Fréttablaðið - 19.12.2015, Page 154

Við erum alls ekki alltaf með það sama, jú kannski þetta hefðbundna meðlæti svo sem
grænar baunir og heimatilbúið
rauðkál,“ segir Hildur Ársælsdóttir,
annar hluti tvíeykisins Mæðgurnar,
bloggsíðu þar sem heilnæmar upp-
skriftir ráða ríkjum. Á móti Hildi
er móðir hennar, sjálf hráfæðis-
drottningin Sólveig Eiríksdóttir,
svo óhætt er að segja að þar kenni
ýmissa meinhollra grasa. „Þegar
ég var yngri var hnetusteikin ekki
orðin svona vinsæl eins og hún er
í dag, og þá voru góðir grænmetis-
réttir í boði á aðfangadag. Nú
er það svoleiðis að við höfum alltaf
hnetusteik einhvern daginn yfir
hátíðarnar, en hún er ekki eini kost-
ur grænmetisæta,“ bendir Hildur á
og skellir upp úr. Hún segist þó æði
oft taka hana með sér í boð þar sem
ekki er boðið upp á annað en kjöt-
meti, vegna þess að steikin passi svo
vel með hinu hefðbundna meðlæti
almennu jólasteikarinnar ef svo má
að orði komast.
„Ég finn fyrir mikilli grósku þegar
kemur að grænmetisréttum. Það er
svo jákvætt að draga úr kjötneysl-
unni, hvort sem fólk ætlar sér að
gerast vegan eða ekki. Margir
virðast farnir að átta sig á að manni
geti liðið betur af að fá sér léttari
rétti í og með,“ segir Hildur. Þrátt
fyrir að vera grænmetisæta er ekki
svo að öll fjölskyldan sé á sömu bux-
unum í þeim efnum.  „Við mamma
og sonur minn erum grænkerar,
eða grænmetisætur, en restin ekki.
Við höfum oft haft humar fyrir þau,
þannig að það er alltaf eitthvað
fyrir alla,“ útskýrir hún og bendir á
að allir geti þó sammælst um ágæti
smákakanna og konfektsins, sem
hún deilir með lesendum Frétta-
blaðsins, ásamt dýrindis hugmynd
að jólasteik. gudrun@frettabladid.is
Þarf alltaf
Marsipan
75 g kasjúhnetur
1/8 tsk. salt
¼ dl hlynsíróp
½ tsk. vanilluduft
2 msk. kókosolía
3-4 möndludropar
Karamella
2/3 dl hlynsíróp
1/3 dl kókosolía
2 msk. möndlusmjör
½-¾ tsk. sjávarsaltflögur
Súkkulaðið
200 g lífrænt og fairtrade súkkulaði
Byrjið á að útbúa marsipanið og
karamelluna og látið stífna í kæli á
meðan þið bræðið súkkulaðið.
Marsípan: Setjið allt í matvinnslu-
vél og blandið vel saman. Stöðvið
og skrapið niður með hliðunum.
Setja má marsipanið í frysti í um 15
mínútur svo það stífni.
Karamella: Allt sett í blandara og
blandað þar til orðið er silkimjúkt og
kekkjalaust. Fyrir dekkri karamellu
er upplagt að setja smá kakóduft út í.
Súkkulaði: Okkur finnst best að
nota dökkt fairtrade súkkulaði.
Bræðið súkkulaðið yfir vatnsbaði.
Best er að tempra súkkulaðið því þá
verður konfektið fallega glansandi.
Notið lítil sílikonkonfektform.
Hellið smá súkkulaði í formin,
veltið með börmunum svo það
verði súkkulaði á hliðunum. Setjið
smá stund inn í kæli/frysti á meðan
súkkulaðið stífnar. Setjið ½-1 tsk.
af fyllingu í formið og endið á að
loka molanum með því að setja smá
súkkulaði yfir fyllinguna. Setjið aftur
í kæli/frysti.
Ef þetta er jólagjöf er upplagt
að setja í fallegan kassa eða aðrar
umbúðir.
Jólakonfekt
Eggaldin með
hnetu- og kryddjurtapestói
Eggaldin fyrir 4
2 eggaldin
4 msk. ólífuolía
1 tsk. timjan (við notum lífrænt,
bragðið er svo gott)
1 tsk. paprikuduft
Smá sjávarsaltflögur
Nýmalaður svartur pipar
Skerið eggaldinið í tvennt, skerið í
sárið rákir á ská.
Hrærið saman olíu, timjan, papriku-
dufti, salti og pipar.
Penslið eggaldinið með krydd-
blöndunni.
Setjið í ofnskúffu og bakið við 200° í
35 mínútur.
Lykilatriði er að grilla eggaldinið
nógu vel, svo það verði alveg meyrt í
gegn, þannig er það langbest.
Látið kólna smá stund.
Setjið um 5 msk. af pestó ofan á
hvert eggaldin og svo um 3 msk. af
granateplasalsa.
Kryddjurtapestó
100 g ferskt kóríander
50g ristaðar heslihnetur
50g ristaðar kasjúhnetur
1-2 smátt skornar döðlur
Safinn úr 1 sítrónu
1-2 hvítlauksrif
1 tsk. chiliflögur
Sjávarsalt
1 dl jómfrúarólífuolía
Eggaldinjólasteik
Súkkulaðibitasmákökur
2½ dl kókosolía (líka hægt að nota
t.d. vegan smjör), við stofuhita
3 dl kókospálmasykur
4 dl fínt malað spelt
1 tsk. vanilla
1 tsk. matarsódi
½ tsk. salt
2-3 msk. vökvi (t.d. kókosmjólk
eða önnur jurtamjólk)
2 dl heslihnetur, þurrristaðar og
smátt saxaðar
150 g dökkt súkkulaði
(helst fairtrade), saxað
Setjið kókosolíu og kókospálma-
sykur í matvinnsluvél og hrærið
saman.
Bætið spelti, vanillu, matarsóda
og salti út í og hrærið í smá stund eða
þar til þetta hefur hrærst vel saman.
Bætið þá vökvanum út í og
hrærið örstutt eða þar til hann hefur
blandast vel saman við deigið.
Ef deigið virðist of þurrt má bæta
smá vökva/olíu í deigið.
Bætið að lokum heslihnetum og
súkkulaðibitum út í og hrærið þar til
þetta hefur blandast vel saman.
Setjið deigið inn í ísskáp í klukku-
tíma áður en þið setjið á plötu og
bakið. Notið teskeið við að setja deig-
kúlur á plötuna, kökurnar fletjast vel
út svo passið að hafa gott bil á milli.
Bakið við 180°C í 8-10 mín. Látið
kólna áður en þið freistist til að
smakka.
Jólakruðerí
MyNd/MatthíaS ÁrNi iNgiMarSSoN
hildur segir ekki
mikið vesen að henda
í hnetusteik sé því að
skipta, og jafnvel tölu-
vert fljótlegra en flest
annað sem fólk leggur
sér til munns yfir jólin.
hnetusteik?
Stutta svarið er nei. Hildur Ársælsdóttir grænkeri segir fjölbreytn-
ina heilmikla þegar kemur að jólamat þeirra sem kjósa að leggja sér
ekki kjöt til munns og segir einhæfnina ekki þurfa að vera til staðar.
að vera
1 9 . d e s e m b e r 2 0 1 5 L A U G A r d A G U r118 L í f i ð ∙ f r É T T A b L A ð i ð