Fréttablaðið - 23.02.2016, Side 16

2 3 . f e b r ú a r 2 0 1 6 Þ r I Ð J U D a G U r2 f ó l k ∙ k y n n I n G a r b l a Ð ∙ X X X X X X X X
Hulda Sólveig Jóhannsdóttir, íþróttafræðingur og heilsumarkþjálfi, segir að allt of margir eigi það til að ruglast á þörf okkar
fyrir hefðbundna næringu og andlega næringu. „Það er, við borðum mat þegar við erum í raun að leita að annars konar nær-
ingu.“ MYND/ERNIR
Í umræðu um heilbrigði sem
hefur verið afar fyrirferðarmik-
il á undanförnum árum hefur
mataræði og hreyfing verið
það sem helst hefur verið um
rætt. Heilbrigði saman stendur
af fleiri þáttum sem öllum þarf
að huga að og rækta, að sögn
Huldu Sólveigar Jóhannsdóttur,
íþróttafræðings og heilsumark-
þjálfa. 
„Mataræði og hreyfing skiptir
auðvitað miklu máli þegar talað
er um heilbrigði, ég ætla ekki
að draga úr því, en þetta eru þó
bara tveir þættir af svo mörg-
um. Segjum að einhver sé, svo
dæmi sé tekið, í óhamingjusömu
hjónabandi þá leysir það eitt og
sér að neyta meira af hollri fæðu
ekki vandamálið sem taka þarf
á. Ef fólk er hamingjusamt, sátt
og ánægt þá eru miklar líkur á
að það borði hollari mat, hreyfi
sig meira og líti almennt jákvæð-
um augum á lífið, með öðrum
orðum, sé líklegra til að vera
heilbrigðara en ella,“ útskýrir
Hulda.
Allir fArA AllA leið
Til að verða betra eintak af sjálf-
um sér þarf hver og einn að átta
sig á hvaða þætti þeir vilji leggja
áherslu á og bæta í sínu lífi, að
sögn Huldu. „Við Íslendingar
erum mjög „keppnis“, förum
alla leið og erum stolt af því. Við
stefnum á maraþon og tökum
þátt í Járnkarlinum svo eitthvað
sé nefnt. Það að fara alla leið er
alls ekki fyrir alla.
Til hvers að fara alla leið í
hreyfingu eða mataræði ef það
eru aðrir þættir í lífinu sem fólk
er ósátt við og ætti í raun að
leggja áherslu á að vinna í? Ef
við erum ekki á „all in“ braut-
inni þá virðumst við vera dugleg
við að rífa okkur niður, þar sem
samfélagið er duglegt að minna
okkur á hvað við eigum að vera
að gera til að öðlast betri heilsu
og heilbrigði. Face book með
allar myndirnar af maraþonun-
um, göngunum og svo framveg-
is, auglýsingarnar í miðlunum
sem segja okkur hvað við eigum
að borða og hvernig við eigum
að æfa eða hreyfa okkur til að
líða betur. Málið er ekki svona
einfalt, um ólíka einstaklinga er
að ræða, það sem hentar einum í
hreyfingu eða mataræði hentar
öðrum ekkert endilega.“
Hulda bendir einnig á að
óþarfi sé að fara alla leið ef gera
á breytingar á lífsstílnum. „Það
er svo miklu skemmtilegra að
fara rólega í sakirnar og ýta
óhollum venjum smám saman
út, með jákvæðum venjum. Þar
sem við erum allt of einbeitt í
að fara alla leið þá erum við oft
mjög dugleg í að rífa okkur niður
ef okkur gengur ekki sem skyldi
í lífsstílsbreytingunni, verðum
pirruð og jafnvel hættum bara.
Það er svo miklu betra að fagna
þeim æfingum sem við komust á
heldur en pirr ast á þeim æfing-
um sem við slepptum eða þeim
dögum sem matar æðið var ekki
sem skyldi. Lífsstílsbreyting er
langhlaup, ekki spretthlaup,“
segir hún með áherslu.
NæriNg á tvo vegu
Aðspurð að því hvort ósáttur ein-
staklingur sem borðar algjör-
lega hollt fæði sé heilbrigðari
en sá hamingjusami sem fylgir
ekki hollu mataræði segir hún að
hægt sé að líta á hugtakið nær-
ingu á tvo vegu, það er sem nær-
ingu í gegnum fæðu sem er inn-
byrt og svo andlega næringu.
„Ef við berum saman tvo ein-
staklinga sem báðir einbeita sér
að því að borða hollt fæði, þeir
stunda báðir hreyfingu og líta
á sig sem heilbrigða einstak-
linga. Annar aðilinn á ástríka
fjölskyldu, góða skilningsríka
vini, hann er jákvæður, ánægð-
ur í vinnunni, hann er hamingju-
samur, sáttur, sefur vel.
Hinn einstaklingurinn hefur
ekki þetta stuðningsnet og er
ekki í þessu andlega jafnvægi.
Það gefur augaleið hvor er heil-
brigðari. Næring er meira en
það sem sett er á diskinn, það má
segja að við fáum ákveðna nær-
ingu í gegnum daglegar athafnir
og líðan. Ef fólk líður ekki skort,
það er, það sveltur ekki, þá eru
meiri líkur á að það njóti betur
andlegu næringarinnar en þeirr-
ar næringar sem innbyrt er. Mín
skoðun er að allt of margir eigi
það til að ruglast á þessari þörf
okkar fyrir næringu, það er, við
borðum mat þegar við erum í
raun að leita að annars konar
næringu,“ segir Hulda.
liljabjork@365.is
lífsstílsbreytiNg
er lANghlAup
Fleiri þættir en mataræði og hreyfing skipta máli þegar rætt er um
heilbrigði. Betra er að fara rólega í sakirnar og ýta óhollum venjum út
og taka jákvæðar inn smátt og smátt en að fara alla leið í einu skrefi.
Ef fólk líður ekki
skort, það er, það
sveltur ekki, þá eru meiri
líkur á að það njóti betur
andlegu næringarinnar en
þeirrar næringar sem
innbyrt er.
Hulda Sólveig Jóhannsdóttir
SagaPro fæst í helstu apótekum, heilsu- og matvöruverslunum
www.sagamedica.is
Náttúruvara úr íslenskri hvönn
SagaPro
Minna mál með
f ó l k ∙ k y n I n G a r b l a Ð ∙ h e I l s a