Fréttablaðið - 23.02.2016, Síða 68

www.versdagsins.is
Send ljós
þitt og trúfesti
þína, þau skulu
leiða mig...
H E I L S U R Ú M
A
R
G
H
!!!
0
90
21
6
#6
REKKJAN KYNNIR
ROYAL AVIANA
KYNNINGARVERÐ
Stærð: 153x200 cm.
Með botn: 115.080 kr.
Án botns: 73.486 kr.
„Við reynum að sýna fegurðina í
hversdagslegu hlutunum, hvort sem
er á íslenska hversdagsleikanum
eða á Balí,“ segja þau Dagbjört Eilíf
Baldvinsdóttir og Aron Bjarna-
son sem halda úti óvenjulega sætu
hjónalífsstílsbloggi, þar sem þau
setja inn myndir og segja frá því
sem á daga þeirra drífur. Bloggið,
sem ber heitið Justus.is, einkennist
af fallegum myndum úr smiðju
parsins, bæði af þeim sjálfum sem
og öðru myndefni. Þúsundir gesta
hvaðanæva úr heiminum kíkja
á síðu turtildúfnanna, sem segja
meðal annars í lýsingu síðunnar að
þau séu yfir sig ástfangin. Sést það
svo bersýnilega á myndunum, sem
þykja einkar fallegar.
Hjónin eru saman í blíðu og stríðu, hvort sem er við kaffidælingu eða myndasmíðar
á blogginu. Fréttablaðið/anton brink
„Maður gleymir stundum hvað Ísland er fallegt á veturna. Þessi mynd er tekin í Hvalfirðinum í vetur.“
„Við höfum unnið með ýmsum hótel­
um á ferðalögum okkar um asíu og
Ísland.“
Þau eru iðin við að smella af
myndum er varða tísku, lífsstíl og
ferðalög. Sameiginlegur áhugi á
ljósmyndun og vefhönnun dregur
parið saman. Áhugamálunum sinna
þau í sameiningu, líkt og um það bil
öllu öðru í lífinu, þar sem þau starfa
einmitt saman sem vefhönnuðir
og lífsstílsbloggarar hálfa vikuna
og svo sem kaffibarþjónar á Súfist-
anum til móts við það. Fær maður
aldrei leið á mótspilaranum í svona
aðstæðum? „Við njótum þess mjög
að vera í félagsskap hvort annars.
Við fáum oft spurninguna hvort við
höfum um eitthvað að tala, verandi
svona mikið saman. Við verðum
oftar en ekki eitt stórt spurningar-
merki, þar sem okkur skortir aldrei
umræðuefni,“ segir Dagbjört og hlær
innilega. Parið kynntist er þau lögðu
stund á nám við Fjölbraut í Garða-
bæ og varð þá ekki aftur snúið. „Við
vorum vinir frá fyrstu stund, og
giftum okkur svo árið 2012.“
Segir Dagbjört bloggið sækja
sífellt í sig veðrið, og bendir á að
Instagram hafi formlega komið þeim
á kortið ef svo má að orði komast.
„Við fluttum saman til Balí og gátum
þá sinnt blogginu enn betur. Þá jókst
aðsóknin sömuleiðis. En Instagram
er besti farvegurinn fyrir okkur með
myndirnar, en um þrettán þúsund
manns fylgja okkur þar.“
Aðspurð hvernig kaupin gangi
fyrir sig á eyrinni Instagram, segir
hún að þar fái þau að „reppa“ fyrir-
tæki, það er að endurspegla fyrir-
tæki, sem þá bjóði þeim að koma
og prófa þjónustu eða vöru hverju
sinni. „Það getur verið gaman að fá
hótelgistingu og svoleiðis,“ útskýrir
hún og brosir. Launin eru þó ekki
farin að láta á sér kræla þannig séð,
en parið nýtur fríðindanna sem
þessu fylgir út í ystu æsar. „Við erum
nánast alltaf með myndavélarnar á
lofti, en ef þær gleymast höfum við
símana okkar tiltæka.“
gudrun@frettabladid.is
Sýna fegurðina
í hversdagsleikanum
Hjónakornin Dagbjört Eilíf Baldvinsdóttir og
Aron Björnsson halda saman úti rómantískri
lífsstílsbloggsíðu, milli þess sem þau sjá um
kaffiþyrstar miðbæjarmýs.
„Við bjuggum í tæpt ár á balí í indó­
nesíu. Við fengum að vinna með í
verkefni sem heitir Happy Healthy
kids, sem sér barnaheimilum fyrir 
hreinlætisnauðsynjum.“
Ábendingahnappinn
má finna á
www.barnaheill.is
2 3 . f e b r ú a r 2 0 1 6 Þ r I Ð J U D a G U r24 L í f I Ð ∙ f r É T T a b L a Ð I Ð
Lífið