum enda frá Tálknafirði en
skötuát er eins og margir vita
vestfirskur siður. Þegar hún
flutti aftur heim til Íslands frá
Svíþjóð árið 1981 fór hún að
hafa þann háttinn á að bjóða
þeim systkinum sínum sem
bjuggu í Reykjavík til skötu-
veislu á Þorláksmessu en Þur-
íður er ein sautján systkina.
„Mig langaði svo í skötu en það
er ekkert gaman að borða hana
ein þannig að ég fór að bjóða
systkinunum. Fyrir nokkrum
árum tók einn yngri bróðir
minn við veisluhaldinu og við
systkinin förum í skötuveislu
til hans í dag. Við hjálpumst að
við matseldina, til dæmis roð-
flettir annar bróðir minn sköt-
una og býr hana undir suðu og
ég baka flatkökur. Við höfum
svo alltaf ábrysti með rjóma
og kanilsykri í eftirrétt. Það er
gaman að hittast og gera þetta
einu sinni á ári. Við höfum
alltaf verið samrýnd systkinin
og er þessi matur sveipaður
ákveðnum æskuljóma,“ segir
hún og hlær.
ELDAÐ ÚTI Á SVÖLUM
Þuríður fór að leita leiða við að
sleppa við skötulyktina þegar
barnabörnin fóru fyrir mörgum
árum að skammast yfir lyktinni.
Hún segist þó ekki muna hvaðan
ráðin komu. „Ég hef annaðhvort
lesið mér til eða fengið ráð frá
mömmu. Að minnsta kosti virka
þau að sögn ættingjanna. Sumir
hafa farið þá leið að elda ekki
skötu nema þeir eigi bílskúr til
að sjóða hana í. Bróðir minn
eldar skötuna fyrir veisluna
í dag á prímusi úti á svölum.
Það kemur þó alltaf lykt þegar
skatan er borðuð en hún er
fljót að fara hjá mér því ég nota
edikið og kanilinn sem eyða
henni.“
FJÖLSKYLDAN KVARTAR EKKI
LENGUR UNDAN LYKTINNI
GÓÐ RÁÐ Að elda skötu í poka er góð leið til að losna við lyktina sem fylgir henni. Þuríður Guðmundsdóttir hefur gert það í fjölda
ára og kann hún fleiri ráð við eldamennskuna. Hún ætlar að fara í skötuveislu með systkinum sínum í dag eins og undanfarin ár.
VEISLUMATUR Mörgum finnst skatan vera hinn mesti herramannsmatur en að sama
skapi finnst mörgum vera óþefur af henni. MYND/GVA
SKÖTUVEISLA Þuríður Guðmundsdóttir
ætlar að gæða sér á skötu í dag.
SS býður nýja vöru, taðreykt hangikjöt.
Kjötið er verkað eftir gömlum íslenskum
aðferðum sem hafa verið notaðar um aldir
í sveitum landsins. Kjötmeistarar velja kjötið
af kostgæfni, það er pækilsaltað og reykt við
tað þar til réttum lit, bragði og áferð er náð.
Þeir sem vilja gamaldags þjóðlegt
hangikjöt með miklu bragði ættu að
velja Taðreykta hangikjötið frá SS.
Veldu rétt
Taðreykt hangikjöt
Það bragðmikla
Tindfjallahangikjet
Það ljúffenga Birkieykt hangikjöt
Hið bragðmilda Þessi gullverðlaunavara er tvíreykt, þurrkuð
og söltuð með sjávarsalti. Verkunartíminn
getur verið allt upp í 3 mánuðir en
lærið heldur áfram að verkast og batna
með tímanum, ársgamalt er úrvals.
Tindfjallahangi kjetinu er pakkað í lofttæmdar
umbúðir og sett í sérsaumaðan strigapoka
og er sælgæti sem borðað er hrátt.
Hentar sérstaklega vel sem forréttur
eða smáréttur og er tilvalið í
jólapakkann eða til þess að hafa uppi
við á aðventu og bjóða gestum og
gangandi jólabita.
Birkireykta hangikjötið frá SS er sígilt og
löngu landsþekkt. Það er aðeins framleitt
úr fyrsta flokks hráefni. Við reykingu er
notað íslenskt birki.
Þeir sem vilja mjúkt, safaríkt og
bragðmilt hangikjöt ættu að velja
Birkireykta hangikjötið frá SS.
HVernig HangikjÖT VilTU Um jÓlin?
Sjáið jÓlaúrValið inná HeimaSíðU SS, SS.iS